डॉ. बाबासाहेब आंबेडकर मराठवाडा विद्यापीठातर्फे मराठी भाषा दिनानिमित्त मराठी संस्कृती समृद्ध करण्यात महत्त्वाची भूमिका निभावणाऱ्या साहित्य, संगीत, चित्र, नाटय़ व लोककला क्षेत्रातील दहा जणांचा सत्कार करण्यात येणार असल्याची माहिती कुलसचिव डॉ. प्रदीप जब्दे यांनी दिली.

राज्यशासनाचा उच्च शिक्षण व तंत्रज्ञान विभाग व विद्यापीठ यांच्या संयुक्त विद्यमाने हा कार्यक्रम होणार आहे. ज्ञानपीठ विजेते प्रख्यात साहित्यिक वि. वा. शिरवाडकर तथा कुसुमाग्रज यांची जयंती  ‘मराठी भाषा दिन’ म्हणून मोठय़ा प्रमाणावर साजरी करण्यात येणार आहे.

Dhairyavardhan Pundkar, vanchit bahujan aghadi, mva, Raises Question, not involving, Meetings, Seat Allocation Process,
जागा वाटपाच्या चर्चेत वंचितला स्थान का नाही?, वंचितचे प्रवक्ते डॉ. धैर्यवर्धन पुंडकर यांचा सवाल
Sanjay Gaikwad hunted tiger
“मी वाघाची शिकार करून त्याचा दात…”, संजय गायकवाडांचा अजब दावा; म्हणाले, “बिबट्यांना मी सहज…”
Amit Thackeray Pune
विद्यार्थ्यांच्या प्रश्नांसाठी अमित ठाकरे यांचा पुणे विद्यापीठावर मूक मोर्चा
Gondwana University organized a Youth Literary Conference on 21st and 22nd February
साहित्य संमेलन ‘युवां’चे, सत्राध्यक्षपदी मात्र प्रौढांची निवड; गोंडवाना विद्यापीठाच्या युवा साहित्य संमेलनावर…

यानिमित्त विद्यापीठात ग्रंथिदडीसह भरगच्च कार्यक्रम होत आहेत. ज्येष्ठ साहित्यिक पद्मश्री डॉ. यु. म. पठाण यांच्यासह मान्यवरांच्या उपस्थितीत २७ फेब्रुवारीला मुख्य कार्यक्रम होणार आहे. विद्यापीठ नाटय़गृहात सायंकाळी पाच वाजता मुख्य कार्यक्रम होईल. कुलगुरू डॉ. बी. ए. चोपडे अध्यक्षस्थानी राहणार आहेत. यावेळी साहित्य, कला, नाटय़ व संगीत क्षेत्रातील दहा मान्यवरांचा गौरव करण्यात येईल. या गौरवमूर्तीमध्ये प्राचार्य रा. रं. बोराडे, प्रा. मधू जामकर (साहित्य), पं. नाथराव नेरळकर व पं. विश्वनाथ ओक (संगीत), मुरली लाहोटी व प्रा. दिलीप बडे (चित्रकला), प्रा. अजित दळवी व डॉ. दिलीप घारे (नाटय़), मीरा उमप व निरंजन भाकरे (लोककला) यांचा समावेश आहे. या मान्यवरांना सन्मानचिन्ह, ग्रंथ भेट देण्यात येतील.

याच दिवशी सायंकाळी सहा वाजता ‘आत्मवाणी-अमृतवाणी’ हा कार्यक्रम होणार आहे. मराठी भाषेचा उगमापाूसन आजपर्यंत झालेला प्रवास या कार्यक्रमातून उलगडला जाणार आहे. या कार्यक्रमात मराठीतील उत्तमोत्तम कथा, कविता, नाटय़प्रवेश, ललित लेखन, उत्तम कवितांचे सादरीकरण होणार आहे.

अभिनेते सचिन खेडेकर, सोनाली कुलकर्णी, चिन्मय केळकर, उत्तरा मोने, प्रख्यात गायिका उत्तरा केळकर, श्रीधर फडके, मंगेश बोरगांवकर, आर्या आंबेकर, कमलाकर सातपुते व मीरा मोडक हे मान्यवर उपस्थित राहणार आहेत. या कार्यक्रमात मराठी भाषाप्रेमिकांना सहभागी होता यावे, यासाठी नाटय़गृहाबाहेर एलसीडीची व्यवस्थादेखील करण्यात येणार आहे.