25 September 2017

News Flash

विराज भोसले आणि राहुल गीते ‘ब्लॉग बेंचर्स’चे मानकरी

राहुल माटुंग्याच्या डी. जी. रुपारेल महाविद्यालयात शिक्षण घेत आहे.

प्रतिनिधी, मुंबई | Updated: June 10, 2017 1:34 AM

‘स्वागतार्ह घूमजाव’ या ‘लोकसत्ता’मधील अग्रलेखावर ताकदीने भूमिका मांडणारा औरंगाबादचा विराज भोसले आणि मुंबईचा राहुल गीते ब्लॉग बेंचर्सच्या अनुक्रमे पहिल्या व दुसऱ्या पारितोषिकाचे मानकरी ठरले आहेत. विराज जवाहरलाल नेहरू अभियांत्रिकी महाविद्यालयाचा विद्यार्थी आहे. तर राहुल माटुंग्याच्या डी. जी. रुपारेल महाविद्यालयात शिक्षण घेत आहे.

अग्रलेखावर मत मांडणारा विराज व राहुल यांनी दर्जेदार लेखन करत ‘ब्लॉग बेंचर्स’ स्पर्धेत बाजी मारली. विराज सात हजार आणि प्रमाणपत्र तर राहुल पाच हजार रुपये आणि प्रमाणपत्र अशा बक्षिसाचे मानकरी ठरले आहेत. या विद्यार्थ्यांना त्यांच्या महाविद्यालयांच्या प्राचार्याच्या हस्ते बक्षीस देऊन गौरविण्यात येईल. या अग्रलेखावर व्यक्त होताना राज्यभरातील अनेक महाविद्यालयीन विद्यार्थ्यांनी आपल्या विचारांना चालना देत उत्तम लेखन केले. महाविद्यालयीन युवा शक्तीच्या लेखणीला व्यासपीठ मिळवून देण्याच्या उद्देशाने सुरू केलेल्या या स्पर्धेला विद्यार्थी भरभरून प्रतिसाद देत आहेत. यात प्रत्येक आठवडय़ाच्या शुक्रवारी ‘आठवडय़ाचे संपादकीय’ या शीर्षकाखाली नवीन लेख प्रसिद्ध करण्यात येतो. त्यावर विद्यार्थ्यांना व्यक्त व्हायचे असते. त्यांना पुढील आठवडय़ाच्या गुरुवापर्यंतची मुदत दिली जाते. विद्यार्थ्यांनी लिहिलेल्या लेखांचे परीक्षण तज्ज्ञ परीक्षकांकडून केले जाते. त्यानंतर पहिल्या व दुसऱ्या क्रमांकाची बक्षिसे काढली जातात. पहिल्याच लेखापासून या स्पर्धेला विद्यार्थ्यांनी भरभरून प्रतिसाद दिला आहे.

विजेत्या विद्यार्थ्यांचे लेख ‘लोकसत्ता’मध्ये प्रसिद्ध केले जातात. ‘लोकसत्ता’च्या राज्यभरातील वाचकांना यानिमित्ताने तरुणाईचे अंतरंग समजून घेण्याची संधी मिळते. या स्पर्धेत सहभागी होऊ  इच्छिणाऱ्या विद्यार्थ्यांना www.loksatta.com/Blogbenchers या संकेतस्थळाला भेट देऊन आपली भूमिका मांडायची आहे.

First Published on June 10, 2017 1:34 am

Web Title: loksatta blog benchers winner viraj bhosale
  1. No Comments.