छत्तीसगडच्या नक्षलग्रस्त दंतेवाडा जिल्ह्य़ात मंगळवारी एका २२ वर्षीय नक्षलवाद्याने शरणागती पत्करली. त्याला पकडण्यासाठी एक लाख रुपयांचे इनाम जारी करण्यात आले होते, असे पोलिसांनी सांगितले. सदर नक्षलवाद्याचे नाव हरीश मांडावी असे असून तो मलनगीर एलजीएस गटाचा आहे. केंद्रीय राखीव पोलीस दल आणि पोलिसांसमोर त्याने शरणागती पत्करली, असे दंतेवाडाचे पोलीस अधीक्षक कामलोचन कश्यप यांनी सांगितले.