23 June 2017

News Flash

वादग्रस्त धर्मगुरू झाकीर नाईकला सौदी अरेबियाचे नागरिकत्व

सौदीचे राजे सलमान यांनी याप्रकरणी वैयक्तिक लक्ष घातल्याचे बोलले जाते.

नवी दिल्ली | Updated: May 20, 2017 8:28 AM

वादग्रस्त मुस्लिम धर्मप्रचारक झाकीर नाईक. (संग्रहित छायाचित्र)

मुस्लिम समाजाचा वादग्रस्त धर्मगुरू झाकीर नाईकला सौदी अरेबियाचे नागरिकत्व देण्यात आल्याचे वृत्त ‘टाइम्स नाऊ’ने दिले आहे. इंटरपोलपासून बचावासाठी नाईकने सौदीच्या नागरिकत्वाचा आग्रह धरला होता, असे बोलले जाते.

सूत्रांकडून मिळालेल्या माहितीनुसार, सौदीने नाईकचा अर्ज मंजूर केला आहे. नाईकची स्वंयसेवी संस्था इस्लामिक रिसर्च फाऊंडेशनवर (आयआरएफ) सरकारने बंदी घातली आहे. काही दिवसांपूर्वी न्यायालयानेही नाईकच्या संस्थेवर बंदीचा निर्णय कायम ठेवला होता. भारताच्या सुरक्षेला धोका असल्यामुळे आयआरएफवर बंदी घालण्यात आल्याचे न्यायालयाने म्हटले होते.

सौदीचे राजे सलमान यांनी याप्रकरणी वैयक्तिक लक्ष घालून नाईकला नागरिकत्व दिल्याचे सूत्रांकडून समजते. इंटरपोलकडून अटकेपासून बचावासाठी नागरिकत्व दिल्याचे बोलले जाते. राष्ट्रीय तपास यंत्रणेने (एनआयए) नाईकविरोधात इंटरपोलने रेड कॉर्नर नोटीस जारी करावी यासाठी तयारी सुरू केल्यानंतर एका आठवड्यात या सर्व घडामोडी घडल्या आहेत. नाईकविरोधात एकदा रेड कॉर्नर नोटीस जारी झाल्यास त्याला फरारी समजून जगातील कोणतीही सुरक्षा यंत्रणा कुठूनही अटक करू शकते.

बांगलादेशची राजधानी ढाका येथे गतवर्षी काही दहशतवाद्यांनी हल्ला केला होता. त्यातील काही हल्लेखोरांनी आपल्याला झाकीर नाईकपासून प्रेरणा मिळाल्याचे म्हटले होते. त्यामुळे ५१ वर्षीय नाईक अटक होऊ नये म्हणून भारत सोडून गेला होता. ढाका हल्ल्यानंतर एनआयएने नाईक आणि त्याच्या इस्लामिक रिसर्च फाऊंडेशन संस्थेच्या काही पदाधिकाऱ्यांविरोधात गुन्हा दाखल केला होता. सूत्रांकडून मिळालेल्या माहितीनुसार एनआयए लवकरच इंटरपोल आणि सीबीआयला पत्र लिहून नाईकविरोधात रेडकॉर्नर नोटीस जारी करण्याची मागणी करणार होती.

First Published on May 20, 2017 8:28 am

Web Title: controversial islamic preacher dr zakir naik granted saudi citizenship
  1. P
    Prashant
    May 20, 2017 at 11:19 am
    सौदीच्या राजेसाहेबना विनंती आहे कि आमच्या कडे अजून बरीच उपद्रवी माणसे आहेत तुमच्या कडे पाठवायला. त्यांना पण नागरिकत्व देऊन टाका. फार उपकार होतील. आपल्या शेजारच्या सिरीया मधील मुस्लीम बांधवाना युरोपात पाठवा आणि या नमुन्यांना नागरिकत्व द्या! आता तरी जनतेला कळतेय का कि जागतिक अशांततेचा बोलविता धनी कोण आहे?
    Reply
    1. S
      Sandeep
      May 20, 2017 at 10:15 am
      Mag modi Pardesh daurryala jatat ki fakt picnic karun yetat Evdha changla mitr desh jar aplya virodhat Jaun as krutya karto mhanje modi ch parrashtr dhoran mhanje picnic spot ch samjayla hav
      Reply
      1. V
        Vijay Raybagkar
        May 20, 2017 at 9:13 am
        बातमीचा अर्थ नीट समजला नाही. एकीकडे त्यात असे म्हटले आहे की "नाईकविरोधात एकदा रेड कॉर्नर नोटीस जारी झाल्यास त्याला फरारी समजून जगातील कोणतीही सुरक्षा यंत्रणा कुठूनही अटक करू शकते".व दुसरीकडे "इंटरपोलपासून बचावासाठी नाईकने सौदीच्या नागरिकत्वाचा आग्रह धरला होता, असे बोलले जाते."या दोन्ही गोष्टी एकाच वेळी कशा खऱ्या असू शकतील?
        Reply