इसिस या दहशतवादी गटाच्या तीन संशयित अतिरेक्यांना अटक केल्याचा दावा पाकिस्तानी कायदा अंमलबजावणी संस्थांनी केला आहे. पोलिसांनी सांगितले की, असमतुल्ला व अबजुर रेहमान या दोघांना अटक करण्यात आली असून ते अफगाणिस्तानातील आहेत तर तिसरा महमंद इब्राहिम पंजाब प्रांतातील आहे. गुप्तचर संस्थांनी संशयित अतिरेक्यांचे दूरध्वनी संदेश पकडले होते, त्यांच्यावर छापे टाकून अटक करण्यात आली. त्यांचे लॅपटॉप जप्त करण्यात आली असून त्यांचे दानेश (इसिस) नेत्यांशी संबंध असल्याचे स्पष्ट झाले आहे. त्यांच्याकडे पाकिस्तानमधील पंजाबचे नकाशे सापडले आहेत.
