पाटण्याहून दिल्लीकडे निघालेले एअर अॅम्ब्युलन्स मंगळवारी दुपारी पावणे तीनच्या सुमारास दिल्लीजवळील नजफगढ भागात आपत्कालीन परिस्थितीत उतरविण्यात आले. विमानामध्ये दोन वैमानिकासह एकूण सात जण होते. त्यापैकी पाच जण जखमी झाले असून, त्यांना रुग्णालयात हलविण्यात आले आहे. अल्केमिस्ट एअरलाईन्सचे हे विमान आहे. पाटण्याहून दिल्लीकडे येत असताना नजफगढ भागामध्ये विमानाच्या इंजिनामध्ये तांत्रिक बिघाड झाल्याचे वैमानिकांच्या लक्षात आले. त्यानंतर मोकळ्या जागेत आपत्कालीन परिस्थिती हे विमान उतरविण्यात आले. त्यामुळे विमानातील पाच जण जखमी झाले. या घटनेनंतर लगेचच घटनास्थळी अग्निशामक दलाचे बंब रवाना करण्यात आले. त्याचबरोबर तातडीने जखमींना खासगी रुग्णालयात हलविण्यात आले. जखमींमध्ये काही रुग्णांचाही समावेश आहे. नागरी हवाई वाहतूक महासंचालनालयाने या प्रकरणाची चौकशी सुरू केली आहे. Alchemist Airlines Air Ambulance that crashed in Delhi's Najafgarh area. 5 injured rushed to hospital. pic.twitter.com/ykLttAfRiW — ANI (@ANI_news) May 24, 2016 Delhi: Pictures from spot where Air Ambulance crash landed pic.twitter.com/AmqKUcJWHD — ANI (@ANI_news) May 24, 2016