भविष्यातील संभाव्य हवाई हल्ल्यांना चोख प्रत्युत्तर देण्यासाठी चीन चाचपणी करीत असून यासाठी त्यांनी राजधानी बीजिंगमध्ये हवाई हल्ल्यांच्या वेळी करण्यात येणाऱ्या कारवाईचे प्रात्यक्षिक घेण्याचे ठरविले आहे. हे प्रात्यक्षिक १९ सप्टेंबर रोजी घेण्यात येणार असून अतिदक्षतेसाठी वाजविण्यात येणारा भोंगा उपनगरातील तोंगझू, फांगशान, डॅक्सिंग या जिल्ह्य़ांमध्येही एकू येणार आहे, अशी माहिती बीजिंग लष्कराकडून देण्यात आली. या उपक्रमाची माहिती नागरिकांना देण्यात आली आहे. या प्रात्यक्षिकांमध्ये निवारा, संरक्षण, स्थलांतर यांचा समावेश आहे. गेल्या वर्षी मेंटागू, फांगशान आणि यांकिंग या जिल्ह्य़ांमध्ये अशी कारवाई करण्यात आली होती.
