इंदिरा गांधी राष्ट्रीय मुक्त विद्यापीठामध्ये दूरस्थ शिक्षण पद्धतीने अनेक अभ्यासक्रम करता येतात. त्यातीलच विविध अभ्यासक्रमांमध्ये खालीलप्रमाणे प्रवेश उपलब्ध आहेत- * पदव्युत्तर अभ्यासक्रम- तत्त्वज्ञान, गांधी विचार अभ्यास, विस्तारित विकास, शिक्षणशास्त्र, सामाजिक कार्य, दूरस्थ शिक्षण, अर्थशास्त्र, इंग्रजी, हिंदी, इतिहास, राज्यशास्त्र, मानसशास्त्र, लोक- प्रशासन, ग्रामीण विकास, समाजशास्त्र, प्रौढ शिक्षण, महिला शिक्षण, पर्यटन व आदरातिथ्य, वाणिज्य, संगणकशास्त्र, वाचनालय विज्ञान, आहार शास्त्र, अनुवाद शास्त्र यांसारख्या विषयातील पदव्युत्तर पदवी अभ्यासक्रम. * पदविका अभ्यासक्रम- वाचनालय शास्त्र व तंत्रज्ञान, अॅनालॅटिकल केमिस्ट्री, श्रवण कार्यक्रम, न्यायशास्त्र, आपत्काल नियंत्रण, शैक्षणिक व्यवस्थापन व प्रशासन, शिक्षण तंत्र, पर्यावरण संरक्षण व स्थायी विकास, विकास व्यवस्थापन, सांस्कृतिक अभ्यसाक्रम, गांधी विचार, उच्च शिक्षण, माहिती संरक्षण, बुद्धिमत्ता अधिकार, आंतरराष्ट्रीय व्यवसाय व्यवस्थापन, पत्रकारिता, औषध विक्री व्यवस्थापन, ग्रामीण विकास, प्राथमिक शिक्षण, शालेय नेतृत्व-व्यवस्थापन, भाषांतर शास्त्र, शहरी नियोजन, प्रौढ शिक्षण, वृक्ष व्यवस्थापन, ग्रंथ प्रकाशन, अन्न प्रक्रिया व संरक्षण, गुणवत्ता नियंत्रण, कृषी विज्ञान, बीपीओ व्यवस्थापन, लेखा- प्रक्रिया, इंग्रजी लिखाण, शिशू संगोपन, कुटुंब कल्याण व शिक्षण, पर्यटन, उर्दू भाषा, सकस आहार व प्रक्रिया, पंचायत स्तरीय प्रशासन व विकास, महिला सशक्तीकरण, दुग्धव्यवसाय, जलसंवर्धन, मत्सोत्पादन व तंत्रज्ञान यांसारख्या विषयातील पदविका अभ्यासक्रम. * पदवी अभ्यासक्रम- बीएस्सी, बीए, बीए (टुरिझम) बी.कॉम, बीसीए, बॅचलर ऑफ लायब्ररी सायन्स, बॅचरल ऑफ सोशल नेटवर्क यांसारख्या विषयातील पदवी अभ्यासक्रम. * अधिक माहिती व तपशिलासाठी संपर्क- अभ्यासक्रमांच्या संदर्भात अधिक माहिती, तपशील व आवश्यक शैक्षणिक पात्रता इ. जाणून घेण्यासाठी इंदिरा गांधी राष्ट्रीय मुक्त विद्यापीठ- दिल्लीच्या ignou.ac.in/ admission या संकेतस्थळाला भेट द्यावी. * अर्ज व माहितीपत्रक- अभ्यासक्रमाचे माहितीपत्रक व प्रवेश अर्ज घरपोच हवे असल्यास ८०० रु. शुल्क पाठविणे आवश्यक आहे. * अर्ज पाठविण्याचा पत्ता व शेवटची तारीख- संपूर्णपणे भरलेले व आवश्यक त्या कागदपत्रांसह असणारे प्रवेश अर्ज रजिस्ट्रार- स्टुडंटस् रजिस्ट्रेशन डिव्हिजन, इंदिरा गांधी राष्ट्रीय मुक्त विद्यापीठ, मैदानगढी, नवी दिल्ली- ११० ०६८ या पत्त्यावर ३१ जुलै २०१७ पर्यंत पोहोचतील अशा बेताने पाठवावेत.