राष्ट्रीय जनता दलाचे(राजद) अध्यक्ष लालूप्रसाद यादव हे पंतप्रधान नरेंद्र मोदींवर शरसंधान करण्याची कोणतीही संधी सोडत नाहीत. लालूप्रसाद यांनी यावेळी लोकप्रिय संवाद डब करता येण्याची सुविधा देणाऱया ‘डबस्मॅश अॅप’च्या माध्यमातून मोदींवर शरसंधान केले आहे. मोदींच्या वक्तव्यांची नक्कल करीत लालूप्रसाद यांनी पंतप्रधानांची खिल्ली उडवली आहे. ‘अच्छे दिन आले वाले है’ या मोदी सरकारच्या बहुचर्चित घोषवाक्याचे तसेच मोदींच्या भाषणशैलीची नक्कल लालूंनी या डबस्मॅश व्हिडिओत केली आहे.

लोकसभा निवडणुकीत मोदींनी सोशल मीडियावर भर देऊन त्याचा आपल्या प्रचारात भरपूर वापर केला होता. त्यामुळे आता बिहार निवडणुकीच्या पार्श्वभूमीवर लालूप्रसाद यादव देखील सोशल मीडियावर चांगले सक्रिय होऊ पाहत असून मोदींवर टीका करण्याची ते एकही संधी सोडत नसल्याचे दिसून येत आहे.