जम्मू-काश्मीरमध्ये पुलवामा जिल्ह्य़ात श्रीनगर-जम्मू राष्ट्रीय महामार्गावर अतिरेक्यांनी सुरक्षा दलांवर केलेल्या हल्ल्यात सहा जण जखमी झाले असून केंद्रीय राखीव पोलीस दलाच्या तीन जवानांचा त्यात समावेश आहे. काही अतिरेक्यांनी केंद्रीय राखीव पोलीस दलाच्या जवानांवर हातबॉम्ब फेकले. श्रीनगर-जम्मू राष्ट्रीय महामार्गावर पाम्पोरे येथे द्रांगबल या ठिकाणी ही घटना घडली.
