स्वस्त दरात लसनिर्मिती करून जगभरातील सार्वजनिक आरोग्य क्षेत्रात मोलाचे योगदान दिल्याबद्दल सीरम संस्थेचे संस्थापक डॉ. सायरस पूनावाला यांना बुधवारी आरोग्य विज्ञान विद्यापीठातर्फे डी.लिट्. ही मानद पदवी बहाल करण्यात आली. मुंबईतील सह्य़ाद्री अतिथीगृहात झालेल्या विशेष पदवीदान सोहळ्यात राज्यपाल सी. विद्यासागर राव यांच्या हस्ते मानद पदवी, मानपत्र व स्मृतिचिन्ह प्रदान करण्यात आली. डॉ. पूनावाला यांनी जगभरात स्वस्त दरात लस उपलब्ध करून देण्यात यश मिळवले आहे. मानवी आरोग्याच्या विविध क्षेत्रांमध्ये त्यांनी संशोधनाच्या माध्यमातून काम केले आहे. त्यांच्या या योगदानासाठी डी.लिट्. देण्यात येणार आहे.