सुक्कुर जिल्ह्य़ातील राष्ट्रीय महामार्गावर ट्रेलरला बसची धडक बसून झालेल्या भीषण अपघातात बसमधील ४२ प्रवासी ठार आणि अनेकजण जखमी झाले असून मृतांमध्ये महिला आणि मुलांचाही समावेश आहे. बसचालकाचे वाहनावरील नियंत्रण सुटल्यामुळे बस ट्रेलरवर धडकली.सदर बस डेहरा गझनीखान येथून कराची येथे जात असताना सुक्कुरजवळच्या पानो अकील भागात हा अपघात घडला. विरुद्ध दिशेने येणाऱ्या ट्रेलरला ही बस धडकल्याचे पोलिसांनी सांगितले. या बसमध्ये ६०हून अधिक प्रवासी होते.पाकिस्तानचे पंतप्रधान नवाझ शरीफ यांनी या अपघाताबद्दल तीव्र दु:ख व्यक्त केले आहे.
