केंद्र सरकारच्या ऊर्जा मंत्रालयांतर्गत कार्यरत असणाऱ्या नॅशनल पॉवर ट्रेनिंग इन्स्टिटय़ूट, नागपूर येथे उपलब्ध असणाऱ्या ट्रान्समिशन अॅण्ड डिस्ट्रिब्युशन देण्यासाठी खाली नमूद केल्याप्रमाणे पात्रताधारक विद्यार्थी-उमेदवारांकडून प्रवेश अर्ज मागविण्यात येत आहेत. जागांची संख्या- अभ्यासक्रमासाठी उपलब्ध जागांची संख्या ६० असून यापैकी काही जागा सरकारी नियमांनुसार राखीव आहेत. आवश्यक शैक्षणिक पात्रता- अर्जदार विद्यार्थ्यांनी इलेक्ट्रिकल, इलेक्ट्रॉनिक अॅण्ड इलेक्ट्रिकल अथवा इलेक्ट्रिकल पॉवर इंजिनीअरिंग यांसारख्या विषयांतील पदवी परीक्षा चांगल्या शैक्षणिक आलेखासह उत्तीर्ण केलेली असावी. निवड पद्धती- अर्जदार विद्यार्थ्यांच्या संबंधित पदवी परीक्षेतील गुणांकाच्या आधारे त्यांना अभ्यासक्रमात प्रवेश देण्यात येईल. अर्जासह पाठवायचे प्रवेश शुल्क- प्रवेश अर्जासह पाठवायचे प्रवेश शुल्क म्हणून उमेदवारांनी १००० रु.चा एनपीटीआय (वेस्टर्न रिजन) नागपूरच्या नावे असणारा व नागपूर येथे देय असलेला डिमांड ड्राफ्ट पाठविणे आवश्यक आहे. अधिक माहिती व तपशिलासाठी संपर्क- अभ्यासक्रमाच्या संदर्भात अधिक माहिती व तपशिलासाठी एम्प्लॉयमेंट न्यूजच्या १६ ते २२ जुलै २०१६ च्या अंकात प्रकाशित झालेली नॅॅशनल पॉवर ट्रेनिंग इन्स्टिटय़ूट, नागपूरची जाहिरात पाहावी. एनटीपीआयच्या दूरध्वनी क्र. ०७१२-२२२६१७६ वर संपर्क साधावा अथवा इन्स्टिटय़ूटच्या www.nptinagpur.com या संकेतस्थळाला भेट द्यावी. अर्ज पाठविण्याचा पत्ता व शेवटची तारीख- विहित नमुन्यातील संपूर्णपणे भरलेले व आवश्यक ते कागदपत्र आणि डिमांड ड्राफ्टसह असणारे प्रवेश अर्ज प्रिन्सिपॉल डायरेक्टर, नॅशनल पॉवर ट्रेनिंग इन्स्टिटय़ूट, दक्षिण अंबाझरी मार्ग, विश्वेश्वरैया नॅशनल इन्स्टिटय़ूट ऑफ टेक्नॉलॉजीसमोर, गोपाळनगर, नागपूर- ४४०००२२ या पत्त्यावर १९ ऑगस्ट २०१६ पर्यंत पोहोचतील अशा बेताने पाठवावेत.
