24 September 2017

News Flash

उजव्यांचे डावेपण

कळीच्या मुद्दय़ावर उच्चपदस्थांचा तटस्थपणा हा राजकीय सोयीचा आणि लबाडीचा निदर्शक असतो.

लोकसत्ता टीम | Updated: August 22, 2017 2:16 AM

 

ट्रम्प यांच्या उजव्या, राष्ट्रवादी, देशी धोरणांचे सूत्रधार स्टीव्ह बॅनन हेही अखेर बाहेर पडले..

अमेरिकी अध्यक्षांचे निवासस्थान अलीकडे महासत्तेची धर्मशाळाच झालेले दिसते. कोण आले आणि कोण गेले याचा हिशेबच नाही. व्हाइट हाऊसमधील या ताज्या गच्छंतीत नवे नाव अध्यक्ष डोनाल्ड ट्रम्प यांचे धोरण सल्लागार स्टीव्ह बॅनन यांचे. त्याआधी ट्रम्प यांच्या नेतृत्वाखालील जवळपास डझनभर उच्चपदस्थांनी व्हाइट हाऊसला गेल्या काही महिन्यांत रामराम केला. या गोंधळाची जबाबदारी अर्थातच सर्वस्वी ट्रम्प यांची. समाजास बौद्धिक नेतृत्व देणारे आणि उच्चपदस्थ यांनी तटस्थ राहणे हे नेहमीच न्याय्य असते असे नाही. किंबहुना ते नसतेच. म्हणूनच अशांवर जे जे रास्त आणि व्यापक हिताचे त्याची बाजू उचलून धरण्याची जबाबदारी असते. ती पार पाडण्यात कुचराई झाल्यास काय होते ते ट्रम्प यांचे झाले आहे. अमेरिकेत गेल्या आठवडय़ात शार्लट्सव्हिल् येथे अतिरेकवादी गोऱ्या संघटनेने काढलेल्या मोर्चास हिंसक वळण मिळाले. या संघटनेचा अर्थातच अमेरिकेतील वंशविविधतेस विरोध आहे आणि अमेरिका ही फक्त गोऱ्यांपुरतीच असायला हवी असा त्यांचा आग्रह आहे. वर्णनावरूनच या निदर्शनांचे आयोजक किती मागास आहेत हे कळते. प्रत्येक समाजात अशा प्रकारच्या मागासांचे अवसान वाढेल असा काळ येत असतो. अशा वेळी देशाच्या सर्वोच्च सत्ताधीशाने ही मंडळी कह्य़ात कशी राहतील हे पाहावे लागते. अन्यथा बेबंदशाही फार दूर नसते. हे भान ट्रम्प यांना राहिले नाही. त्यामुळे या गोऱ्यांच्या वंशवादी आंदोलनात झालेल्या हिंसाचाराचा नि:संदिग्ध निषेध त्यांनी केला नाही. या प्रकरणात दोन्ही बाजूंचा दोष आहे, अशी गुळमुळीत आणि तटस्थवादी भूमिका त्यांनी घेतली. कळीच्या मुद्दय़ावर उच्चपदस्थांचा तटस्थपणा हा राजकीय सोयीचा आणि लबाडीचा निदर्शक असतो. ट्रम्प यांची तटस्थता ही तशीच होती. दोन्ही बाजूंना दोष देण्याच्या आणि गोऱ्या अतिरेक्यांचे कान न उपटण्याच्या वक्तव्यातून ट्रम्प यांची महत्त्वाच्या प्रश्नावरील अंगचोरीच दिसून आली. त्याचे काही गंभीर परिणाम संभवतात.

यातील सर्वात गंभीर बाब म्हणजे ट्रम्प यांना पदाचे काही गांभीर्य आहे की नाही, असा चहूबाजूंनी विचारला जाणारा प्रश्न. ट्रम्प यांनी नारळ दिलेल्यांतील ताजे बॅनन हे तर त्यांचे मुख्य सल्लागार होते. खरे तर कडव्या उजव्या विचारसरणीच्या बॅनन यांची धोरणात्मक सल्लागारपदी प्रमुख म्हणून जेव्हा ट्रम्प यांनी नेमणूक केली, तेव्हाच पुढे काय वाढून ठेवले आहे त्याबाबत अनेकांनी धोक्याचा इशारा दिला होता. हे बॅनन कडव्या उजव्यांची वृत्तसेवा चालवतात. विचाराने आत्यंतिक संकुचित, कठोर राष्ट्रवादाचा पुरस्कार आणि अर्थातच जागतिकीकरण आदींना विरोध हे त्यांचे गुणविशेष. ते माहीत असल्यानेच अनेकांनी बॅनन यांच्या निवडीवरून धोक्याचे इशारे वेळीच दिले. ते कोणीच गांभीर्याने घेतले नाहीत. याचे कारण ट्रम्प यांचे बॅनन यांच्या कच्छपि लागणे. अमेरिका फक्त अमेरिकींचीच, बिगर-अमेरिकी वस्तूंवर बहिष्काराची हाक आदी ट्रम्प धोरणे ही बॅनन यांच्या बौद्धिक विषवृक्षाचीच फळे. देशाच्या सर्वोच्च पदावरील व्यक्ती जेव्हा इतकी एकारलेली असते तेव्हा समाजातील अशा एकारलेल्यांना चांगलेच बळ मिळते. त्यांची भीड चेपते. अमेरिकेतही तेच झाले आणि त्यातूनच अतिउजव्या अशा गोऱ्यांच्या निदर्शनांचा घाट घातला गेला. असे काही आचरट उद्योग रोखायला हवेत हे त्याही वेळी ट्रम्प यांनी ध्यानात घेतले नाही. परिणामी जे होऊ नये ते झाले. या आंदोलनास हिंसक वळण लागले. त्यानंतर तरी ट्रम्प यांनी खमकी भूमिका घेणे अपेक्षित होते. ती त्यांनी घेतली नाही. आणि जे काही झाले त्यास दोन्ही बाजू जबाबदार आहेत, असे बोटचेपे विधान केले. परिणामी त्यांच्या विरोधात समंजस जगात चांगलाच प्रक्षोभ निर्माण झाला. अमेरिकेचा अध्यक्ष इतका मागास आणि संकुचित असेल असे अनेकांना पटले नाही.

परिणामी समाजशास्त्रज्ञ, लेखक ते उद्योगपती अशा सर्वानी ट्रम्प यांची निर्भर्त्सना केली. यात सर्वात कौतुक करावा असा घटक उद्योगपतींचा. आपल्याला सत्ताधीशांसमोर ताठ मानेने उभा राहणारा उद्योगपती पाहावयाची सवय नाही. असा एखादाच टाटा आपल्याकडे निपजलेला. परंतु अमेरिकेत अशा स्वाभिमानी धनवानांची वानवा नसल्यामुळे अनेकांनी अध्यक्षांच्या उद्योगमंडळाचा राजीनामा दिला. थ्री एम कंपनीचा प्रमुख डेनिस मॉरिसन, जनरल इलेक्ट्रिकचे अध्यक्ष जेफ इमेल्ट, मर्क या विख्यात औषध कंपनीचे प्रमुख केन फ्रेझिअर, जॉन्सन अ‍ॅण्ड जॉन्सनचे मुख्य कार्यकारी अधिकारी अलेक्स गॉस्र्की अशा अनेक मान्यवर उद्योजक, व्यावसायिकांनी ट्रम्प यांच्या अध्यक्षीय व्यावसायिक मंडळात सहभागी होणे नाकारले. या सर्वानी एकजात ट्रम्प यांच्या वर्णद्वेषी भूमिकेवर टीका केली आणि अमेरिकेच्या अध्यक्षास हे शोभून दिसत नाही, असे मत जाहीरपणे व्यक्त केले. ट्रम्प यांना ते अर्थातच झोंबले. परंतु त्यावर आत्मपरीक्षण करण्याऐवजी ट्रम्प यांनी यातील अनेकांची खिल्ली उडवली. त्यातही विशेषत: मर्क कंपनीचे फ्रेझिअर यांच्यावर टीका करताना तर ट्रम्प यांनी अध्यक्षास न शोभणाऱ्या विखाराचे दर्शन घडवले. फ्रेझिअर हे अफ्रिकी-अमेरिकन आहेत आणि वर्णाने सावळे आहेत. त्यामुळे ट्रम्प यांची टीका अधिकच हीन ठरली. अमेरिकेस अभिमानास्पद वाटावा असा यानंतरचा भाग म्हणजे अमेरिकेतील सर्व प्रमुख बडय़ा उद्योजकांनी ट्रम्प यांच्यावर टीकेची झोड उठवली. परिणामी ट्रम्प यांना अखेर आपले हे उद्योग/व्यावसायिक सल्लागार मंडळच बरखास्त करावे लागले. एका बाजूला बाहेर हे राजीनामानाटय़. तर व्हाइट हाऊसमध्ये बॅनन आणि अन्यांतील संघर्ष हा प्रकार. अमेरिकेने जागतिकीकरणाचा त्याग करून अंतर्मुख व्हावे असा बॅनन यांचा आग्रह तर अन्य काही त्यांच्या विरोधात. एकंदर प्रशासनातील बजबजपुरी कमी म्हणून की काय, बॅनन यांनी ‘अमेरिकन प्रॉस्पेक्ट’ अशा नावाच्या एका डाव्या नियतकालिकास मुलाखत दिली. तीत ते काहीच्या बाही बहकले. ट्रम्प यांच्या राजकीय विजयामागील श्रेयावर तर त्यांनी दावा केलाच. परंतु त्याच वेळी डेमॉक्रॅट्सनी काय करायला हवे, रिपब्लिकनांतील मतभेद आदींबाबतही त्यांनी तारे तोडले. कहर झाला तो त्यांनी उत्तर कोरियाच्या प्रश्नावर केलेले भाष्य. उत्तर कोरियाची समस्या लष्करी मार्गानी सुटणारी नाही असे ठाम विधान या गृहस्थाने केले. ते देखील अशा वेळी की संरक्षणमंत्री जेस्म मॅटिस आणि खुद्द अध्यक्ष डोनाल्ड ट्रम्प हे लष्करी उपाययोजनांची भाषा करीत असताना. तेव्हा इतके झाल्यानंतर बॅनन यांना नारळ देण्याखेरीज ट्रम्प यांच्या हाती अन्य पर्याय उरला नसावा. म्हणून बॅनन यांना अपेक्षेप्रमाणे बाहेरचा रस्ता अखेर दाखवला गेला. व्हाइट हाऊसमधून बाहेर पडणारे ते त्रू्त तरी शेवटचे. व्हाइट हाऊसचे कर्मचारीप्रमुख रिन्स प्रेबस, माध्यम संपर्कप्रमुख शाँ स्पायसर, एथिक्स डायरेक्टर वॉल्टर श्वाब, एफबीआयप्रमुख जेम्स कोमी, जनसंपर्कप्रमुख मायकेल डय़ूक, कर्मचारी उपप्रमुख केटी वॉल्श अशा अनेकांना ट्रम्प यांच्या हाताखाली काम करणे असह्य़ झाले. ही अशी राजीनामा देणाऱ्यांची संख्या डझनाने असेल.

यात बॅनन यांचे जाणे अधिक महत्त्वाचे. याचे कारण ट्रम्प यांच्या उजव्या, राष्ट्रवादी, देशी धोरणांचे ते सूत्रधार. त्यांनाच जावे लागणे हे त्यामुळे सूचक ठरते. या बहुधर्मीय, बहुभाषिक, बहुवर्णी, जागतिक वातावरणात इतक्या संकुचिताचे असणे हेच मुळात धोकादायक होते. हा संकुचितवाद चालणारा नाही, असा संदेश बॅनन यांच्या राजीनाम्यातून मिळतो. हे महत्त्वाचे आहे. कर्मठ उजव्यांच्या विचारसरणीतील डावेपण त्यातून पुढे आले. आज देशोदेशी अशा संकुचितांचा प्रादुर्भाव वाढत असताना अमेरिकेत त्यास आळा बसणे आवश्यक होते. त्यातून योग्य तो संदेश जाईल ही आशा.

  • बहुधर्मीय, बहुभाषिक, बहुवर्णी, जागतिक वातावरणात संकुचितवाद चालणारा नाही, असा संदेश बॅनन यांच्यासारख्याच्या राजीनाम्यातून मिळतो. मात्र ट्रम्प यांना पदाचे काही गांभीर्य आहे की नाही, असा चहूबाजूंनी विचारला जाणारा प्रश्न कायम राहतो..

First Published on August 22, 2017 2:16 am

Web Title: steve bannon donald trump united states government
  1. R
    Ramdas Bhamare
    Aug 23, 2017 at 2:16 pm
    हा लेख म्हणजे गणपती सुरु होण्याआधी जल्पकांना उत्तम सामिष मेजवानी ! जल्पकांनो ,तोडा लचके ! एकही हाड शिल्लक ठेऊ नका ! नागपूरकर आपल्या निष्ठेकडे अधाशीपणे बघत आहेत .
    Reply
    1. V
      varad
      Aug 23, 2017 at 1:54 am
      जरा महाराष्ट्राचे मुख्यमंत्री उर्फ bluffmaster यांच्यावर सुद्धा कधी लिहीत जा ..!! एकीकडे मोदींना झोडपायचे आणि मुख्यमंत्र्यांबद्दल सॉफ्ट कॉर्नर ...हे फक्त "जात" प्रेमाने आंधळा झालेला माणूसच करू शकतो . आंणि हो पुरोहितांना जमीन मिळाला आहे ...सुटका झालेली नाही . नथुरामी प्रवृत्ती कशी देशातच हल्ले करू लागली आहे याचे हे उदाहरण.
      Reply
      1. R
        Raj
        Aug 22, 2017 at 10:32 pm
        कृपया प्रतिक्रिया देताना माण जनावरांची उपमा देऊन जनावरांचा अपमान करू नये.
        Reply
        1. P
          pramod
          Aug 22, 2017 at 8:48 pm
          फारच चांगला लेख आहे. मधून मधून असे जगातील घडामोडीवर लिखाण करावे - धन्यवाद. .
          Reply
          1. S
            Somnath
            Aug 22, 2017 at 8:12 pm
            Vachkanchya pratikriyevar bhuknysathi vinodi tinpat shwan loksattane palala aahe ka? Tya shwanavar delelya sadetod pratikriya prasidha ka hot nahi?
            Reply
            1. उर्मिला.अशोक.शहा
              Aug 22, 2017 at 5:50 pm
              वंदे मातरम- कर्नल पुरोहित वर जो अन्याय झाला त्या बद्दल हे संपादक कधीच लिहिणार नाहीत एखाद्या मुसलमानांवर अन्याय झाला असला असता तर लगेच अश्या बुद्धिवाद्यांचा किडा जागृत झाला असता काँग्रेस च्या पापावर पांघरून घालणे हाच या संपादक चा अजेंडा आहे जा ग ते र हो
              Reply
              1. S
                Somnath
                Aug 22, 2017 at 4:37 pm
                Vinodi makadachya dhungala mirchi laglya laglya kuberi udya marayala Lagal ben.
                Reply
                1. विनोद
                  Aug 22, 2017 at 4:24 pm
                  येड'पट' बा'पट' फारच विमनस्क झाले आहेत. त्यांचा संपादकांवर फारच राग आहे. त्यांनी उजव्यांवर टिका केलेली बापटला आवडत नाही. खरेतर बापटांनी संपादकांचे आभार मानले पाहिजेत. संपादक प्रतिगाम्यांवर टिका करतायत म्हणून तर तापट बापटच्या आणी इतर भक्तांच्या पाेटाची खळगी भरली जातायत. संपादकांनी बापट आणी इतर भक्तांच्या मनासारखे लेख लिहीले तर भक्तांच्या नाेकर्या जातील आणी ते भक्तांच्या पाेटावर पाय दिल्याप्रमाणे हाेईल.
                  Reply
                  1. H
                    harshad
                    Aug 22, 2017 at 3:37 pm
                    येथे वाचक म्हणत आहेत कि नेते हे अग्रलेख वाचतात का? पण त्यांना हे कळत नाही हे नेते हे लोकशाही प्रक्रियेमध्ये लोकांनी मते दिल्यामुळे निवडून येतात. नेत्यांनी तो अग्रलेख वाचला का नाही ह्यांनी फारसा फरक पडत नाही पण जर मतदार हे अग्रलेख वाचत असतील आणि संपादकाच्या मताशी मत होत असतील तर त्या नेत्याच्या मतावर परिणाम होऊ शकतो. त्यामुळे लेख नेते लेख वाचू दे व न वाचू दे त्यांनी काहीही फरक पडत नाही. लोकमान्य टिळक ह्यांनी पण वृत्तपत्र चालवत होते ते काय ब्रिटिशांनी वाचावे म्हणून चालवत होते काय? तर लोकांमध्ये जनजागृती व्हावी म्हणून ते वृत्तपत्र काढत होते. आणि संपादक हे त्यांचे काम करत आहेत वृत्तपत्रांनी सरकार वर अंकुश ठेवलाच पाहिजे. सरकार चे काय चुकते हे सांगितलेच पाहिजे. येथील भक्त हे मुद्द्यावर ना बोलता व्यक्तीवर बोलतात ह्यावरून त्यांच्या बुद्धीशी झेप कळते जर तुम्ही एखाद्या नेत्याचे समर्थक असाल तर नेत्याचे निर्णय कसा बरोबर आहे ते सांगा ना.
                    Reply
                    1. S
                      Shriram Bapat
                      Aug 22, 2017 at 3:09 pm
                      काही जणांना सवय असते. थाळीतील सर्वात अप्रिय पदार्थ ते प्रथम संपवतात. किंवा एखादा मनुष्य म्हणतो " let me tackle the tough one first " ट्रम्पसाहेब सुद्धा तसेच वागतात. सकाळी सकाळी त्यांचा सेक्रेटरी त्यांना सर्व वृत्तपत्रातील त्यांच्याविषयी छापून आलेल्या मजकुराची कात्रणे दाखवतो. ट्रम्प साहेब प्रथम लोकसत्ताचे अग्रलेख वाचायला घेतात. आपले नक्की काय चुकत आहे याबद्धलचे ज्ञान मिळवतात. आवश्यक ती पावले उचलतात (जसे बॅनन ला नारळ देणे वगैरे) नंतर सवडीने अमेरिका-युरोपमधली मोठी वृत्तपत्रे, नियतकालिके, विरुद्ध मत मांडणाऱ्या टीव्ही चर्चांच्या फिल्म बघतात. आतापर्यंत लोकसत्ताचे अग्रलेख वाचून त्यांनी जवळ जवळ १२ मर्जीतल्या माणसांना स्वतःच्या कोटेरीतून बाहेर काढले आहे. आता त्यांच्या जवळच्या आणखी कोणाची निंदा करायची यासाठी संपादकांनी 'न्यू प्रेसिडेंट.. हूज हू ?' हे पुस्तक मागवले आहे. ट्रम्प यांच्या मुलीला लहानपणी सांभाळणारी नानी फारच उजवी आहे. इतकी की ती उजव्या हाताने लिहिते, उजव्या हाताने जेवते एवढेच नाही तर सिगारेट सुद्धा उजव्या हातात धरते असे संशोधनात पुढे आले आहे. उद्याचा अग्रलेख तिच्यावर.
                      Reply
                      1. विनोद
                        Aug 22, 2017 at 2:10 pm
                        उमेशही उजवाच आहे. ताे ज्याचा भक्त आहे ताे देवही उजवा आहे. पण आरक्षण रद्द करण्याची उमेशची मागणी त्याचा देव पूर्ण करीत नाही. तरीही हा आशावादी आहे. उमेशला शुभेच्छा आणी प्रतिक्रीयांद्वारे करमणूक केल्याबद्दल धन्यवाद. !
                        Reply
                        1. S
                          Salim
                          Aug 22, 2017 at 1:51 pm
                          कर्नल पुरोहितांवर पण जरा लेखणी खर्डा... बघा वेळ मिळतो का... काय लिहायचे ते लिहा... पण लिहा... हो पण नुसत्या शिव्या देऊ नका, नाव ठेऊ नका... हि सवय बाजूला ठेवा आता... अभ्यासपूर्ण लिहा...
                          Reply
                          1. S
                            Shriram Bapat
                            Aug 22, 2017 at 1:42 pm
                            मोर्चास हिंसक वळण मिळाले.या संघटनेचा विचार सर्वज्ञात होता.या मोर्चाचे आयोजक किती मागास आहेत याची कल्पना राज्यकर्त्यांना होती का असा प्रश्न पडतो. ही मंडळी कह्यात राहतील याची काळजी त्यांनी घ्यायला हवी होती. अन्यथा बेबंदशाही फार दूर नसते. मोर्चात झालेल्या हिंसाचाराचा निसंदिग्ध निषेध त्यांनी केला नाही.प्रकरणात दोन्ही बाजूंचा दोष आहे अशी गुळमुळीत आणि तटस्थतावादी भूमिका त्यांनी घेतली.कळीच्या मुद्द्यावर तटस्थतपणा लबाडीचा निदर्शक होता. किंवा त्यांना गांभीर्य कळले नव्हते.परिणाम व्हायचा तोच झाला. रझा अकादमी मोर्चामुळे पृथ्वीबाबा आणि आबा दोघेही बदनाम झाले. ट्रम्प यांना बुद्दू समजण्यात अनेकांची चूक होतेय. निवडून येण्यासाठी उपयोगी अशा कट्टर उजव्यांची मदत त्यांनी घेतली. पण अती-उजवेपणा आपल्याला खाली नेऊ शकतो असे ध्यानात आल्यावर ज्या सफाईने फडणवीसांनी पंकजा मुंडेंना त्यांच्या खऱ्या स्थानावर आणले किंवा खडसेंना अलगद दूर केले त्याच सफाईने ट्रम्प ज्यांच्यामुळे आपली अप्रियता वाढू शकेल अशा बॅनन वगैरेंना दूर करत आहेत. त्यांच्या मॅडनेस मध्ये मेथड आहे. २०१८ मध्ये त्यांच्यावरील संकुचित हा आरोप नष्ट होईल.
                            Reply
                            1. V
                              Vinayak
                              Aug 22, 2017 at 1:35 pm
                              पुरोगामी शहामृगांचे शहाणपण! प्रसाद पुरोहित याना मिळालेला जमीन आणि तो देताना कोर्टाने ओढलेले ताशेरे, मीरा भाईंदर मध्ये भा ज प चा दणदणीत विजय या विषयांच्या वावटळीपासून वाचण्यासाठी जाणूनबुजून बेनंन यांच्या राजीनाम्याच्या वाळूत संपादकांनी तोंड खुपसले!! "दासांना" नेहेमीप्रमाणे मन डोलावण्याचे काम चालू ठेवावे लागणार.
                              Reply
                              1. U
                                umesh
                                Aug 22, 2017 at 1:29 pm
                                बिचारे ट्रंप महाप्याच्या राजमहालात बसून एक जगप्रसिद्घ संपादक आपल्याविरोधात लेखणी सपासप तलवारीसारखी चालवून आपली काल्पनिक खांडोळी करत आहे हे त्याना माहीतच नाही त्यांना संपादकीयाचे इंग्रजीत भाषांतरही कुणी पाठवत नाही भारतात सर्वदूर पसरलेल्या लोकसत्ताच्या ज्ञानपिपासू वाचकांना मात्र संपादकांच्या वैश्विक आवाक्याचे प्रचंड कौतुक वाटते खास तरुन विनोदबुद्घीचे वाचक तर संपादकांची दृष्ट काढत असणार अर्थात काल्पनिक बाकी विनोदला तालुका दूध उत्पादक संघातही कुणी नोकरीला ठेवणार नाही त्याने रा स्व संघाची उठाठेव का करावी?
                                Reply
                                1. विनोद
                                  Aug 22, 2017 at 1:08 pm
                                  साेमनाथ एवढा उजवा आहे की ढुंगण सुद्धा उजव्या हातानेच धूत असताे. त्याच हाताने जेवताे. त्याच हाताने दुर्गंधीयुक्त प्रतिक्रीया लिहीताे.
                                  Reply
                                  1. U
                                    Ulhas
                                    Aug 22, 2017 at 12:54 pm
                                    लोकसत्ताकारांनी विरोधात लिहिले म्हणून ट्रम्पसाहेबांची तळी उचलायचे कारण नाही. कोणी लिहिले (किंवा बोलले) ह्यापेक्षा काय लिहिले (किंवा बोलले) हे अधिक महत्वाचे. इतक्या थोड्या अवधीत डझनभर उच्चपदस्थ बाहेर पडतात तेव्हा प्रशासन प्रमुखाने आत्म्परिक्षण करणे गरजेचे असते.
                                    Reply
                                    1. V
                                      vivek
                                      Aug 22, 2017 at 12:50 pm
                                      ट्रम्प यांची लायकी काय आहे सर्वाना माहिती आहे. ते अमेरिकेला कोठे नेऊ पाहत आहे हेही माहिती आहे. प्रश्न हा आहे हे सगळे किती दिवस चालणार. अमेरिकन सिनेट त्यांच्यावर महाभियोग चालवणार कि त्यांच्या धोरणांना विरोधच करेल. दिवसेंदिवस ट्रम्प यांचा पाय अधिक खोलात जात आहे. रशिया प्रकणात ट्रम्प नक्कीच दोषी ठरतील m
                                      Reply
                                      1. H
                                        Hemant Purushottam
                                        Aug 22, 2017 at 11:05 am
                                        "अमेरिकेचा अध्यक्ष इतका मागास आणि संकुचित असेल असे अनेकांना पटले नाही." या अनेकात लोकसत्ताचे पुरोगामी (?) संपादक आहेत हे कळले. काल नारायण मूर्ती यांना दोष देउन झाले. आज ट्रंप यांचा नंबर लागला. उद्या मोदींचा वार गृहीत धरायला हरकत नसावी.
                                        Reply
                                        1. J
                                          jit
                                          Aug 22, 2017 at 9:58 am
                                          आज थेट अमेरिका? पुरोहितवर फार वैचारिक लेख लिहिणार बहुतेक? येऊद्या...कर्नल पुरोहितवर विषारी विखारी एक पगारी लेख.........
                                          Reply
                                          1. S
                                            Somnath
                                            Aug 22, 2017 at 9:09 am
                                            उजवे कि डावे यांनी डोके गरगरल्यामुळे संपादक ट्रम्प द्वेषाचा फुत्कार अधून मधून घेणे देणे नसताना वाचकांच्या माथी मारत आहे. भगवा दहशत वादाचे पुरस्कर्त्यांच्या काल चांगलीच सणसणीत, जोरदार मुस्कटात बसून थोबाड सुजले त्या घाणेरड्या काँग्रेसच्या राजकारणावरून लक्ष हटविण्यासाठी असले लेख लिहून वाचकांना भ्रमित करू नये. काँग्रेसच्या मुद्दय़ावर संपादकाचा तटस्थपणा हा स्वतःच्या आकलनापलीकडे व अंदाज चुकूनही त्याच गोष्टींचा अगोचरपणा करून व्यक्ती दोष लेखणी खरडून स्वतःच्या सोयीचा आणि लबाडीचा निदर्शक असतो. यातील सर्वात गंभीर बाब म्हणजे संपादकाला संपादक पदाचे काही गांभीर्य आहे की नाही, असा चहूबाजूंनी विचारला जाणारा प्रश्न. नावाजलेल्या वृत्तपत्राच्या संपादकास हे शोभून दिसत नाही, असे मत जाहीरपणे वाचक आपल्या प्रतिक्रियेतून वेळोवेळी व्यक्त करीत असतात अर्थातच अंधाऱ्या कोठडीतल्या पिंजऱ्यातील विदूषक सोडून.
                                            Reply
                                            1. Load More Comments