आईला सांगू का गोष्ट मीच एक गव्हाचे दाणे गं अंगणात फेक! अंगणी येईल चिमणी लाजाळू दाणे दोन-चार टिपेल ती हळू! हळूच येईल कावळा हुशार टिपून तो दाणे होईल पसार! मान वेडावत येईल पारवा टिपून दाण्यास जाईल दूर गावा! पोपट म्हणत येईल तो गाणे मिठ्ठू मिठ्ठू म्हणून खाईल तो दाणे! धावत पळत कोंबडा येईल कोंबडीसोबत दाणे वेचून जाईल अटक मटक ती येईल खारू खाऊन ती दाणे जाई तुरुतुरु! अंगणी सगळे येतील ना असे आई गं अंगण सुंदरसे दिसे!
