20 September 2017

News Flash

देशाला बुलेट ट्रेन फुकटात मिळतेय; मोदींनी समजावले ‘गणित’

जपानकडून भारताला ८८ हजार कोटींचे कर्ज मिळणार

लोकसत्ता ऑनलाइन | Updated: September 14, 2017 12:40 PM

पंतप्रधान नरेंद्र मोदी

मुंबई-अहमदाबाद बुलेट ट्रेनच्या प्रकल्पाचे भूमिपूजन पंतप्रधान नरेंद्र मोदी आणि जपानचे पंतप्रधान शिंजो आबे यांच्या हस्ते झाले. यामुळे मुंबई-गुजरातमधील अंतर अवघ्या तीन तासांवर येणार आहे. या प्रकल्पासाठी १ लाख १० हजार कोटींचा खर्च अपेक्षित असून पाच वर्षांमध्ये हा प्रकल्प पूर्ण करण्याचा सरकारचा प्रयत्न आहे. या भूमिपूजन कार्यक्रमात बोलताना बुलेट ट्रेन भारताला जवळपास मोफत मिळाली आहे, असे मोदींनी सांगितले. या प्रकल्पासाठी कर्जपुरवठा करणाऱ्या जपानचे पंतप्रधान आबेंचे मोदींनी आभारही मानले.

मुंबई-अहमदाबाद बुलेट ट्रेन भारताला जवळपास मोफत मिळत असल्याचे सांगत मोदींनी उपस्थितांना त्याचे ‘गणित’ही समजावून सांगितले. ‘एखादी व्यक्ती कोणतीही वस्तू खरेदी करते, तेव्हा ती पै न पैचा हिशेब मांडते. एखाद्याला दुचाकी खरेदी करायची असेल, तरीही तो १० बँकांमध्ये जाऊन व्याजाचे दर कुठे कमी आहेत, याची चौकशी करतो. अर्धा टक्का कमी दराने कर्ज मिळाल्यावरही त्याला आनंद होतो,’ असे मोदींनी म्हटले. मोफत कर्ज देणारा एखादा मित्र किंवा बँक मिळेल का, असा सवाल विचारत मोदींनी या प्रकल्पामागील ‘गणित’ समजावून सांगितले. ‘८८ हजार कोटींचे कर्ज आणि तेही मोफत. असे कर्ज कोणता मित्र देईल? मात्र भारताला शिंजो आबे यांच्यासारखा मित्र मिळाला आहे. जपानने भारताला केवळ ०.०१ टक्के दराने कर्ज दिले आहे. त्यामुळे हा प्रकल्प एक प्रकारे मोफतच मिळणार आहे,’ असे मोदी म्हणाले.

यावेळी मोदींनी बुलेट ट्रेनची आवश्यकता आणि वाहतुकीचे देशाच्या विकासातील योगदान यावरही भाष्य केले. कोणत्याही देशाच्या विकासात तेथील वाहतुकीच्या साधनांचा मोठा वाटा असतो. वाहतूक व्यवस्थेचे देशाच्या विकासात मोठे योगदान असते. अमेरिकेतील विविध भागांमध्ये रेल्वेमार्ग पोहोचल्यावर समृद्धी आली. हा इतिहास आहे आणि हाय स्पीड रेल्वेमुळे युरोपपासून चीनपर्यंत आर्थिक आणि सामाजिक परिवर्तन झाले, हे वर्तमान आहे,’ असे मोदी म्हणाले.

First Published on September 14, 2017 12:40 pm

Web Title: how bullet train will cost zero for india pm modi explains
  1. V
    vivek
    Sep 14, 2017 at 5:46 pm
    थोडे रोजगार उपलब्ध करून देण्याचे बघा आणि पेट्रोल च्या किमती कमी करा याचा फायदा अधिक होईल
    Reply
    1. विनोद
      Sep 14, 2017 at 5:35 pm
      ट्रेन फुकट मिळतेय म्हणजे प्रवास फुकटच करावा किंवा कसे यावर भक्तांनी प्रकाश टाकावा !
      Reply
      1. विनोद
        Sep 14, 2017 at 5:35 pm
        ट्रेन फुकट मिळतेय म्हणजे प्रवा ी फुकटच करावा किंवा कसे यावर भक्तांनी प्रकाश टाकावा !
        Reply
        1. विनोद
          Sep 14, 2017 at 4:45 pm
          किती मराठी माणसं गुजरातमध्ये जातात ? किती गुजराती माणसं मुंबईमध्ये येतात ? या दाेन प्रश्नांच्या उत्तरांमध्ये बुलेट ट्रेनचे सार दडले आहे. बुलेट ट्रेनमध्ये मराठी माण वडापाव विकायला सुद्धा प्रवेश मिळणार नाही. मुंबईमध्ये लाेकलच्या फर्स्ट क्लासच्या डब्यात मराठी माणूस चढताना आतले गुजराती त्याला दरडावून सांगतात, की हा डबा फर्स्ट क्लासचा आहे. तरिही मराठी माणसाने आत प्रवेश केला तर त्याच्याकडे तुच्छतेने कटाक्ष टाकतात. मराठी भक्तांनाही याचा अनुभव आला असेलच !
          Reply
          1. R
            Raj
            Sep 14, 2017 at 3:04 pm
            फुकटात मिळतिये म्हणजे लोन चं रिपेमेंट करणार नाही का भारत सरकार ?
            Reply
            1. G
              Gopal
              Sep 14, 2017 at 2:19 pm
              88 koti parat kayache ahet ki nahi. Japan karj maafi denar ahe ka? Ki india kuthe palun janar ahe. Kay pan bolta rao
              Reply
              1. P
                Prakash
                Sep 14, 2017 at 1:55 pm
                या प्रकल्पासाठी १ लाख १० हजार कोटींचा खर्च अपेक्षित असून पाच वर्षांमध्ये हा प्रकल्प पूर्ण करण्याचा सरकारचा प्रयत्न आहे. फुकट कर्ज नाही मोदी साहेब, परत फेड करायची आहे. नदी जोडः प्रकल्प किंवा एखादा गरजेचं काम मार्गी लावा. नुसती हवा नका करू, खरंच या प्रकल्पाची गरज आहे का हे सुद्धा बघा, आता आपण मुख्यमंत्री नसून पंतप्रधाम आहात हे विसरू नका.
                Reply
                1. N
                  nishant
                  Sep 14, 2017 at 1:48 pm
                  शेतकऱ्यांनाही ०.१ टक्के दराने कर्ज का नाही मिळवून दिले जपान कडून? शेतकऱ्यांनी बुलेट ट्रेन च्या मार्गावर आत्महत्या करायची का? जरा देश पातळीवरचा विचार करा....गुजरातचा काही भाग डेव्हलोप करून काय दिवे लागणार आहे?
                  Reply
                  1. प्रवीण
                    Sep 14, 2017 at 1:40 pm
                    म्हणजे आबे आणि जपान हि ट्रेन त्यांच्या मित्राला ( मोदी) यांना लहान मुलांना खेळणे देतो तशी फुकट देत आहे कि काय? मग महाराष्ट्र २० हजार कोटी या प्रोजेक्ट साठी कोणाला देतो आहे ? काहीही फेकत राहायचे. समोर बालबुद्धी भक्त असतात , टाळ्या वाजवतात.
                    Reply
                    1. तोफिक
                      Sep 14, 2017 at 1:18 pm
                      साहेब आम्हालापण मोफत कर्ज द्यायला सांगा कि त्यास्नी, आमच्याकडे पासपोर्ट नाही, आम्ही कर्ज नक्की फेडू.
                      Reply
                      1. V
                        Vijay
                        Sep 14, 2017 at 12:50 pm
                        २१.५० रुपयांचे पेट्रोल आणि डिझेल ८० रुपयांना कशे मिळत आहे त्याचे पण गणित समजावून सांगा जरा देशवासियांना. जपान कडून भिख मागून बुलेट ट्रेन आणली समजलो आम्ही
                        Reply
                        1. Load More Comments