23 September 2017

News Flash

Bullet Train: मुंबई-अहमदाबाद बुलेट ट्रेन प्रकल्पाचे पंतप्रधान मोदी-आबेंच्या हस्ते भूमिपूजन

१.८ लाख कोटींचा प्रकल्प

लोकसत्ता ऑनलाइन | Updated: September 14, 2017 2:42 PM

छायाचित्र सौजन्य- एएनआय

जपानचे पंतप्रधान शिंजो आबे यांच्या भारत दौऱ्याच्या दुसऱ्या दिवसाला सुरुवात झाली आहे. शिंजो आबे यांनी पंतप्रधान नरेंद्र मोदींसह ‘मुंबई-अहमदाबाद बुलेट ट्रेन’च्या प्रकल्पाचे भूमिपूजन केले आहे. अहमदाबादमधील साबरमती रेल्वे स्थानकाजवळ प्रकल्पाचे भूमिपूजन करण्यात आले आहे. हा प्रकल्प १.८ लाख कोटींचा असणार आहे. हा प्रकल्प ऑगस्ट २०२२ पर्यंत पूर्ण होणे अपेक्षित आहे. या कार्यक्रमाला मुख्यमंत्री देवेंद्र फडणवीस आणि गुजरातचे मुख्यमंत्री विजय रुपानी उपस्थित होते.

बुलेट ट्रेनच्या प्रकल्पासाठी जपानकडून करण्यात आलेल्या सहकार्याबद्दल मोदींनी जपानचे पंतप्रधान शिंजो आबे यांचे आभार मानले. बुलेट ट्रेनमुळे विकासाचा वेग वाढेल, असे मोदींनी म्हटले. ‘बुलेट ट्रेनच्या प्रकल्पाच्या भूमिपूजनाचे संपूर्ण श्रेय शिंजो आबे यांना जाते. भारतीयांसाठी आजचा दिवस ऐतिहासिक असून अनेक वर्षांपासूनचे स्वप्न पूर्ण करण्याच्या दिशेने एक पाऊल टाकण्यात आले आहे,’ असे मोदी म्हणाले.

जपान आणि भारताचे संबंध अतिशय दृढ असल्याचे म्हणत मोदींनी बुलेट ट्रेनची गरजदेखील अधोरेखित केली. ‘बुलेट ट्रेन सोयीची असून ती सुरक्षितही आहे. कोणत्याही देशाच्या विकासात तेथील वाहतुकीच्या साधनांचा मोठा वाटा असतो. वाहतूक व्यवस्थेचे देशाच्या विकासात मोठे योगदान असते. अमेरिकेतील विविध भागांमध्ये रेल्वेमार्ग पोहोचल्यावर समृद्धी आली, हा इतिहास आहे आणि हाय स्पीड रेल्वेमुळे युरोपपासून चीनपर्यंत आर्थिक आणि सामाजिक परिवर्तन झाले, हे वर्तमान आहे,’ असे मोदींनी म्हटले.

या कार्यक्रमावेळी बोलताना शिंजो आबे यांनी आजचा दिवस ऐतिहासिक असल्याचे प्रतिपादन केले. ‘१० वर्षांपूर्वी मला भारताच्या संसदेला संबोधित करण्याची संधी मिळाली होती. जपान आणि भारताचे संबंध म्हणजे हिंदी महासागर आणि पॅसिफिक महासागराचा संगम आहेत. माझे मित्र पंतप्रधान मोदी हे दूरदृष्टी असलेले नेते असून बुलेट ट्रेनचे स्वप्न करण्याची प्रतिज्ञा त्यांनी केली आहे. त्यांचे हे स्वप्न पूर्ण करण्यासाठी जपान आणि भारताचे अभियंते दिवस-रात्र मेहनत करतील. या अभियंत्यांनी निश्चय केल्यास कोणतीही गोष्ट अशक्य नाही,’ असे आबे यांनी म्हटले.

हाय स्पीड ट्रेनमुळे जपानच्या अर्थव्यवस्थेची भरभराट झाल्याचेही आबे यांनी म्हटले. ‘१९६४ मध्ये जपामध्ये हाय स्पीड रेल्वे सेवा सुरु झाली. यामुळे जपानची अर्थव्यवस्था आणि लोकांची भरभराट झाली. लोकांच्या जीवनात अनेक महत्त्वपूर्ण बदल झाले. दोन शहरांमधील प्रवासाचे अंतर कमी झाले. जपानमधील बुलेट ट्रेन सेवा अतिशय सुरक्षित आहे. ही सेवा सुरु झाल्यापासून अद्यापपर्यंत एकही अपघात झालेला नाही,’ असेही त्यांनी म्हटले. शक्तीशाली भारत जपानच्या पाठिशी असून शक्तीशाली जपानदेखील भारताच्या पाठिशी आहे असे म्हणत पुढील वेळी मोदींसोबत बुलेट ट्रेनमधून येईन, असेही आबे म्हणाले.

First Published on September 14, 2017 10:20 am

Web Title: pm narendra modi shinzo abe in gujarat live updates bullet train mumbai ahmedabad bullet train
  1. T
    Test Test
    Sep 14, 2017 at 5:31 pm
    चालू रेल्वे नीट चालवता येत नाहीत, अजून खेड्यापाड्यात पक्के रस्ते नाहीत आणि हे निघाले बुलेट ट्रेन कडे... सगळा मूर्खांचा बाजार.
    Reply
    1. B
      baburao
      Sep 14, 2017 at 4:37 pm
      पितृ पक्षात आम्ही साधा कपडा सुद्धा खरेदी करीत नाहीत. इथे तर बुलेट ट्रेन चा शुभारंभच उरकून घेतला. .... धावेल ना खरचं बुलेट ट्रेन ?
      Reply
      1. R
        Raj
        Sep 14, 2017 at 4:21 pm
        HI BULLET TRAIN NASOON ELECTION TRAIN AAHE !
        Reply
        1. R
          Ramdas Bhamare
          Sep 14, 2017 at 3:02 pm
          सत्यमेव जयते : सीधी बात नो ! भारताची जपानला निर्यात : कॉंग्रेस 2013-14 : $ 6.81 बिलियन. भाजप 2016-17 : $ 3.85 बिलियन. जपानची भारतात एफडीआय : कॉंग्रेस 2008 : $ 5551 मिलियन. भाजप 2016 : $ 2614 मिलियन. भारत - जपान एकूण व्यापार : कॉंग्रेस 2013-14 : $ 16.39 बिलियन. भाजप 2016-17 : $ 13.48 बिलियन.
          Reply
          1. R
            Ramdas Bhamare
            Sep 14, 2017 at 1:25 pm
            दोन पुड्याबहाद्दर एकमेकांना भेटले आणि फेकण्याची स्पर्धा सुरु झाली !
            Reply
            1. A
              arun
              Sep 14, 2017 at 1:07 pm
              बुलेट ट्रेन हे दिखाऊ निमित्त झालं, पण उत्तर कोरियाबद्दलची बोलणी हा गुप्त की सुप्त हेतू असेल तर जनतेला तो कळणार की नाही ?
              Reply
              1. B
                Baban Ashok
                Sep 14, 2017 at 12:20 pm
                बीड जिल्हा कधी पासुन खराब रेल्वे ची मागणी करत आहे. रेल्वे मंत्री महाराष्ट्र तले पण त्याला गुजरात भले करायचे आहे. बीड जिल्ह्यातील सर्व आमदार, खासदार आणि मंत्री मुके , मुर्ख आहेतच शिवाय फक्त ताटाखालचे मांजर आहेत. गुजराती लोक मुंबईत वाढणार मग मागास बीड जिल्ह्यातील लोकांनी रोजगार निर्मिती साठी कुठे जायचे?... बीड जिल्हा बिहार झाला आहे. म्हणून असलेल्या सर्व मुर्खानी रेल्वेची लवकर पूर्णता करावी नाहीतर पुन्हा निवडणूकीत थोबाड घेऊन येऊ नये.
                Reply
                1. Y
                  yug
                  Sep 14, 2017 at 11:44 am
                  गुजरातमध्ये विकास करायचा आहे कि देशाचा विकास करायचं आहे .ते असू दे पण इकडे मराठवाडा पासून पुण्यापर्यंत बुलेट ट्रेन निघाली तर बरे होईल निदान शेतकरी येऊन जाऊन त्यांचा शेतमाल विकतील .मोदीजींनी मारवाडी ,गुजराती व्यापारी यांचाच भले करावेशे वाटते बाकी गेले उडत असाच आहे .
                  Reply
                  1. Load More Comments