मध्य प्रदेशातील नीमच येथे ट्रॅक्टर ट्रॉली उलटून झालेल्या भीषण अपघातात ११ भाविकांचा जागीच मृत्यू झाला आहे. तर १४ जण जखमी आहेत. मंदसौर जिल्ह्यातून हे भाविक राजस्थानमध्ये देवदर्शनासाठी निघाले होते.

नीमच परिसरात भरधाव ट्रॅक्टरचा चाक पंक्चर झाल्याने तो उलटला. या दुर्घटनेत ११ भाविकांचा जागीच मृत्यू झाला. अपघातानंतर स्थानिकांनी जखमींना जवळच्या रुग्णालयात दाखल केले. त्यांच्यावर उपचार सुरू आहेत. मृतांमध्ये महिला आणि लहान मुलांचाही समावेश आहे.

मृतांची नावे:

– मोहनलाल गोवर्धन जाट (वय ३०, रा. खंडेरिया काचर)

– नीलेश घनश्याम बलाई (वय ५)

– दीपक मदनलाल बलाई

– वर्षा श्यामू बलाई (वय ३)

– लोकेश जगदीश लुहार

– मथरी शिवनारायण लुहार (वय ४०)

– भागू रोडिमल बलाई

– भगुडी बलाई

– भंवरी उदयलाल बलाई

– कारी श्यामू बलाई

– मांगू बाई