23 June 2017

News Flash

कोडिंगचं कोडं : कमेंट्स

सध्या छोटे छोटे प्रोग्राम लिहिताना तुम्हाला कमेंट्सची गरज वाटणार नाही.

अपर्णा मोडक | Updated: May 14, 2017 3:20 AM

आपल्याला प्रोग्रामिंग लँग्वेजपेक्षा इंग्रजी सरावाची असल्याने आपण या कमेंट्स पटकन वाचू शकतो.

मागील भागात आपण व्हेरिएबलच्या वापराचा तिसरा टप्पा शिकलो, व्हेरिएबलमध्ये साठवून ठेवलेली किंमत प्रोग्राममधे वापरायची. आपण जेव्हा व्हेरिएबल ‘=’ च्या अलीकडे न वापरता, इतर ठिकाणी वापरतो, तेव्हा आपण त्या व्हेरिएबलमध्ये साठवलेली किंमत वापरत असतो.

मागील भागात आपण जे उदाहरण बघितलं, त्यात आधी आपण ‘a’ व ‘b’ या व्हेरिएबल्समधे ठरावीक किमती साठवून ठेवल्या आणि ‘c’ या व्हेरिएबलच्या मदतीने, त्यांच्या किमतींची अदलाबदल केली.

bal03

तुमच्या लक्षात आलं का, की या उदाहरणात कमांड्सखेरीज काही वाक्यं लिहिलेली होती. ती वाक्यं प्रोग्राममध्ये असली तरी ती प्रोग्रामिंग लँग्वेजमध्ये लिहिलेली वाटत नाहीत. ती वाक्यं आपल्या नेहमीच्या इंग्रजी भाषेतलीच वाटतात. ही वाक्यं म्हणजे कमेंट्स (comments) आहेत. आता तुम्ही विचाराल, कॉम्प्युटरला इंग्रजी कळतं का? तर नाही. मग त्याला ही वाक्यं कशी कळणार? नाहीच कळत त्याला ती. प्रोग्राम रन करताना कॉम्प्युटर चक्क या वाक्यांकडे दुर्लक्ष करून पुढे जातो.

प्रोग्रामच्या आउटपुटसाठी या कमेंट्सची काहीच गरज नसते. वरील उदाहरणातील कमेंट्स वगळून जरी हा प्रोग्राम रन केलात, तरी प्रोग्रामच्या आउटपुटमध्ये काही फरक पडणार नाही. मग आपण उगीच या कमेंट्स का लिहायच्या? प्रोग्राममधील वेगवेगळे भाग नक्की काय काम करतात हे आपल्याला समजायला सोप्पं जावं म्हणून या कमेंट्स वापरल्या जातात. आपल्याला प्रोग्रामिंग लँग्वेजपेक्षा इंग्रजी सरावाची असल्याने आपण या कमेंट्स पटकन वाचू शकतो. या उदाहरणात मी लिहिलेल्या कमेंट्समुळे तुम्हाला हा प्रोग्राम समजायला सोप्पा वाटला की नाही?

सध्या छोटे छोटे प्रोग्राम लिहिताना तुम्हाला कमेंट्सची गरज वाटणार नाही. पण प्रोग्राम लिहिताना मधे मधे अशा कमेंट्स लिहायची सवय लावून घेतलीत तर पुढे मोठे प्रोग्राम लिहिताना त्याचा खूप फायदा होईल.

sudomu@gmail.com

First Published on May 14, 2017 3:20 am

Web Title: variable values comments
  1. No Comments.