‘सीएसआयआर’ म्हणजेच काऊन्सिल ऑफ सायन्टिफिक अँड इंडस्ट्रियल रिसर्चतर्फे देण्यात येणाऱ्या संशोधनपर फेलोशिपसाठी पात्रताधारक उमेदवारांकडून अर्ज मागविण्यात येत आहेत.फेलोशिपनुसार उमेदवारांची शैक्षणिक पात्रता पुढीलप्रमाणे आहे -० सीनिअर रिसर्च फेलोशिप : अर्जदारांनी एमएस्सी, बीई, बीटेक् पात्रता ५५ टक्के गुणांसह, एमटेक्, एमई पात्रता ६० टक्के गुणांसह अथवा एमबीबीएस, बीडीएस पात्रता ६० टक्के गुणांसह उत्तीर्ण केलेली असावी अथवा ते पीएचडी पात्रताधारक असावेत.० सीनिअर रिसर्च फेलोशिप (विस्तारित): ज्या उमेदवारांनी आपल्या संशोधनपर पीएचडीसाठीचा शोधप्रबंध सादर केला आहे असे उमेदवार या योजनेअंतर्गत अर्ज करण्यास पात्र आहेत.० रिसर्च असोसिएटशिप : अर्जदारांनी विज्ञान वा अभियांत्रिकी विषयातील पीएचडी अथवा एमडी, एमएस, एमडीएस, एमई, एमटेक, एमव्हीएससी यांसारखी पात्रता चांगल्या शैक्षणिक आलेखासह पूर्ण केलेली असावी.वयोगट : उमेदवाराचे वय ३२ ते ३५ वर्षांच्या दरम्यान असावे.निवड प्रक्रिया : अर्जदारांपैकी पात्रताधारक उमेदवारांना त्यांची शैक्षणिक पात्रता, संशोधन कार्य, अनुभव आदींच्या आधारे मुलाखतीसाठी बोलाविण्यात येईल आणि त्यात यशस्वी ठरणाऱ्या उमेदवारांची अंतिम निवड करण्यात येईल.पाठय़वृत्ती : निवड झालेल्या उमेदवारांना त्यांच्या संशोधन कालावधीसाठी दरमहा २२ हजार ते २४ हजार रु. संशोधनपर पाठय़वृत्ती देण्यात येईल. याशिवाय त्यांना या कालावधीदरम्यान आकस्मिक खर्चापोटी २० हजार रु. देण्यात येतील.अधिक माहिती : योजनेच्या संदर्भात अधिक माहितीसाठी ‘एम्प्लॉयमेंट न्यूज’च्या २ ते ८ ऑगस्ट २०१४ च्या अंकात प्रकाशित झालेली ‘सीएसआयआर’ची जाहिरात पाहावी अथवा सीएसआयआरच्या www.csirhrdg.res.in या संकेतस्थळाला भेट द्यावी.अर्ज पाठविण्याचा पत्ता व शेवटची तारीख : संपूर्णपणे भरलेले अर्ज सायंटिस्ट इन्चार्ज, ईएमआर- १, ह्युमन रिसोर्स डेव्हलपमेंट ग्रुप, सीएसआयआर कॉम्प्लेक्स, लायब्ररी अॅव्हेन्यू, पूसा, नवी दिल्ली ११००१२ या पत्त्यावर पाठविण्याची शेवटची तारीख ८ सप्टेंबर असून संगणकीय पद्धतीने सीएसआयआरच्या संकेतस्थळावर अर्ज करण्याची शेवटची तारीख २ सप्टेंबर २०१४ आहे.