छत्तीसगडमधील राजनांदगाव जिल्ह्यामध्ये पोलिस आणि नक्षवाद्यांमध्ये झालेल्या चकमकीत एक नक्षली कमांडर ठार झाल्याची माहिती पोलिसांनी दिली आहे. नक्षलवाद्यांच्या या म्होरक्यावर २.१० लाख रुपयांचे बक्षिस घोषित करण्यात आले होते. इंडो-तिबेटन बॉर्डर फोर्स व राज्य पोलिस यांच्या संयुक्त कारवाईत हा नक्षली म्होरक्या ठार झाल्याचे राजनांदगावचे पोलिस अधिक्षक संजीव शुक्ला यांनी सांगितले. तसेच यावेळी इतर नक्षलवादी जखमी झाल्याचेही त्यांनी सांगितले आहे. पोलिसांनी केलेल्या या कारवाईत ठार झालेल्या नक्षली म्होरक्याचे नाव उमधसिंग असून तो तेथील स्थानिक नक्षली कमांडर असल्याचेही पोलिसांनी सांगितले. (संग्रहित छायाचित्र)
