आभाळाचा फळा वाच ना रे बाळा कधी सावळा तर कधी दिसे निळा आभाळात ढग कसे पळताना दिसे कधी इंद्रधनु येऊन पावसात हसे पहाटेला पूर्वेकडून सूर्यदादा येई हळूहळू साऱ्या दिशा लख्ख होऊन जाई सायंकाळी सूर्यदादा गुडूप जेव्हा होतो आभाळाला चांदण्यांचे दान देऊन जातो दिवसागणिक चंद्र त्याच्या कला दाखवितो आभाळाच्या भाळावरी मजेने फिरतो आभाळाचा फळा बाळा आहे चमत्कारी अख्खी आकाशगंगा बघ फिरे फळ्यावरी - एकनाथ आव्हाड
