पाडव्याच्या पूर्वसंध्येला विक्रेत्यांचे ‘कल्याण’

हिंदू नववर्षांच्या स्वागतानिमित्त साजऱ्या केल्या जाणाऱ्या गुढीपाडव्याला घरोघरी तोरणे लावण्यासाठी सोमवारी कल्याणच्या फुलबाजारात ग्राहकांची अक्षरश: झुंबड उडाली होती. साऱ्यांनीच या बाजाराकडे धाव घेतल्याने सोमवारी पहाटे लागलेल्या या बाजारात अवघ्या काही तासांतच तब्बल आठ टन फुलांची विक्री झाली. या फुलबाजारात पाडव्याच्या पूर्वसंध्येला तब्बल सव्वा कोटींची उलाढाल झाल्याने येथील फुलविक्रेत्यांनी पाडव्याच्या आधी ‘दिवाळी’ साजरी केली.

parenting tips
मुलांच्या उन्हाळ्याच्या सुट्टीचा ‘असा’ करा सदुपयोग
Clean Intestine In 20 Minutes In Morning With These Simple Five Asanas How Much Luke Warm Water To Drink First After Waking Up
Video: सकाळी उठताच १५ मिनिटांत पोट स्वच्छ होण्यासाठी करा ‘या’ पाच कृती; कोमट पाणी पिण्याचं प्रमाणही पाहा
Home alone safety tips
मुलांना घरी एकटे ठेवण्याशिवाय पर्याय नाही? नोकरी करणाऱ्या पालकांनी मुलांना शिकव्यात ४ महत्त्वाच्या गोष्टी
jewellery police pune
पुणे : रिक्षा प्रवासी महिलेचे सात तोळ्यांचे दागिने गहाळ; पाेलिसांच्या प्रयत्नांमुळे दागिन्यांचा शोध

गुढीपाडव्यानिमित्त फुलांना खूप मागणी असते. फुलांचे भावही काहीसे चढे असतात. गुढीपाडव्याचा आदला दिवस असल्याने सोमवारी फुलबाजारात गर्दी असणार हे अपेक्षित होते. मात्र यंदा ग्राहकांचा अपेक्षेपेक्षा जास्त प्रतिसाद होता. कल्याणच्या कृषी उत्पन्न बाजार समितीत सध्या झेंडू, गुलाब, शेवंती, मोगरा, आस्टर, जरबेरा, लिली, गुलछडी मोठय़ा प्रमाणात उपलब्ध आहेत. आंब्याची, कडुनिंबाची पानेही बाजारात मोठय़ा प्रमाणात उपलब्ध आहेत. फुलबाजाराला जत्रेचे स्वरूप आले होती.

फुले                        विक्रीचा दर

झेंडू पिवळा              ८० रु. किलो

झेंडू लाल                 ७० रु. किलो

शेवंती                     १२० रु. किलो

लिली                     २०० रु.जुडी

आस्टर  २५ जुडी    १०० रु.

गुलाब (साधा)      ५० रु.किलो

जरबेरा                 २० रु. जुडी

कोलकाता झेंडू      ७० रु.किलो

मोगरा                  २०० रु.किलो

लाल गुलाब          ३० ते ६० रु.जुडी

चिनी गुलाब        ५० ते ६० रु.जुडी

कल्याण बाजार समितीचा फूलबाजार मध्यवर्ती ठिकाणी असल्याने येथे ग्राहकांची भरपूर गर्दी असते. गुढीपाडव्याच्या निमित्ताने फुलांची मोठय़ा प्रामाणात मागणी वाढली आहे. यंदा जास्त तापमानामुळे फुलांच्या उत्पादनावर काहीसा परिणाम झाला आहे. त्याच वेळी यंदा मागणी वाढल्याने फुलांच्या किमतीत वाढ झाल्याचे दिसून आले.

– यशवंत पाटील, साहाय्यक सचिव, कल्याण कृषी उत्पन्न बाजार समिती