चेन्नईतील बाल विद्या मंदिर शाळेच्या प्रशासनाविरुद्ध पालकांनी सुरू केलेल्या आंदोलनात आता शिक्षकही सहभागी झाले आहेत. शाळेच्या प्रशासनाने श्रीनिवास राघवन यांची मुख्याध्यापक पदावरून बदली करून त्यांच्या जागी एस. सुजाता यांची नेमणूक केली. तसेच फी वाढीसंदर्भातही वादग्रस्त धोरण अवलंबले. त्याचा निषेध म्हणून पालकांनी सुरू केलेल्या आंदोलनात आता शिक्षकांनीही भाग घेतला आहे. आंदोलक जुन्या मुख्याध्यापकांना पुन्हा बोलावण्याची आणि वाजवी फी आकारण्याची मागणी करत आहेत.
