देशातील महिलांचा सहकारी तत्त्वावरील पहिल्या इंदिरा गांधी महिला सहकारी साखर कारखान्यास ११४ कोटी रुपयांच्या थकबाकीपोटी शुक्रवारी आयडीबीआय बँकेने टाळे ठोकले. बँकेकडून या कारखान्याची लवकरात लवकर विक्री होणार आहे.

देशातील महिलांचा सहकारी तत्त्वावरील पहिला कारखाना म्हणून तांबाळे (ता. भुदरगड) येथे या कारखान्याची सुरुवात झाली होती. व्यवस्थापनाचे नियोजन, आíथक गणित बिघडल्याने कारखान्याचे धुराडे फार काळ पेटते राहू शकले नाही. परिणामी सन २००३-४ ला स्वबळावर ऊस गाळप चालू केलेला हा महिला कारखाना चुकीच्या धोरणामुळे लवकर बंद करावा लागला. नंतर तो ‘गोदावरी शुगर्स’ यांना भाडेतत्त्वावर चालवण्यास दिला. कारखाना सुरळीत चालू असताना संचालक मंडळ व ‘गोदावरी शुगर्स’ यांच्यातील अंतर्गत मतभेदामुळे संचालक मंडळाने तो पुन्हा ताब्यात घेतला. नंतर एक वर्ष स्वत: चालवून पुन्हा ‘शक्ती शुगर्स’ या खासगी कंपनीस भाडेतत्त्वाने दिला. परंतु, त्यांच्याशीही संचालक मंडळाचे जमले नाही. नंतर हा कारखाना बंद अवस्थेत राहिला. या कारखान्यावर जिल्हा बँक व आयडीबीआय बँकेचे कर्ज आहे. कर्जाची ही थकबाकी ११४ कोटींवर गेली होती. एकरकमी परतफेड (ओटीएस) खाली ८० कोटी रुपयांत ही तडजोड करण्यात आली होती. या परतफेडीसाठी २० जून ही अंतिम मुदत दिली होती.  परतफेड न झाल्याने आयडीबीआय बँकेने कारखान्याची मालमत्ता ताब्यात घेऊन कारखान्यास शुक्रवारी टाळे ठोकले. या वेळी मोठा पोलीस बंदोबस्त ठेवण्यात आला होता.

PMC pune municipal corporation
रस्त्यावर फेकलेल्या कचऱ्यातून पत्ते शोधून दंडाची वसुली; मोटारीतून कचरा फेकणाऱ्यांचा पाठलाग करून महापालिकेच्या अधिकाऱ्यांकडून कारवाई
Indian seed industry turnover of rs 30 thousand crore
देशातील बियाणे उद्योगाची स्थिती काय? जाणून घ्या. बियाणे उद्योगाची उलाढाल
traffic problem in Pune
पुण्यातील बिघडलेल्या वाहतूक समस्येची उच्च न्यायालयाकडून दखल, परिस्थितीचा फेरआढावा घेण्याचे पुणे पोलीस आयुक्तांना आदेश
Pune pubs
पुण्यात आता मध्यरात्री दीडपर्यंत ‘चिअर्स’… पब, मद्यालयांबाबत पोलीस आयुक्तांचा मोठा निर्णय

कर्मचारी पगाराविना

कारखान्यात एकूण ३४० कर्मचारी असून, त्यापकी कायम २३० कर्मचारी, हंगामी ११० कर्मचारी आहेत. या कर्मचाऱ्यांच्या रोजगाराचा प्रश्न निर्माण झाला आहे. किमान दोन ते अडीच वर्षांंपासून कर्मचारी पगाराविना असल्याने त्यांची अवस्था दयनीय झालेली आहे.