25 July 2017

News Flash

व्हाइट हाउसवासी पुतिन

वडिलांनीच अमेरिकेचे राष्ट्राध्यक्ष व्हावे, यासाठी ट्रम्पपुत्राने रशियाशी संधान बांधल्याचे प्रकरण सोपे राहिलेले नाही..

लोकसत्ता टीम | Updated: July 14, 2017 4:40 AM

अमेरिकेचे राष्ट्राध्यक्ष डोनाल्ड ट्रम्प

वडिलांनीच अमेरिकेचे राष्ट्राध्यक्ष व्हावे, यासाठी ट्रम्पपुत्राने रशियाशी संधान बांधल्याचे प्रकरण सोपे राहिलेले नाही..

अध्यक्षपदी निवडले गेल्यावर रिपब्लिकन पक्षाचे डोनाल्ड ट्रम्प हे अनेकरंगी दिवे लावतील हा अंदाज- आणि भीतीही- पूर्णपणे खरी ठरताना दिसत असून समग्र ट्रम्प कुटुंबीयांचे दररोज उजेडात येणारे उद्योग पाहता सरता दिवस बरा होता असेच म्हणायची वेळ अमेरिकेवर आली आहे. ताजे प्रकरण आहे ते ट्रम्प यांच्या चिरंजीवांनी निवडणुकीआधी रशियाशी कसे संधान बांधले होते, त्याचे. या प्रकरणात जे काही व्हायचे ते होईलच पण त्यामुळे अमेरिकेतील रिपब्लिकन इतिहासाची पुनरावृत्तीही होणार असून हे काही भूषणास्पद म्हणता येणार नाही. या दोन्हीतील योगायोग विलक्षण समान आहेत. म्हणून ते समजून घ्यायला हवेत.

प्रथम ट्रम्पपुत्राविषयी. त्याचेही नाव डोनाल्डच. तर या कु. डोनाल्ड यांस रॉब गोल्डस्टोन नामक व्यक्तीचा ईमेल आला. त्याने कु. डोनाल्ड यास रशियन वकील नतालिया वेसेल्नित्स्काया हिच्याशी गाठ घालून देण्याचे आश्वासन दिले. हे गोल्डस्टोन महाशय एका संगीतकाराचे प्रसिद्धीप्रमुख. लौकिक आपल्याकडच्या साधारण अमरसिंग वा राजीव शुक्ला यांच्यासारखाच. सत्ताधारी कोणत्याही पक्षाचे असोत, योग्य ठिकाणी असणारे लागेबांधे वापरून कामे करून घेणे/ देणे हे त्यांचे कर्तृत्व. या कथानकातील दुसरी व्यक्ती म्हणजे नतालिया वेसेल्नित्स्काया. या नतालिया बाई क्रेमलिनशी, म्हणजे अर्थातच व्लादिमीर पुतिन यांच्याशी, संपर्क साधून असलेल्या. पुतिन आपल्या वेगवेगळ्या उद्योगांसाठी जी काही विविध क्षेत्रांतील माणसे पदरी बांधून आहेत, त्यातील एक उचापतखोर म्हणजे या वकिलीणबाई. अमेरिकेने रशियाविरोधात घातलेले र्निबध उठवले जावेत यासाठी या नतालियाबाईंनी जोरदार मोच्रेबांधणी केली होती. त्याआधी रशियातील एका बलाढय़ बिल्डराचे आíथक गोंधळाचे प्रकरण जेव्हा अमेरिकेत उघड झाले तेव्हा त्यास वाचविण्यात या वकिलीणबाईंचा मोठा वाटा होता. या बिल्डराला अमेरिकेत जो काही दंड झाला असता त्याच्या निम्मी रक्कम भरून या बाईंनी त्यास सोडवले. बाई इतक्या पोचलेल्या की हे प्रकरण ज्या कोणा रशियन हिशेब तपासनीसाने शोधून काढले त्यालाच नंतर रशियात तुरुंगवासाची शिक्षा झाली आणि त्याच तुरुंगात अज्ञात कारणांनी त्याचे निधन झाले. अडचणीत आणणाऱ्या अनेकांना अशा तऱ्हेने गायब करण्यासाठी पुतिन यांची राजवट ओळखली जाते. त्यातील हा एक हिशेब तपासनीस. यावरून रॉब आणि नतालिया ही जोडगोळी काय चीज आहे, हे ध्यानात यावे.

गतसाली अमेरिकी अध्यक्षीय निवडणूक ऐन भरात असताना या रॉबने कु. डोनाल्ड याच्याशी संपर्क साधला आणि त्या वेळी ‘योगायोगाने’ न्यूयॉर्क येथे येणार असलेल्या नतालिया यांच्याशी चर्चा घडवून आणण्याची तयारी दर्शवली. कु. डोनाल्ड याने नतालियाबाईंशी चर्चा का करायची? तर थोरल्या डोनाल्ड ट्रम्प यांना अध्यक्षीय निवडणुकीत आव्हान देणाऱ्या हिलरी क्लिंटन यांच्याविषयी काही आक्षेपार्ह माहिती आहे म्हणून. म्हणजे आपल्या तीर्थरूपांच्या राजकीय विरोधकांस अडचणीत आणेल अशी माहिती या रशियनबाईंकडून मिळवायची असा हा कट. त्यास ईमेलद्वारे कु. डोनाल्ड याने मान्यता दिली. वास्तविक ईमेल कधीही नष्ट करता येत नाहीत. त्यातील नोंदीचा माग नंतरही काढता येतो. इतकी साधी जाणीव नसलेल्या या कु. डोनाल्ड याच्या तोंडास हिलरी यांच्याविरोधात मालमसाला हाती लागणार या कल्पनेनेच पाणी सुटले. ही माहिती कधी एकदा आपल्याला मिळते आणि त्याद्वारे आपले वडील कधी एकदा हिलरी यांना अडचणीत आणतात असे कु. डोनाल्ड यास झाले आणि त्याचा वेडपटपणा म्हणजे ते त्याने ईमेलद्वारे या रॉबला कळवले. प्रत्यक्षात ही माहिती काय होती, तिच्यामुळे हिलरी यांची खरोखरच अडचण झाली किंवा काय, हा मुद्दा अजून चच्रेला आलेलाच नाही. हे प्रकरण उघडकीस आले ते न्यूयॉर्क टाइम्स आणि वॉशिंग्टन पोस्ट यांच्या शोधपत्रकारितेमुळे. या वर्तमानपत्रांनी मॉस्कोत जाऊन सदर वकिलीणबाईंशी संधान बांधले आणि हा सारा ईमेली पत्रव्यवहार मिळविला. त्याची पहिली बातमी आल्यानंतर थोरल्या डोनाल्ड यांनी थयथयाट केला आणि हे सारे कसे फेक न्यूज आहे हे सांगावयास सुरुवात केली. पण त्याच दिवशी सायंकाळी कु. डोनाल्ड याने वृत्तवाहिन्यांशी बोलताना या भेटप्रयत्नांची कबुली दिली आणि सारा ईमेल दस्तावेजच उघड केला. हे असे करायची सबुद्धी त्यास का झाली? कारण दुसऱ्याच दिवशी हा सारा तपशील न्यूयॉर्क टाइम्समध्ये प्रकाशित होणार होता. आपल्यावर चोरीचे बालंट यायच्या आधीच आपण स्वत चोरी कबूल करून टाकण्यात चातुर्य आहे असा समज करून घेणाऱ्यांत कु. डोनाल्ड याचा समावेश असावा. कारण आपला सुपुत्र किती प्रामाणिक आहे, असा गवगवा आता थोरल्या डोनाल्डरावांनी सुरू केला आहे. परंतु आपणहून दाखवले म्हणून स्वतच्या तोंडाला लागलेल्या शेणाची दरुगधी काही कमी होत नाही. ट्रम्प यांना हे मान्य नसावे. जे काही झाले त्यामुळे व्हाइट हाउस प्रशासन स्तब्धावस्थेत गेल्यासारखे आहे. कारण आता आणखी काय प्रकाशात येणार अशी धास्ती या अध्यक्षीय प्रशासनाला आहे.

या प्रकरणामुळे रिपब्लिकन पक्षाच्या राजकीय इतिहासातील काळ्या अध्यायाची पुनरावृत्ती होणार की काय या शंकेने सत्ताधारी पक्षातही चांगलीच अस्वस्थता आहे. सुमारे सत्तावीस वर्षांपूर्वी १९८० सालच्या अध्यक्षीय निवडणुकीत तत्कालीन अध्यक्ष डेमोक्रॅटिक पक्षाचे जिमी कार्टर यांचा पराभव व्हावा यासाठी रिपब्लिकन पक्षाचे रोनाल्ड  रेगन यांनी इराणचे अयातोल्ला रूहल्ला खोमेनी यांच्याशी संधान बांधले होते. ७९ सालच्या धर्मक्रांतीनंतर इराणात सत्तेवर आलेल्या खोमेनी यांनी तेहरानमधील अमेरिकी दूतावासावर कब्जा केला आणि कर्मचाऱ्यांना ओलीस ठेवले. ही घटना अध्यक्ष कार्टर यांच्यासाठी अगदीच लाजिरवाणी होती. कार्टर यांनी हरतऱ्हेने प्रयत्न करून पाहिले. पण ओलिसांच्या मुक्ततेत त्यांना यश येत नव्हते. पुढे जेव्हा या ओलिसांच्या सुटकेची शक्यता निर्माण झाली त्या वेळी अध्यक्षीय निवडणुकांची प्रक्रिया सुरू झाली होती. अशा वेळी जर हे ओलीस सुटले तर त्याचा राजकीय फायदा अध्यक्ष कार्टर यांना मिळणार हे उघड होते. तसे होऊ नये म्हणून रोनाल्ड रेगन यांनी थेट खोमेनी यांच्याशी गुप्त करार केला आणि या ओलिसांची अमेरिकी अध्यक्षीय निवडणुका होईपर्यंत सुटका होणार नाही, अशी व्यवस्था केली. क्षुद्र राजकीय स्वार्थासाठी आपल्याच देशाच्या नागरिकांना शत्रुराष्ट्रांत बंदिवान ठेवणे ही घाणेरडय़ा राजकारणाची परिसीमा होती. ज्या दिवशी रेगन यांनी अध्यक्षपदाची शपथ घेतली त्याच दिवशी त्याच वेळी तेहरानमध्ये अयातोल्ला खोमेनी यांनी अमेरिकी ओलिसांची सुटका केली. दुर्दैव हे की त्या वेळी हे राजकारण यशस्वी झाले आणि कार्टर यांचा पराभव झाला.

आताही दुर्दैव हे की ट्रम्प विजयी झाले. आपल्या राजकीय प्रतिस्पध्र्याचा काटा काढता यावा यासाठी शत्रुराष्ट्राशी संधान बांधण्याचा हीन उद्योग रेगन यांच्याप्रमाणे या वेळी ट्रम्प यांनी केला. हे दोघेही रिपब्लिकन पक्षाचे हा योगायोग नव्हे. त्या वेळी थोरल्या जॉर्ज बुश यांनी रेगन यांना मदत केली. या वेळी धाकटय़ा डोनाल्डने हा उद्योग केला. त्या वेळी पुढे या उद्योगाची आडपदास असलेल्या काँट्रा बंडखोर प्रकरणात रेगन अडकले. आताही ट्रम्प अडकणार नाहीत याची शाश्वती नाही. गेल्याच आठवडय़ात जर्मनीतील हँबर्ग येथे झालेल्या जी २० परिषदेत ट्रम्प यांनी पुतिन यांच्याशी दोन तास चर्चा केली. त्यावर संपादकीय भाष्य करताना लंडनच्या द गार्डियन या पत्राने ट्रम्प यांना पुतिन यांच्यापासून सांभाळून राहण्याचा इशारा दिला. तुमच्या पायाखालचे जाजम पुतिन कधी ओढून घेतील ते तुम्हाला कळणारही नाही, इतका पाताळयंत्री माणूस आहे हा, असा द गार्डियचा सूर होता. तो खरा ठरताना दिसतो. यानिमित्ताने गेली दोन दशके पुतिन जे काही रशियात करीत आहेत ते आता अमेरिकेतही करू शकतात हे उघड झाले. ट्रम्प यांच्या उद्योगांमुळे व्लादिमीर पुतिन हेच जणू व्हाइट हाउसचे निवासी आहेत असे चित्र निर्माण होते. हे अमेरिकेचे अशक्तीकरण आहे.

First Published on July 14, 2017 4:29 am

Web Title: donald trump vladimir putin the white house marathi articles
  1. संदेश केसरकर
    Jul 21, 2017 at 1:33 am
    उत्कृष्ट विश्लेषण आणि उत्कृष्ट लेख. डोंबिवलीच्या दहा बाय आठच्या खुराड्यात राहतात, जिथे आठवड्यातून दोनदा पाणी येते आणि एकदा लाईट जाते असे महाशय ज्यांच्या जवळ राष्ट्रीय व आंतरराष्ट्रीय सर्व बिकट प्रश्न्नाची उत्तरे आहेत आणि असे आपल्याकडे लाखोंने पडलेले आहेत. तर असे "अखिल भारतीय सल्लागार मंडळ" हे नेहमी सल्ला देण्यात "राहा एक पाऊल पुढे" ह्या झी चोवीस तासच्या घोषवाक्यानुसार काम करत असते. संपादक महाशयांनी आंतराष्ट्रीय विषयावर लिहिले तर ते राष्ट्रीय विषयावर का नाही लिहिले म्हणून जाब विचारणार, आणि राष्ट्रीय बिषयावर लिहिले तर अमेरिकेची उदाहरणे देणार. तर अश्याकडे दुर्लक्ष करणेच हेच शहाण्याचे लक्षण, हेच समर्थ रामदासांनी सांगितले आहे.
    Reply
  2. N
    Niraj
    Jul 16, 2017 at 5:52 pm
    यानिमित्ताने गेली दोन दशके पुतिन जे काही रशियात करीत आहेत ते आता अमेरिकेतही करू शकतात हे उघड झाले. BLATANT LIES ! What has Putin did to Russia inlast two decades? You of all people should know that he practically pulled russia out of brink. And it was pushed to the brink by none other than US. Russia's life expectancy has increased, population has increased, military power is restored, dependency on oil is reduced. Russia is making a very constrive and positive role in world affairs. Russia is single handedly responsible for destroying ISIS and now confirmed that Baghdadi was killed by the Russians! and all you have against him is a barrage of accusations! The globalist like you will continue I guess!
    Reply
  3. N
    Niraj
    Jul 16, 2017 at 5:48 pm
    Lies and ed lies! Read the article twice and couldn't find even a shred of proof against the barrage of accusations thrown at Trump and Putin! Can you please write some clear lines of what exactly is the crime of Trump, Jr. Trump and Putin? You are almost acting like a western propoganda agent! Whatever WaPo/NYTimes writes you just take it as truth! Even the americans don't believe these newspapers! No wonder russian ambassy in US is practically trolling US on twitter! Blame everythin on Russia/Putin! Comparison between Carter and Putin is completely out of place. Recently it has proven that the DNC email hacks were done by someone inside. Till date other than repeating that Russia did the email hack, noone specially you haven't given ANY proof of russian interference. And the accusation is almost one year long! AFter one year the best spy agencies and load of money you can't come up with a single proof of hacking? How long will you continue to lie?
    Reply
  4. M
    Madhukar Golwalkar
    Jul 15, 2017 at 11:15 am
    डोनाल्ड ट्रम्प सारखा आडदांड ,हडेलप्पी अमेरिकेचा अध्यक्ष म्हणून निवडून आले त्याच वेळी बऱ्याच जणांना हा अध्यक्ष काहीतरी वेडेवाकडे करणार आणि अमेरिका परत एकदा संकटात नेणार ,पण ते इतक्या लवकर घडेल असे वाटत नव्हते .पण ट्रम्प यांनी आल्यापासून सुरु केलेल्या "दांडपट्ट्याने " अपेक्षेपेक्ष्या लवकर झाले .बघू आता रिपब्लिकन पक्ष यातून कसा बाहेर पडतो ते .
    Reply
  5. A
    Arvind Ramchandra Gokhale,Warje,Pune
    Jul 14, 2017 at 9:06 pm
    वरील अग्रलेख वाचण्यात आला रशियातील कम्युनिस्ट राजवट संपुष्टात यावी म्हणून रशियातील जनतेने अमेरिकेकडे याचना केली होती का ? तरी पण अनेक वर्षापसून ती संपुसतात यावी ह्यासाठी अमेरिका सतत प्रयत्नात होती व त्यांच्या गळाला गोरबोचोव लागलेत व अमेरिकेचे स्वप्न पूर्ण झाले त्यानंतर श्री गोरबोचेव ह्यांना अमेरिकेतील विद्यापीठात नोकरी देण्यास सुद्धा अमेरिका तयार झाली ती गोरबोचेव ह्यांनी नाकारली हा भाग वेगळा आता ह्याचे ऊत्त जर पुतीन काढत असतील तर त्यात चूक काय ?अमेरिकेतील मतदारांनीच ट्रम्प ह्यांना निवडून दिले आहे त्यात रशियातील मतदारांनी भाग घेतला का ? आता जर अमेरिकेतील जनतेलाच कम्युनिझमची गोडी लागली असेल तर ते प्रत्यक्ष पुतीन ह्यांनाच व्हाईट हाऊसवासी बनविल्यास आस्चर्य वाटावयास नको ह्यात आपल्या दृष्टीनी विचार केल्यास आजच्या परिस्थितीत आपले राजकी संबंध हे दोन्ही देशांशी मधुर होण्यास जर प्रत्यक्षरित्या मदत होत असेल तर वरील प्रकारचा अग्रलेख लिहून त्यात बिब्बा घालण्याची गरजच काय ?
    Reply
  6. मंदार भारतीय
    Jul 14, 2017 at 8:22 pm
    नक्कीच दोन महासत्तांच्या या गलिच्छ राजकारणाचा परिणाम हा भारत आणि पूर्ण जगावर होणार आहे. म्हणून याचे टिपण होणे आवश्यक आहे. मोदिभक्त मी पण आहे, पण म्हणून मी काही मोदी विरोधकाचा लेख आहे म्हणून त्याची टीका करण्यापेक्षा त्यातील सत्यातता पडताळून बघतो. कोणत्याही एकाच नेत्यावर जनतेने आंधळा विश्वास ठेऊ नये, हे पुतिन च्या राजकारणावरून शिकावे. संपादकांनी काय लिहावे काय नाही हे बोलणे, म्हणजे सचिनने कशी फलंदाजी करावी हे सांगण्यासारखा आहे. कारण आपण त्याला सांगण्याएवढे त्या खेळात महान नसतो. मोदींबद्दल संपादक साहेब का विरोधी लिहितात हे माहित नाही, पण त्यांचे राजकारण आणि अर्थकारणातील विश्लेषण याबाबत तोड नाही. भारताचे राजकारण आणि अर्थकारण हे आजही अमेरिका, चीन आणि रशिया यांच्या राजकीय आणि आर्थिक धोरणांवर बर्याच प्रमाणात अवलंबून आहे, हे पण सत्य आहे. गांधी सत्तेने देशाचे ३-१३ वाजवले होते, जनतेला भुलवण्यासाठी आणि स्वतची झोळी भरण्यासाठी त्यांनी देश कर्जाच्या खड्ड्यात घातला. मोदींमुळे आज खूप आशा वाढल्या आहेत. फक्त त्यांच्या गुडविल चा वापर करणाऱ्या लबाड नेत्यांवर आजही विश्वास नाहीये.
    Reply
  7. A
    A.A.houdhari
    Jul 14, 2017 at 7:12 pm
    इतक्या उलट्या प्रतिक्रिया देऊन हि आमचे प्रिय सम्पादक पुनःपुनः परदेशातल्यालोकांच्या संदर्भात लिहीत बसतात . आमचे बाळराजे चायनीज वकिलाबरोबर कोणत्या गुप्तगू करत होते ह्याच्यावर थोडेसे तरी लिहा.काही असलं तरी त्यांची बौद्धिक पातळी सर्वांना कळून चुकली आहे. वाचक इतके सल्ले देऊन तुमच्यात काहीच फरक पडत नाही?
    Reply
  8. S
    Somnath
    Jul 14, 2017 at 6:00 pm
    उकिरड्यावर फेकलेल्या राखीन कपाळ भरून रंगमंचावर भिष्म असल्याचा अवतार भासवण्याचा विनोदी प्रकार पुन्हा वाचकांच्या उष्ट्या प्रतिक्रियेवर तुटून पडनार बुजगावणं कोणत्या विचारांनी प्रेरित आहे ते त्याच्या दिलेल्या प्रतिक्रियेवरून दिसते. करमणुक करणारी विनोदी विदूषक तरी अंगी असलेल्या गुणांचा अविष्कार दाखवतात पण हे दुसऱ्याच्या प्रतिक्रियेवर गुजराण करणार बावळट,येडपट,रिकामटेकड्या टपोरी प्रतिक्रिया देणार.सभ्य भाषेचा अभाव यांच्या बालबुद्धी संस्कृतीत चांगलाच ठळकपणे दिसतो.
    Reply
  9. समीर देशमुख
    Jul 14, 2017 at 4:47 pm
    विनोद, काय राव एका बाजूला तुम्ही म्हणता की मी कावेबाज, कपटी व धूर्त प्रतिक्रिया देतो. आणि त्याच प्रतिक्रियेत तुम्हीच म्हणता की मी बरळतो व शाप देतो आणि वाचकांची करमणूक करतो. निदान काय बोलताय त्याचे तरी भान आहे ना? का आज बिना पाण्याची घेतली? अशा प्रतिक्रिया देऊन कशाला स्वतःचे फ्रस्ट्रेशन दाखवता? माझ नाव प्रतिक्रियेत नाही टाकल तर नाही इज्जत काढत मी. कशाला माझ्याकडून प्रत्येक वेळी स्वतःचा अपमान करून घेता! आशा करतो की पुढच्या प्रतिक्रियेत माझ नाव नाही टाकणार. 😎😎
    Reply
  10. S
    Shrikant Yashavant Mahajan
    Jul 14, 2017 at 4:44 pm
    Did Trump not know fairly well that after all Putin is first a ex KGB man then a politician. However, the editorial has no much significance to India - possibly the Editor didn't find a live subject to pen
    Reply
  11. समीर देशमुख
    Jul 14, 2017 at 4:40 pm
    विनोद, आंधळा भक्त आणि मी. अरे बाबा, जरा स्वतःच्या प्रतिक्रिया बघ नंतर बोल. प्रत्येक प्रतिक्रियेत काँग्रेसची आंधळी भक्ती करणारी प्रतिक्रिया वेगवेगळ्या नावाने देतोस. आणि जर मी कावेबाज व कपटी प्रतिक्रिया देतो तर तु तुझी 'अभ्यासु' प्रतिक्रिया का देत नाहीस? अरेरे मी तर विसरलोच, अभ्यासू प्रतिक्रिया देण्यासाठी बुद्धी लागते. ती केवळ वय वाढल म्हणून येत नाही ना. त्यासाठी अभ्यास करावा लागतो. तो तर तुझ्याकडून झाला नाही आणि होणारही नाही. तस तुझ नाव बरोबर आहे 'विनोद'. बाळाचे पाय गुण पाळण्यातच पाहीले होते वाटत घरच्यांनी नाही का 'विनोद'. आता उगाच ा पुन्हा वादात ओढु नकोस, नाहीतर मागच्या प्रत्येक वेळी तुझी इज्जत काढली होती त्याची पुनरावृत्ती पुन्हा घडेल. आणि वयाने मोठ्या असलेल्या (अकलेने नाही) लोकांचा ा नेहमी नेहमी अपमान करणे बरे वाटत नाही. (कालच्या लेखात बोलला होतात की 1985 ला तुम्ही 6वी ला होते ते. त्याच्या 10 वर्षांनी मी जन् ो.) 😂😁😎
    Reply
  12. विनोद
    Jul 14, 2017 at 3:59 pm
    समीर देशनुख उर्फ हरिश जाेशी.. तुमच्यासारखी आंधळी भक्ती करणार्याकडून अभ्यासू प्रतिक्रीयेबाबतची टिपणी फारच विचित्र वाटते. कपटी आणी कावेबाज प्रतिक्रीया देऊन बहुजनांची माथी भडकावण्यासाठी तुम्ही जाे अभ्यास करता आणी बरळता ती कला आम्हास अवगत नाही. तुम्ही बरळणे आणी शाप देणे सुरू ठेवा. वाचकांची करमणूक करत रहा. शुभेच्छा.
    Reply
  13. R
    raj
    Jul 14, 2017 at 3:41 pm
    आता घ्या सांभाळून चार वर्ष कसेबसे .ताकद असेल तर महाभियोग चालवा .ज्यांना वाटते आपल्याला काय फरक पडतो तर h1b असो कि पाकबद्दल तक्रार मोदी उगाच ३ वर्षात ५ वेळा अमेरिका दौरा का करतात.ड्रोन सुद्धा हवे
    Reply
  14. A
    Achala K
    Jul 14, 2017 at 3:31 pm
    तुम्ही जे काही लिहिताय ते नेमके कोण वाचणार आहे याचा तरी विचार करा कि जरा!! किंवा वॉशिंग्टन पोस्ट/ न्यूयार्क टाइम्स च्या संपादक पदासाठी अर्ज करा.
    Reply
  15. K
    Kumar
    Jul 14, 2017 at 3:18 pm
    झाडून सगळ्या वृत्तपत्रांमधे vikhroli च्या SRA घोटाळ्या बद्दल सामसुम आहे... भ्रस्टाचार किती खोल मुरलेला आहे... विचार करुनच धड़की भरते...
    Reply
  16. A
    Abhijit Kulkarni
    Jul 14, 2017 at 2:08 pm
    राहुल गांधी यांनी चिनी दूतावासाशी संपर्क करणे आणि मणिशंकर अय्यर यांनी भाजप सरकारविरुद्ध पाकिस्तानची मदत मागणे ह्या गोष्टींची तुलना वरील अग्रलेखाशी होऊ शकते.
    Reply
  17. समीर देशमुख
    Jul 14, 2017 at 1:39 pm
    ज्याच्या नावातच विनोद आहे त्याच्याकडून अभ्यासु प्रतिक्रियेची अपेक्षा करताच येणार नाही. बरोबर ना 'विनोद'
    Reply
  18. समीर देशमुख
    Jul 14, 2017 at 1:37 pm
    संपादक महाशय जरा भारतात वापस या. डोनाल्ड ट्रम्प ला बुडविण्यासाठी तिथल्या तप्स यंत्रणा सक्षम आहेत. व तो माणूस बुडणारच. कारण ट्रम्प आहेच तसा. पण तुम्ही त्या माकडाच्या माकडचाळ्यात स्वतः पण माकडासारख्या करामती करत आहात. इथे या सरकारच्या धोरणावर बोलण्यासारखे खुप आहे. जरा तिथे शोधपत्रकारिता वापरा. उदाहरण द्यायचे झाले तर जवळपास प्रत्येक सरकारी खात्यातील भरत्या 2-3 वर्षापासून पेंडिंग आहेत. सरकारचे प्रशासनावर नियंत्रण नाही. जे कर्मचारी सध्या काम करत आहेत त्यांच्यावर लोड वाढतोय. तरूण कँडिडेट्स भरतीसाठी अप्लाय तर करतात पण निर्लज्ज प्रशासनामुळे त्या भरत्या 2-3 वर्ष पुर्ण होत नाहीयेत. बँकांच्या परिस्थितीवर पण बोलायसारखे भरपूर आहे. एक सामान्य माणुस व मोदींचा समर्थक असून पण मी या गोष्टीवर नाराज आहे. काँग्रेस तर राहुल गांधी पायी कोमात गेलीय. त्यामुळे त्यांच्याकडून या सरकारच्या चुकांवर आसूड ओढणे अपेक्षीत नाही. निदान तुम्ही तरी याबद्दल विचार करू शकता. मोदी बद्दल वैयक्तिक टिका केल्याने मोदीच मोठे होतील. त्यांच्या सरकारच्या धोरणावर टिका करा. लोक तुम्हाला साथ देतील.
    Reply
  19. M
    Mahesh
    Jul 14, 2017 at 12:23 pm
    कु. डोनाल्ड आणि त्यांचे भारतीय व्हर्जन कु. राहुल यांच्यात बरेचसे साम्य आढळते म्हणजे दोघेही मंदबुद्धी, दोघांनीही आपल्या शत्रू राष्र्टाचा आपल्याच देशाविरोधात केलेला दुरुपयोग आणि आपण जे करतोय ते कधीच समोर येणार नाही हा अतिआत्मविश्वास आणि जे केलंय ते प्रथम बेंबीच्या देठापासून नाकारायचे आणि मग आपण आता उघडे पडणार हे कळल्यावर ते स्वतः च मान्य करायचे. कुबेर साहेब याच्यावर सुद्धा एखादा अग्रलेख येऊ द्या कि फक्त अमेरिकेचीच काळजी करत बसणार आहात.
    Reply
  20. A
    AMIT
    Jul 14, 2017 at 12:14 pm
    संपादक महोदय, पुतीन चे माहित नाही, पण तुम्ही अमेरिकेतून भारतात परता. भारतातील गोष्टींबद्दल लिहा. ट्रम्प आणि अमेरिके बद्दलची माहिती दुसऱ्या सदरात देता येऊ शकते.आज काळ संपादकीय आणि ओपिनियन यामधील फरक नाहीसा होतो आहे. या बातम्यांना किती हि मनोरंजन मूल्य असले तरी हि जागा करमणूकी साठी नाही. फार तर रविवार च्या पुरवणीत अमेरिकेच्या राजकारणाचा माग घ्यावा पण इथे नियमित पणे जागा खर्च करणे फार शहाणपणाचे नव्हे. हे असले लेख आम्ही सुद्धा बसून लिहू शकतो, ते सुद्धा बिन पगारी. वापो चे वार्षिक सदस्यत्व फार महाग नाही.
    Reply
  21. विनोद
    Jul 14, 2017 at 12:11 pm
    उमेश बावळट आहे. साेम्या येडपट. समीर देशमुख उर्फ हरिश जाेशी कावेबाज आहे. सचिन टपाेरी आणी अशाेक रिकामटेकडा. यांच्या प्रतिक्रीया करमणूक करतात हे मात्र मान्य.
    Reply
  22. Load More Comments