बिर्ला इन्स्टिटय़ूट ऑफ टेक्नॉलॉजी, पिलानी येथे संगणक व माहिती तंत्रज्ञान, वाहन उद्योग, उत्पादन क्षेत्र, औषधी निर्मिती, रसायनशास्त्र व विश्लेषण क्षेत्रातील उद्योगात काम करणाऱ्या अनुभवी उमेदवारांसाठी पुढील अभ्यासक्रम उपलब्ध आहेत- अर्जदारांनी पुढील अर्हता प्राप्त केलेली असावी- * एमटेक : सॉफ्टवेअर सिव्हिल, मॅन्युफॅक्चरिंग मॅनेजमेंट व क्वालिटी मॅनेजमेंट: अर्हता- अर्जदार बीई, बीएस, एमएस्सी, एमसीए, एएमआयई यांसारखे पात्रताधारक असावेत. त्यांना संबंधित क्षेत्रातील कामाचा किमान वर्षभराचा अनुभव असावा. * बीटेक- इंजिनीअरिंग टेक्नॉलॉजी : अर्जदार बीएस्सी पदवीधर अथवा अभियांत्रिकीचा पदविकाधारक असावा. त्यांना संबंधित क्षेत्रातील कामाचा किमान २ वर्षांचा अनुभव असावा. * एमएस्सी-बिझनेस अॅनालिसिस : अर्जदार बीकॉम, बीएस्सी, बीई, एमसीए यांसारखी पात्रताधारक असावेत. त्यांना संबंधित क्षेत्रातील कामाचा किमान वर्षभराचा अनुभव असावा. * एमबीए- क्वालिटी मॅनेजमेंट, कन्सल्टन्सी मॅनेजमेंट व मॅन्युफॅक्चरिंग मॅनेजमेंट : अर्जदार बीई, बीटेक, एमएस्सी, एमसीए, एएमआयई यांसारखे पात्रताधारक असावेत. त्यांना संबंधित क्षेत्रातील कामाचा किमान वर्षभराचा अनुभव असावा. अधिक माहिती : www.bits.ac.in/wilp अर्ज करण्याची मुदत : संगणकीय पद्धतीने वरील संकेतस्थळावर ११ जून २०१६ पर्यंत अर्ज करता येईल.