सरसर झाडावर, झरझर खाली अग्गोबाई खारूताई कमालच झाली। झुपकेदार शेपटी दिसतेय छान टुकुटुकू बघतेस हलवीत मान। किती तुझी लगबग किती चपळाई पाहून तुला ससाही चकितच होई। मोह तुला धरण्याचा होतो आम्हा बाई पण वेगानं धावणं जमतच नाही। एवढासा जीव तरी किती बळ त्यात रामसेतु बांधायला लागे तुझा हात। असाल लहान तरी धावा मदतीला खारूताई दिलास तू मंत्र दुनियेला। गौरी कुलकर्णी उन्हाळय़ाची सुट्टी आता लागली उन्हाळय़ाची सुट्टी आनंदी आनंद अभ्यासाशी कट्टी॥ फिरायचे आता खूप दूर दूर कधी मुंबई-ठाणे तर, कधी नागपूर॥ बघत बसायचा कधी घरी टीव्ही तर कधी खेळायचे क्रिकेट आणि कबड्डी॥ उन्हाळय़ाची सुट्टी भुर्रकन् उडणार शाळेची कटकट पुन्हा मागे लागणार॥ वाटते, उन्हाळा असावा सहा महिन्यांचा नसणार मग सुट्टय़ांचा तोटा॥ - वसंत खेडेकर