24 May 2017

News Flash

मी भुरटी चोर नाही, मी पोलीस जीपमधून तुरुंगात जाणार नाही: शशिकला

सर्वोच्च न्यायालयाने शशिकला यांना ४ वर्षांची शिक्षा सुनावली आहे

लोकसत्ता ऑनलाइन | Updated: March 21, 2017 5:18 PM

अण्णाद्रमुकच्या महासचिव शशिकला

बेहिशेबी मालमत्तेप्रकरणी सर्वोच्च न्यायालयाने दोषी ठरवलेल्या शशिकला यांना अद्याप सर्वोच्च न्यायालयाचा निकाल पचवता आलेला नाही. सर्वोच्च न्यायालयाने शशिकला यांना ४ वर्षांची शिक्षा सुनावली आहे. यानंतर बुधवारी शशिकला यांची रवानगी पारप्पना अग्रहारा तुरुंगात करण्यात आली. यावेळी पोलीस जीपमधून शशिकला यांना तुरुंगात नेत होते. मात्र शशिकला यांनी जीपमध्ये बसण्यास नकार दिला. ‘मी कोणी छोटी-मोठी चोर नाही. त्यामुळे मी पोलिसांच्या जीपमध्ये का बसू?,’ असा सवाल शशिकला यांनी पोलिसांना विचारला. टाईम्स ऑफ इंडियाने याबद्दलचे वृत्त दिले आहे.

मागील वेळी प्रमाणे यंदा पोलिसांकडून विशेष वागणूक मिळेल, अशी शशिकला यांची अपेक्षा होती. शशिकला यांना मागील वेळी जयललिता यांच्यासोबत अटक करण्यात आली होती. त्यावेळी जयललिता तामिळनाडूच्या मुख्यमंत्री होत्या. त्यावेळी जयललिता आजारी असल्याने त्यांना अ श्रेणीतील सुविधा मिळाल्या होत्या. जयललिता यांच्यासोबत असलेल्या शशिकला यांनादेखील अ श्रेणीतील सुविधांचा लाभ मिळाला होता.

शशिकला यांना विशेष वागणूक देण्याची मागणी न्यायालयाने धुडकावून लावली आहे. शशिकला यांचा तुरुंगातील पहिला दिवस शांततेत गेला.
त्या संपूर्ण रात्र झोपू शकल्या नाहीत, असे टाईम्स ऑफ इंडियाने वृत्तात म्हटले आहे. शशिकला यांची प्रकृती ठिक नसल्याने त्यांना एक पलंग उपलब्ध करुन देण्यात आला आहे. यासोबतच शशिकला यांना एक पांढरी साडी देण्यात आली आहे. मात्र या साडीसोबत मॅचिंग ब्लाऊज नसल्याने शशिकला यांनी साडी नेसली नाही. गुरुवारी रात्री शशिकला काही तास झोपल्या होत्या.

बेहिशेबी संपत्ती प्रकरणी सर्वोच्च न्यायालयाने अण्णाद्रमुकच्या महासचिव शशिकला यांना दोषी ठरवले. शशिकला यांनी बुधवारी परापन्ना तुरुंगात आत्मसमर्पण केले. यानंतर त्यांची रवानगी तुरुंगात करण्यात आली. शशिकला सेल नंबर १०७११ मध्ये केंदी नंबर ९४३४ म्हणून शिक्षा भोगत आहेत. शशिकला यांनी तुरुंगात मेणबत्ती बनवण्याचे काम केले आहे. या कामाबद्दल शशिकला यांना ५० रुपये मिळाले आहेत.

First Published on February 17, 2017 5:49 pm

Web Title: i will not seat in police jeep says vk sasikala to police cops
  1. V
    vijay
    Feb 17, 2017 at 2:47 pm
    खरे आहे, सर्व मोठ्या चोरांसाठी किमान बी एम डब्ल्यू किंवा ऑडी सरकारने वापरली पाहिजे!शेवटी राजकारणातील चोरांनाही काही इज्जत असते की नाही?
    Reply
    1. R
      Ramesh Sarang
      Feb 17, 2017 at 4:19 pm
      भुरटी चोर नाही. हजारो कोटींची चोर आहे. ह्यांना पोलीस जीप मधून न्हवे तर जीपला बांधून फरफटत नेले पाहिजे.
      Reply
      1. S
        Sai Greens
        Feb 17, 2017 at 12:36 pm
        चोर हा शेवटी चोर असतो तो कितीहो छोटा किँवा मोठा असो
        Reply