20 September 2017

News Flash

लोअर बर्थवरच्या प्रवाशांना यापुढे १ तास कमी झोपायला मिळणार, रेल्वेचा नवा नियम

शयनयान किंवा तृतीय एसीमधून प्रवास करणाऱ्या प्रवाशांना याचा फटका

नवी दिल्ली | Updated: September 14, 2017 12:05 PM

( संग्रहीत प्रतिकात्मक छायाचित्र )

रेल्वेत लोअर बर्थवरून प्रवास करणाऱ्या प्रवाशांसाठी थोडी धक्कादायक बातमी आहे. रेल्वेने लागू केलेल्या नव्या नियमांमुळे लोअर बर्थवरून प्रवास करणाऱ्या प्रवाशांच्या झोपेच्या वेळेवर परिणाम होणार आहे. शयनयान किंवा तृतीय एसीमधून प्रवास करणाऱ्या प्रवाशांना याचा फटका बसणार आहे. या श्रेणीतून प्रवास करणाऱ्या प्रवाशांना रात्री १० ते सकाळी सहा या वेळेतच त्यांच्या जागेचा वापर झोपण्यासाठी करता येणार आहे. रेल्वेने नव्याने लागू केलेल्या नियमावलीमध्ये हा बदल करण्यात आला आहे.

रेल्वेतील लोअर बर्थ हे सकाळी सहा ते रात्री दहा या कालावधीमध्ये केवळ बसण्यासाठी वापरावेत, असे नव्या नियमांमध्ये म्हटले आहे. या पूर्वी लोअर बर्थची जागा सकाळी सहा ते रात्री नऊ वाजेपर्यंत बसण्यासाठी राखीव ठेवण्यात आली होती. पण आता रात्री नऊऐवजी दहा वाजेपर्यंत लोअर बर्थची जागा बसण्यासाठी राखीव ठेवण्यात आली आहे. यामुळे लोअर बर्थवरून प्रवास करणाऱ्या प्रवाशांना अप्पर बर्थपेक्षा एक तास कमी झोपता येणार आहे. नियमांमध्ये हा बदल करतानाच रेल्वेने प्रवाशांना एक आवाहनही केले आहे. जर रेल्वेतून गर्भवती, वयोवृद्ध व्यक्ती, दिव्यांग किंवा आजारी व्यक्ती प्रवास करीत असेल तर सहप्रवाशांनी त्यांना जास्त वेळ झोपू द्यावे. त्यांना या नियमांच्या चौकटीत अडकवू नये, असेही रेल्वेने म्हटले आहे.

दरम्यान, दिव्यांग प्रवाशांना रेल्वेत प्राधान्याने लोअर बर्थ देण्यासाठी नव्या सॉफ्टवेअरची निर्मिती करण्यात येते आहे. त्यामुळे तृतीय एसीमधून प्रवास करणाऱ्या दिव्यांग प्रवाशांनाही लवकरच लोअर बर्थ प्राधान्याने उपलब्ध करून दिले जाईल, असे एका वरिष्ठ अधिकाऱ्याने सांगितले.

First Published on September 14, 2017 11:50 am

Web Title: indian railways new rule related to lower births seating arrangements
  1. उमेश
    Sep 15, 2017 at 10:13 am
    मग सकाळी ६ ते रात्री १० वाजेपर्यंत प्रवास करणाऱ्या लोअर बर्थ प्रवाश्याकडून रेल्वेने सिटींग चेअरचा चार्ज आकारावा !
    Reply
    1. R
      Raj
      Sep 14, 2017 at 4:25 pm
      prabhu gele ani goyal aale ! lower birth vaalyaanche vaandhe zaale !!
      Reply
      1. S
        sangita
        Sep 14, 2017 at 2:54 pm
        १)प्राधान्याने lower birth हे वयोवृद्ध आणि स्त्रीयांसाठी राखीव ठेवलेले आहेत. याचा दुसरा अर्थ असा वृद्धांनी व स्रियांनी एक तास झोप कमी घ्यावी. २)खरे तर ी जेव्हा मधल्या स्टेशनवर थांबते तेव्हा प्रवासी चढतात व उतरतात तेव्हा त्यांच्या झोपेत अडथळे येतच असतात. त्यात आता हि नवी भर. हे सरकार स्रिया व वृद्धांच्या विरुद्ध आहे का असे आता वाटायला लागेल आहे.
        Reply
        1. R
          Ramdas Bhamare
          Sep 14, 2017 at 1:13 pm
          अशा अफलातून भन्नाट आयडिया सुचायला खांद्याच्या वर असलेल्या डोक्यात गच्च शेण भरलेले असायला लागते . गेल्या साठ वर्षात ते (शेण ) नव्हते . आता आहे . समजले ना ?
          Reply