एअर कॅनडाचे अ-३२० जातीचे प्रवासी विमान रविवारी नोव्हा स्कॉशियातील हॅलिफॅक्स येथील विमानतळावर उतरल्यानंतर धावपट्टीवरून घसरले. त्यात २३ जण जखमी झाले. एअर कॅनडाचे टोरंटोहून हॅलिफॅक्सला जाणारे विमान स्टॅनफिल्ड आंतरराष्ट्रीय विमानतळावर उतरताच स्थानिक प्रमाणवेळेनुसार १२.४३ वाजता धावपट्टीवरून घसरले. कंपनीने त्याची ट्विटरवरून माहिती दिली. मात्र त्यात अपघाताचे कारण नमूद केले नाही. शहरात हिमवृष्टी झाल्याने दृश्यमानता कमी होती. त्यामुळे ही घटना घडली असल्याचा अंदाज आहे. या वेळी विमानात १३३ प्रवासी आणि ५ कर्मचारी होते
