26 September 2017

News Flash

‘भ’ जीवनसत्त्व

महाराष्ट्रात आणखी दोन वर्षांनी भाजपसाठी तितके अनुकूल वातावरण असेलच असे नाही.

लोकसत्ता टीम | Updated: September 13, 2017 2:19 AM

भारतीय जनता पक्ष (प्रतिकात्मक छायाचित्र )

भाजपच्या केंद्रीय नेत्यांना शिवसेनेचे, तर राज्य नेतृत्वास राष्ट्रवादीचे वावडे. पण जीवनसत्त्वाचे आमच्या बरोबर या किंवा गप्प बसाहे वैशिष्टय़ त्याहून मोठे..

राष्ट्रवादीचे सर्वेसर्वा शरद पवार यांच्या कन्या सुप्रिया सुळे यांना केंद्रात मंत्रिपद देऊ केल्याची बातमी आल्यानंतर दुसऱ्याच दिवशी त्या पक्षाचे राज्यप्रमुख सुनील तटकरे यांच्या चौकशीची घोषणा व्हावी हा काही दिसतो तितका साधा योगायोग नाही. पंतप्रधान नरेंद्र मोदी यांनी जातीने सुप्रिया सुळे यांना मंत्रिपदासाठी विचारणा केली. परंतु त्यांनी ती नाकारली. या घटनेस काही साक्षीदार आहेत आणि तीमागे अनेक समीकरणेही दडलेली आहेत. त्यातून सत्तेच्या पोकळ पडद्यामागे सगळेच कसे एकमेकांचे हात धरून असतात, ते कळून यावे. मोदी – पवार – सुळे यांच्यातील संवादाचा सारा तपशील प्रकाशित केला संजय राऊत यांनी. ते सेनेच्या मुखपत्राचे संपादक आणि राज्यसभेचे खासदार. दिल्लीत राऊत आणि भाजपचे विनय सहस्रबुद्धे यांची निवासस्थाने कुंपणानेच विभागलेली आहेत. तेथपासून शरद पवार यांचे निवासस्थान तसे बरेच दूर. ते घराबाबत सोनिया गांधी यांचे शेजारी. ही भौगोलिक विभागणी. वास्तविक अशी. राजकीय विभागणीत सेना ही शरद पवार यांची टीकाकार. पण ही विभागणी वरवरचीच. किती ते उद्धव ठाकरे आणि संजय राऊत या दोघांनाही ठाउक. त्यामुळे राऊत हे प्रत्यक्षात उद्धव यांच्यापेक्षा पवार यांनाच जवळचे. त्याचप्रमाणे भाजपचे सर्वेसर्वा क्रमांक एक नरेंद्र मोदी हे गेला बराच काळ सर्वेसर्वा क्रमांक दोन अमित शहा यांच्याइतकेच शरद पवार यांचेही स्नेही. भाजपच्या दुय्यम साजिंद्यांना मोदी यांची भेट पवार यांनी शब्द टाकल्यास लवकर मिळते हेदेखील वास्तव. तेव्हा पवारकन्या सुप्रिया यांना भाजपच्या मोदी यांनी मंत्रिपदासाठी विचारणा करावी आणि त्याचा साद्यंत वृत्तांत शिवसेनेच्या राऊत यांना कळावा यामागील कार्यकारणभाव लक्षात यावा.

यात गैर काहीही नाही. याआधीही पंतप्रधान मोदी हे बारामतीस गेल्यामुळे रा. स्व. संघ आणि अन्यत्र असलेल्या नवनैतिकतावाद्यांचे हृदय विदीर्ण झाले असता आम्ही पवार-मोदी भेटीचे स्वागतच केले होते. पुढे मोदी यांनीही आपण पवार यांचे बोट धरून राजकारणात कसे आलो, हे सांगून एका अर्थी आमच्या भूमिकेचे समर्थन केले आणि भक्तांच्या हृदयास आणखीनच घरे पाडली. या पाश्र्वभूमीवर सध्याच्या घटनांची टिंबे जोडावयास हवीत. तसे केल्यास राजकारणाचे चित्र अधिक स्पष्ट होईल. त्यामुळे भाजपला पवार यांची गरज का भासावी आणि सेनेच्या मर्दमराठी छातीत भाजप अणि राष्ट्रवादी यांच्या वाढत्या दोस्तान्याने जळजळ का व्हावी ते कळेल. आगामी निवडणुकीत महाराष्ट्र हा सत्ताधारी भाजपसाठी महत्त्वाचा आहे. उत्तर प्रदेशखालोखाल लोकसभेवर खासदार पाठवणाऱ्या महाराष्ट्रात आणखी दोन वर्षांनी भाजपसाठी तितके अनुकूल वातावरण असेलच असे नाही. त्यामागे मुख्यमंत्री देवेंद्र फडणवीस यांची कारकीर्द हे कारण नाही. तर कृषीसंकट, राज्यातील जातीपातीची समीकरणे आणि एकंदरच मंदावलेला अर्थविकास त्यामागे आहे. तसेच दुसरा महत्त्वाचा मुद्दा म्हणजे महाराष्ट्रात काँग्रेसची अशी निश्चित मते आहेत. मोदी यांचा अश्वमेध चौखूर उधळत असतानाही या मतांत लक्षणीय घट झालेली नाही. तेव्हा या राज्यात काँग्रेसचे पुनरुज्जीवन होणारच नाही, असे नाही. तसे ते झाल्यास या पुनरुज्जीवनातील हवा काढण्याची ताकद शरद पवार यांच्याकडे जितकी आहे तितकी भाजपच्या राज्यस्तरीय नेतृत्वात नाही. त्यामुळे मोदी यांना पवार महत्त्वाचे. त्यामागील आणखी एक कारण म्हणजे शिवसेना. भाजपचे वाढते प्रस्थ हे अखेर आपल्या गळ्याला फास लावणारे आहे याची पूर्ण जाणीव शिवसेना नेत्यांना झाली असून त्यांचा सारा प्रयत्न पक्षाला भाजपच्या सावलीतून बाहेर काढून वाढवण्याचा आहे. पण त्यांची पंचाईत आहे ती सत्तेतली भाजपसमवेतची भागीदारी. भले ती नाममात्र असेल. परंतु अखेर सत्ता आहे. ती सेना नेत्यांना सोडवत नाही. सोडण्याचे धर्य समजा दाखवलेच तर आपलेच मर्दमराठे साथीदार मनगटावरचे भगवे शिवबंधन कधी तोडून भाजपच्या कळपात घुसतील याची उद्धव ठाकरे यांना काळजी. त्यामुळे सत्ता सहन होत नाही आणि विरोधक होणे झेपत नाही, अशी त्यांची अवस्था. त्यांना सध्याच्या आक्रमक भाजपमधून चुचकारणारा एकच घटक.

मुख्यमंत्री देवेंद्र फडणवीस. भाजपच्या केंद्रीय नेतृत्वास सेना नकोशी तर फडणवीस सेनेला सांभाळून घेणारे. ही कसरत फडणवीस करतात याचे कारण सेनेचा हात सोडला तर आपले केंद्रीय नेते राष्ट्रवादीशी पाट लावायला मागे-पुढे पाहणार नाहीत, याची त्यांना असलेली पूर्ण खात्री. मोदी आणि शहा या दुकलीस शिवसेनेचे जोखड फेकावयाचे आहे आणि त्यासाठी प्रसंगी सेना फोडून वा राष्ट्रवादीशी सत्तासोबत करून फडणवीस सरकार टिकविण्याची त्यांची तयारी आहे. तसे त्यांना करता येत नाही. याचे कारण खुद्द फडणवीस आणि रा. स्व. संघ यांचा असे काही अगोचर करण्यास असलेला विरोध. सेनेस दूर करून राष्ट्रवादीच्या साह्याने सरकार टिकविणे फडणवीस यांना अजिबात मंजूर नाही. असे करणे भ्रष्टाचार निर्मूलन आणि हिंदुत्व या दोन्ही मुद्दय़ांना तिलांजली देणे ठरेल, असे त्यांचे रास्त मत. त्यामुळे राष्ट्रवादीपेक्षा सेना बरी असे त्यांना वाटते. सेनेस कधी डोळे वटारून किंवा तशीच वेळ आल्यास मातोश्रीस भेट देऊन कह्यात ठेवता येते. राष्ट्रवादीचे तसे नाही. बारामतीचा हा मोती आपल्या नाकापेक्षा भलताच जड आहे, याची पूर्ण जाणीव फडणवीस यांना आहे. खेरीज, दिल्लीच्या समीकरणासाठी राज्यातील रांगोळी विस्कटण्यात त्यांना काहीही रस नाही. राज्य भाजपमध्ये प्रदेशाध्यक्ष रावसाहेब दानवे आदी राष्ट्रवादीची तळी उचलण्यासाठी आतुर असले तरी फडणवीस यांना असला उद्योग मान्य नाही. म्हणून मग तटकरे यांच्यावरील कथित कारवाईचे वृत्त. दिल्लीने सुळे यांना मंत्रिपद देऊन जवळीक सिद्ध करण्याचा प्रयत्न केल्याबरोबर राज्याने आपल्या दिल्ली नेतृत्वास राष्ट्रवादीच्या भूतकाळाची आठवण करून दिली. यातून एक प्रकारे भाजपच्या राज्य आणि केंद्र स्तरावरील नेतृत्वाच्या राजकीय धोरणआखणीत मतभेद दिसून येतात हे खरेच. परंतु त्यास आणखी एक परिमाण आहे. ते म्हणजे भाजपच्या सध्याच्या कार्यशैलीचे.

भाजपतर्फे संभाव्य राजकीय विरोधकांना सध्या एकच संदेश दिला जातो. ‘तुम्ही आमच्या बरोबर या किंवा गप्प बसा. हे दोन्ही पर्याय मान्य नसले तर तुमच्या फायली आमच्या हाती आहेतच’, हा तो संदेश. आतापर्यंत असंख्य उदाहरणांतून भाजपने ही आपली कार्यशैली दाखवून दिली आहे. मग ते बिहारात लालू कुटुंबीयांविरोधातील कारवाई असो किंवा कर्नाटकी मंत्र्यांवरच्या धाडी वा चिदम्बरमपुत्रापाठोपाठ जयंती नटराजन यांच्या घरांवरील छापे. यातून भाजप प्रच्छन्नपणे हाच संदेश देते. सुनील तटकरे यांच्याविरोधातील कारवाईच्या वृत्तातूनही हेच ध्वनित होते. आम्ही देत आहोत ते मंत्रिपद घ्या अथवा तुमच्या भ्रष्टाचाराची प्रकरणे आहेतच, हा यामागचा अर्थ. तो खरा असल्याने भाजपला या भ्रष्टाचारांची ना प्रामाणिक चौकशी करावयाची आहे ना ती प्रकरणे बंद करावयाची आहेत. भाजपला रस आहे तो केवळ ही प्रकरणे टांगती ठेवण्यात. त्याचमुळे, राष्ट्रवादी, भाजप, शिवसेना, काँग्रेस अशा सर्वच पक्षांना नकोशा झालेल्या छगन भुजबळ यांचे प्रकरण वगळता अन्य कोणतेही प्रकरण भाजप सरकारांकडून धसास लावले जात नाही. जाणारही नाही. नारायण राणे हेदेखील भाजपच्या वाटेवर आहेत ते याचमुळे. ते जाणतात की विरोधी पक्षांत राहून भाजपला विरोध तर करता येणारच नाही. उलट चौकशीचा ससेमिरा, छापे वगरेंची शुक्लकाष्ठे मागे लागण्याचा धोका. त्यापेक्षा सांप्रती सत्तासूर्य तळपत असलेल्या भाजपच्या अंगणात जाऊन उभे राहिलेले बरे. बाकी काही मिळो न मिळो निदान ‘ड’ जीवनसत्त्व तरी मिळते. सुनील तटकरे, अजित पवार यांच्या चौकशीचे, सुप्रिया सुळे यांना मंत्रिपद देऊ केल्याचे वृत्त राजकारणात नव्याने विकसित झालेल्या ‘भ’ जीवनसत्त्वाचा परिचय करून देणारे आहे. भ्रष्टाचार चौकशी वगरे केवळ शब्दांचे बुडबुडे.

  • दिल्लीने सुप्रिया सुळे यांना मंत्रिपद देऊ करून जवळीक सिद्ध करण्याचा प्रयत्न केल्याबरोबर राज्याने आपल्या दिल्ली नेतृत्वास राष्ट्रवादीच्या तटकरे आदी भूतकाळाची आठवण करून दिली. अशा राजकारणात छगन भुजबळ यांचे प्रकरण वगळता अन्य कोणतेही प्रकरण भाजप सरकारांकडून धसास लावले जात नाही. जाणारही नाही..

First Published on September 13, 2017 2:19 am

Web Title: bjp government ncp shiv sena sharad pawar supriya sule bjp cabinet ministers sanjay raut
  1. S
    surendra
    Sep 14, 2017 at 3:16 pm
    अंधार कोठडितील पोपट काय , कावळे काय , अरे भक्त गण काय सुरू आहे ? "सर्व"राजकारणी एका ठरावीक उद्दिष्ट साध्य होईपर्यंत सर्व सामान्य लोकांना भावनिक लाटेवर खेळवत असतांत . सद्या फक्त व फक्त भावनिक आवाहन करून उद्दिष्ट साध्य करणे सुरू आहे. ही अथवा त्यात चुक होतं असेल तर निर्विकार पत्रकारांने मत मांडले तर तो देशद्रोही व स्तुतीसुमने उधळणारे देशभक्त . नाहीतर संपादकीय फक्त 'होयबा' पाहिजेत काय ? 🤔😇🤣
    Reply
    1. P
      prakash
      Sep 14, 2017 at 11:23 am
      त्यापेक्षा सांप्रती सत्तासूर्य तळपत असलेल्या भाजपच्या अंगणात जाऊन उभे राहिलेले बरे. बाकी काही मिळो न मिळो निदान ‘ड’ जीवनसत्त्व तरी मिळते. सुनील तटकरे, अजित पवार यांच्या चौकशीचे, सुप्रिया सुळे यांना मंत्रिपद देऊ केल्याचे वृत्त राजकारणात नव्याने विकसित झालेल्या ‘भ’ जीवनसत्त्वाचा परिचय करून देणारे आहे. भ्रष्टाचार चौकशी वगरे केवळ शब्दांचे बुडबुडे. हे छान वर्णन केले आहे तुम्ही....
      Reply
      1. V
        vishal
        Sep 13, 2017 at 11:39 pm
        Maa. Naa. Vinod., "bha" jeevansattva, jateeyavadi vishari comment taktana laaj vatat nahi tula.. dusryana lekhan swatantrya aahe yachi jaaniv thev
        Reply
        1. V
          vishal
          Sep 13, 2017 at 11:31 pm
          Sam"padak"ala nah tari vinod la mirchi lagali.. majhya pratikriyeche saarthak jhale.. mast jhop lagel ata :)
          Reply
          1. S
            Somnath
            Sep 13, 2017 at 10:19 pm
            काँग्रेसच्या अंधाऱ्या कोठडीतल्या पिंजऱ्यातील पोपटांना एक गोष्ट कळत नाही कि प्रत्येक विषयात मोदीद्वेषाची गरळ ओकून काँग्रेसची पापे झाकण्याचे कुबेर का बघतात.काहीही असो उपाशीपोटी काँग्रेसच्या भटांना खरंच पुरुन उरलेले बरेच सडेतोड प्रतिक्रिया देणारे वाचक,त्यात कुबेरांचा वसा घेऊन कुचाळक्या करणारे अकलेने अति खालच्या क्रमांकवर आहेत त्यांच्या थोराड बिन अकलेच्या नेत्यासारखे हे नक्की.कुबेर आणि काँग्रेसच्या कार्यकर्त्यांपेक्षा त्यांचे भाट स्वतःची प्रतिक्रिया देण्याएवजी दुसऱ्यांच्या प्रतिक्रियेवर पोट भरणारे ज्यास्त चेकाळले आहेत.त्याच्या प्रतिक्रीया त्यांचा नीचपणा व हलकटपणा दर्शवितात. भुक्कड कुठले ! न्यायालयाने दोषी ठरविलेले सर्वसुत भ्र्रष्टाचारी लालूंचे समर्थन करणारे हे भाट आणि कुजकट कुबेरांसारखे पत्रकारितेच्या तत्वांना गहाण ठेवणारे पाळलेले भुक्कड असेच उपाशी पोटी कावकाव करत राहणार.
            Reply
            1. P
              Prakash Nagre
              Sep 13, 2017 at 9:57 pm
              महाराष्ट्रात हे असेच होत रहाणार, कारण महाराष्ट्राच्या जनतेला स्थानिक पक्षांपेक्षा दिल्लीतले पक्ष जवळचे वाटतात! जर स्थानिक पक्षांना महाराष्ट्राच्या जनतेने बळ दिलं नाही तर मग इथल्या जनतेवर नेहमीच हुकूम दिल्लीवरुनच चालवलाजणार. आणि दिल्लीतल्या पक्षांना स्थानिक जनतेशी काहीही घेणं देणं नसतं, त्यांना फक्त दिल्लीची सत्ता टिकवायची असते. अश्यावेळी तुम्हाला ते का म्हणून विचारणार? फक्त निवडणुका आल्या कि महाराष्ट्रात यायचं आणि मराठीतून दोन डायलॉग मारायचे किंव्हा शिवाजी महाराजांवर पुस्तक लिहिणार अशी पुसकुली सोडायची आणि पडद्या मागून मराठी मतं फोडायची आणि अमराठी लोकांना मनसे, शिवसेना आणि शरद पवारांचं भु त दाखवून त्यांची मते मिळवायची! ह्या पलीकडे दिल्लीतली दोन्ही पक्ष, काँग्रेस आणि भाजप, ह्यांनी महाराष्ट्रासाठी काहीही केलं नाही. केलंच असेल तर ते म्हणजे इथे परप्रांतीयांची लोकसंख्या वाढवली त्यांच्यासाठी खास रेल्वे ्या सोडून आणि त्यांना महाराष्ट्रात नोकऱ्या देऊन! उगाचच महाराष्ट्रात भाजप आणि काँग्रेस आता छट पूजा करायला लागलेत असं वाटतं का तुम्हाला.
              Reply
              1. D
                Dr Velapure
                Sep 13, 2017 at 8:51 pm
                अति उत्तम विश्लेषण .
                Reply
                1. D
                  Dilip Harne ,Thane
                  Sep 13, 2017 at 7:03 pm
                  उत्तम अग्रलेख.एक गोष्ट कळत नाही,भक्तलोक कुबेरांना प्रत्येक विषयात कॉंग्रेसशी जोडून का बघतात.काहीही असो भामट्या भक्तांना खरंच पुरुन उरलेले काही थोडेच पत्रकार आहेत,त्यात कुबेरांचा वरचा क्रमांक आहे हे नक्की.आज खरोखरच मोदी शहा ह्या जोडीपेक्ष्या त्यांचे भक्तच ज्यास्त चेकाळले आहेत.
                  Reply
                  1. विनोद
                    Sep 13, 2017 at 6:02 pm
                    भक्तांच्या प्रतिक्रीया त्यांचा नीचपणा दर्शवितात. पगार मिळताे म्हणून काहीही अश्लाघ्य बरळताना यांच्या नजरेसमाेर केवळ पगारापाेटी राेखीने मिळणार्या नाेटा असतात. कमरेचं साेडून डाेक्याला गुंडाळून गलीच्छ भाषेत जाे जेवढी जास्त बाेंब मारेल तेवढ्या नाेटा त्याला जास्त मिळतात. पाेटासाठी आणी जातीसाठी काहिही करायची यांची तयारी असते. भुक्कड कुठले !
                    Reply
                    1. N
                      Nilesh
                      Sep 13, 2017 at 5:24 pm
                      गिरीश कुबेर आपण लाल किल्ला सदर लिहिणारे श्री संतोष कुलकर्णी यांच्याकडून विश्लेषण कसे करावे ते शिका.
                      Reply
                      1. V
                        vishal
                        Sep 13, 2017 at 4:28 pm
                        हग्रलेख, "भ"ग्रलेख कि "न"ग्रलेख??????? राहुल गांधीची अमेरिकन मुक्ताफळे काल चारच ओळीत सौम्य भाषा वापरून संपवलीत.. कोंबड झाकल तरी सूर्य उगवायचा राहत नाही!
                        Reply
                        1. S
                          Shrikant Yashavant Mahajan
                          Sep 13, 2017 at 3:58 pm
                          इंदिरा गांधी या फाईलीचा धाक दाखवून कामे पार पाडणारा आद्य नेता हे सत्य सांगण्यास संपादक महाशय विसरले कसे? राजकारण हे असे चालते, चालणार हे जाणूनहि भाजप वर आगपाखड करायची संधी ते सोडून इच्छित नाहीत
                          Reply
                          1. S
                            SG Mali
                            Sep 13, 2017 at 2:42 pm
                            संपादक महाराजानी संजू राउतावर दांडगा भरोसा ठेवलाय. संजूच्या नादात सामना बंद पाडण्याच्या मार्गावर आहे तसे लोकसत्ताचे मात्र होऊ नये. आता प्रश्न नीतीमत्तेचा. ती तर स्वत:ला लोकशाहीचे स्तंभ मानणार्‍या संसद, नोकरशहा आणि पत्रकारीता यानी कधीच कोळून प्यायले आहेत.(न्यायालयाचा अपवाद-कारण अजुन ही लोकाना तिथेच आधार वाटतो). यात सर्वात जास्त व्यभीचार कोठे असेल तर तो माध्यमात. आता हेच पहा. ज्या लालुला सर्वोच्च न्यायालयाने दोषी मानले त्याची तळी उचलण्यासारखा हलकटपणा काय असु शकतो. कर्नाटकाच्या मंत्र्याकडे जे घबाड सापडले त्याबद्दल काहीच न लिहीता बुद्धीभ्रम निर्माण करणारे लिखाण म्हणजे वेश्येलासुद्धा लाजेने मन खाली घालावी इतका किळसवाना प्रकार. पण असो "आम्ही" "पडलो" संपादक. म्हणजे अतीच महविद्वान.
                            Reply
                            1. S
                              surendra
                              Sep 13, 2017 at 2:17 pm
                              जे पूर्वी कॉंग्रेस करावयाचे,दुसर्यांची अंडी पिल्ली बाहेर काढावयाची व सत्ता मस्तीत टिकवायची . हे भ्रष्टाचार व वर सत्तेची मस्ती अती झाले व कॉंग्रेसला सर्व कंटाळले . बोलक्या पोपटाच्या जहिरातबाजीला भुलले. मात्र ज्या राज्यात स्वत:चा मतदार नसलेल्या राज्यात कॉंग्रेस पूर्ण भूईसपाट होत आहे. मात्र लेखात उल्लेख केल्याप्रमाणे महाराष्ट्रतील जनतेला या सर्व गोष्टींचा उबग येत चालला आहे. शहा/मोदी सध्या नवीन समिकरण मांडू शकत नाहीत मग काय ऊचला मोठ्ठी धेंडे।। लोकांचे,शेतकर्यांचे,एक मराठा लाख मराठा,राज्याचे काहिही होवो !! येन केन प्रकारे दबाव टाकणार्या स्वार्थी शिवसेनेनेपेक्षा सत्तेचे लोचट कॉंग्रेस ( राष्ट्रवादी) चे म्होरके बरे या एकाच उद्देश्याने या ा महिन्यात पाउले टाकली जातील . संघनिष्ठ फडणविस व चंद्रकांत दादांची 'सोय' योग्य वेळी नक्कीच केली जाईल . खरोखर विचार करावयास लावणारा लेख, गिरीशसो सुंदर लेख. मात्र आम्हाला चोर किंवा दरोडेखोर यापासून सुटका कोण करणार ?
                              Reply
                              1. A
                                AMIT
                                Sep 13, 2017 at 2:00 pm
                                भक्तांना भाजप खात असलेल्या शेणापेक्षा काँग्रेस ने खाल्लेल्या शेणाची जास्त पडली आहे याचा अर्थ असा कि त्यांना सुद्धा माहित आहे कि भाजप दूध कि धुली नाही आहे. बापट तर पवारांचे नाव घेताना पण घाबरतात किंवा दुसरीकडे तोंड वळवतात. नॅचरली करप्ट पार्टी ची शय्यासोबत तर करायची पण तोंडाने हरी हरी सुद्धा करायचे - तोंड दाखवायला जागा नसेल तर मग चिदंबरम आणि नकली गांधी चे पूर्ण सुरु करायचे. असल्या भामट्यांना आरशात स्वतःचे तोंड तरी कसे पाहवत असेल?
                                Reply
                                1. H
                                  Hemant Purushottam
                                  Sep 13, 2017 at 1:07 pm
                                  निरूद्योगी व्यक्तींच्या पारावरच्या कुचाळक्या व कुबेरांचा अग्रलेख एकाच माळेतील वाटतात. फरक इतकाच की कुचाळकी करित असतांना हक्कभंग होणार नाही इतपत काळजी कुबेरांनी घेतली आहे. संजय ऱाउत यांच्या विधानाचे खंडण सुप्रीयाताईंनी केल्याची बातमी कालच झळकली. राहताराहीले साहेब! तुमच्याजवळ पत्रकारांची फौज असतांना एक पत्रकार पाठवुन साहेबांची किंवा पक्ष प्रवक्त्याची प्रतिक्रिया घेता आली असती पण चिवडचिवड करायला तुम्हाला विषय राहीला नसता. " मोदी यांचा अश्वमेध चौखूर उधळत असतानाही या मतांत लक्षणीय घट झालेली नाही." असे आपले विधान पोरकटपणा दर्शविते. लोकसभा निवडणुकीनंरच्या विधानसभा, मनपा, जि.प निवडणुकांची मतदानाची उपलब्ध असतांना आपण असेकाही विधान करता म्हणजे एम जीवनसत्वाचा खुराक बऱ्यापैकी असावा असा निष्कर्ष निघु शकतो. पण जरा सांभाळुन! योगींचे ह जीवनसत्व 'लय भारी' आहे.
                                  Reply
                                  1. U
                                    Ulhas
                                    Sep 13, 2017 at 12:45 pm
                                    अग्रलेख आवडला. पण लेखाच्या संदर्भात, "भ" म्हणजे कोणते जीवनसत्व ते कळले नाही.
                                    Reply
                                    1. U
                                      umesh
                                      Sep 13, 2017 at 12:24 pm
                                      हे बेरजेचे राजकारण आहे यशवंतरावांनी केले तर चांगले आणि भाजपने केले तर कुबेरांसकट सर्व सेक्युलर म्हणवणाऱ्या पत्रकारांच्या पोटात का मुरडा येतो? पूर्वी राजकारण कॉंग्रेसभोवती फिरत होते आता भाजपभोवती फिरतेय इतकेच कॉंग्रेसने हेच केले होते त्यांचेच औषध कॉंग्रेसला पाजले तर वाईट कशाला वाटले पाहिजे? आणि शेवटी मतदार सर्वेसर्वा आहे त्याला दलबदलूपणा पटला नाही तर अशांना तोच घरी बसवेल भाजपलाही आपली चूक समजून येईलच कुबेरांनी त्रागा करुन काहीच उपयोग नाही
                                      Reply
                                      1. J
                                        jai
                                        Sep 13, 2017 at 11:30 am
                                        सत्ते साठी काही हि हे त्रिवार सत्य आहे..शेवटी राजकारण सुद्धा सत्ते साठीच केले जाते पण हळू हळू आता परिस्तिथी बदलायला लागली आहे..वेळ लागेल पण होईल.एवढी वाट बघितली अजून बघू या...
                                        Reply
                                        1. M
                                          milind
                                          Sep 13, 2017 at 11:12 am
                                          लेख वस्तुस्थिती दर्शक आहे. समजून घ्यायचे तर महागाईत होरपळून निघणारी जनता,पेट्रोलने जाळलेली विकास स्वप्ने,आत्महत्या करून कुटुंब संपवूनही हाती काहीच न पडलेला टाचा घासत बसलेला शेतकरी यांना कुणीच वाली उरलेला नाही. बारामतीच्या मोतीने केवळ सर्वांशी गॉड बोलण्यात साखरेची पोती भेट देण्यात आयुष्य घालवली परंतु गरिबांना मात्र कायम दुःखात होरपळत ठेवलं.NCP म्हणजे नॅशनल करप्ट पार्टी असा उल्लेख करूनही त्याच माणसासोबत सामिष आहार झोडणाऱ्या नेत्याची नैतिकता आणि स्वाभिमान यावर प्रश्नचिन्ह निर्माण होते.सगळे आतून मिळालेले असल्यामुळे आणि आपली पापे उघड होऊ नये म्हणुन सत्ताधारी लोकांची थुंकी चाटण्यात सगळे व्यस्त आहेत.जनता गयी भाड मैं
                                          Reply
                                          1. S
                                            Somnath
                                            Sep 13, 2017 at 11:05 am
                                            जीवनसत्त्वाची मात्र झास्ट झाली का त्याचे दुष्परिणाम दिसतात तसे "क" कुजकट व काँग्रेसशी जीवनसत्व."ल" जीवनसत्वाचा शोध घ्या संपादक साहेब मग तुम्हाला सगळ्यात लबाड,लफनग्या,लाळघोट्या,लाचखोरी,त्याच्या अनंत लीला असलेला धूर्त भ्रष्टाचारी जनावरांचा चारा खाणारा दिसेल.५ कोटींमध्ये ८००० कोटी कमावणारी फार्महाऊसवाली मिसा, तटकरे व चिदम्बरमपुत्राचे प्रताप सगळ्यांनाच माहित आहे ती फक्त तुमच्या विकाऊ पत्रकारितेच्या तत्वात बसत नाही एवढेच.निर्लज्यासारखे समर्थन करणारी पत्रकारिता असे खटारडे समाजप्रबोधन करणार आहे का? काँग्रेसचा गांधी घराण्याचा मोती (दगड) काँग्रेसवाल्यानाच किती डोईजड झाला त्यावर एकदा तरी लेखणी खरडा.लोकसत्तात नव्याने विकसित झालेल्या ‘क ’ (कुजकट) व 'म' (मदीद्वेष) जीवनसत्वांचा परिचय करून देणारा हा लेख आहे. बाकी सगळे केवळ शब्दांचे बुडबुडे उडविण्यात माहीर असलेले लालूसमर्थक.
                                            Reply
                                            1. Load More Comments