पेशावर विमानतळ व आसपासच्या भागात शनिवारी रात्री दहशतवाद्यांनी जोरदार रॉकेटहल्ला केला. त्यात प्राथमिक माहितीनुसार, किमान पाच जण ठार, तर २५ जण जखमी झाले आहेत. हा हल्ला कोणत्या दहशतवादी संघटनेने केला ते अद्याप स्पष्ट झाले नाही. पाकिस्तानातील चित्रवाणी वाहिन्यांनी दिलेल्या वृत्तानुसार, दहशतवाद्यांनी विमानतळाच्या दिशेने अनेक रॉकेट डागली. या हल्ल्यानंतर पेशावर विमानतळाकडे जाणारे सर्व रस्ते विमानतळ सुरक्षा बलाने रोखले आहेत.