23 July 2017

News Flash

मुलायमसिंह आणि मोदींमधील ‘ती’ कुजबूज अखेर उघड

मुलायमसिंह यांच्या बोलण्यातून एका पित्याची मुलाविषयीची तळमळ दिसून आली

कोल्हापूर | Updated: March 21, 2017 11:07 AM

योगी आदित्यनाथ यांच्या शपथविधी सोहळ्यात मुलायमसिंह यादव पंतप्रधान नरेंद्र मोदी यांच्या कानात काय पुटपुटले हे अखेर समोर आले.

योगी आदित्यनाथ यांच्या शपथविधी सोहळ्यात मुलायमसिंह यादव पंतप्रधान नरेंद्र मोदी यांच्या कानात काय पुटपुटले हे अखेर समोर आले. ‘अखिलेशला सांभाळून घ्या, त्यालाही थोडं शिकवा’ असे मुलायमसिंह यांनी मोदींना सांगितले. मोदींनीही मनाचा मोठेपणा दाखवत मुलायमसिंह यांना मान हलवत होकार दिला.

उत्तरप्रदेशमध्ये बहुमताने सत्तेत येणाऱ्या भाजपने योगी आदित्याथ यांना मुख्यमंत्रीपदावर संधी दिली आहे. रविवारी लखनौमध्ये आदित्यनाथ यांचा थाटामाटात शपथविधी सोहळा पार पडला. या सोहळ्यात पंतप्रधान नरेंद्र मोदी, अमित शहा आदी भाजपचे नेते उपस्थित होते. पण या सोहळ्यात मुलायमसिंह यादव आणि त्यांचे पुत्र अखिलेश यादव यांची उपस्थिती सर्वांचेच लक्ष वेधून घेणारी ठरली. मुलायमसिंह आणि अखिलेश यांनी मंचावर जाऊन मोदी आणि अन्य नेत्यांचे अभिनंदन केले. या दरम्यान मुलायमसिंह हे मोदींच्या कानात पुटपुटताना दिसले होते. या दोघांमध्ये नेमकी काय चर्चा झाली याची सर्वत्र उत्सुकता होती. या दोन्ही नेत्यांमध्ये नेमका काय संवाद झाला हे भाजपच्याच एका नेत्याने उघड केले आहे.

मुलायमसिंह आणि मोदींच्या भेटीदरम्यान संबंधीत नेता मंचावरच उपस्थित होता. मुलायमसिंह यांच्या बोलण्यातून एका पित्याची मुलाविषयीची तळमळ दिसून आली. मुलायमसिंह मोदींच्या जवळ जाऊन म्हणाले, अखिलेशला सांभाळून घ्या. यानंतर अखिलेश जेव्हा मोदींशी हस्तांदोलन करत होते त्यावेळी मुलायमसिंह म्हणाले, त्याला थोडं शिकवा. मोदींनीही मुलायमसिंह यांना होकार दिला.

उत्तरप्रदेशमध्ये सत्तेवर असणाऱ्या समाजवादी पक्षाची यंदाच्या निवडणुकीत दयनीय अवस्था झाली. काँग्रेससोबत आघाडी केल्याचा समाजवादी पक्षाला फटका बसला अशी चर्चा सुरु झाली आहे. समाजवादी पक्षात मुलायमसिंह आणि अखिलेश या पितापुत्रांमध्ये संघर्ष झाला होता. शेवटी मुलायमसिंह यांनी प्रचारापासून लांब राहणे पसंत केले होते. काँग्रेससोबत आघाडी करण्यास मुलायमसिंहाचा विरोध होता. पण अखिलेश यादव यांनी विरोधानंतरही आघाडी केली होती. दारुण पराभव झाल्यानंतरही मुलायमसिंह आणि अखिलेश यांनी शपथविधी सोहळ्याला उपस्थित राहून खेलाडूवृत्तीचे दर्शन घडवले आहे.

First Published on March 21, 2017 11:07 am

Web Title: please take care of akhilesh mulayam singh told modi during swearing in of yogi adityanath
  1. P
    pradeep
    Mar 21, 2017 at 6:44 am
    बाळासाहेब पण जनतेला भाव पूर्ण शब्दात म्हणाले होते उद्धवाला तुमच्या हवाली करतोय त्याला पण तुम्ही आधार द्या. शेवटी पिता तो पिता आणि काका तो काका ( राज ला विचारा!) !! अखिलेश आणि मुलायमसिंग यांच्या खिलाडू वृत्तीला नक्कीच दाद द्यायला हवी !!!.
    Reply
  2. S
    shriniwas
    Mar 21, 2017 at 8:30 am
    सर्व कृष्ण कृत्ये काबुल करून अखिलेशने भाजप मध्ये दाखल व्हावे म्हणजे त्याचे भविष्य सुधारेल अन्यथा त्याची दुर्गती नक्की आहे.
    Reply
  3. S
    sanket kapre
    Mar 21, 2017 at 8:59 am
    शेवटी खिलाडूवृत्ती महत्त्वाची .
    Reply
  4. S
    Sudhir Karangutkar
    Mar 21, 2017 at 6:09 am
    आता जरा सांभाळून घ्या मागील भ्रस्ट प्रकाराने काडून माझ्या मुलाला आणि ा त्या मायावतीसारखे त्रास देऊ नका
    Reply