25 July 2017

News Flash

देशभर किसान जागृती यात्रा – शेट्टी

शेतकरी आंदोलनाविषयी पत्रकारांनी विचारले असता, मी शेतकऱ्यांच्या प्रश्नांसोबत राहणार आहे.

प्रतिनिधी, कोल्हापूर | Updated: July 1, 2017 4:03 AM

खासदार राजू शेट्टी

देशातील १३० शेतकरी संघटना सहभागी होणार

शेतकऱ्यांच्या प्रश्नांबाबत जागृती निर्माण करण्यासाठी किसान जागृती यात्रा संपूर्ण देशभर काढणार असून, यामध्ये सुमारे १३० शेतकरी संघटना सहभागी होत आहेत. प्रथमच संपूर्ण देशातील शेतकरी एकत्र येत आहे. या पाश्र्वभूमीवर स्वामिनाथन आयोगातील शिफारस म्हणजेच शेतकऱ्याच्या उत्पादनाच्या एकूण खर्चाच्या दीडपट हमीभाव त्याला मिळाला पाहिजे, या भूमिकेशी आम्ही ठाम आहोत, असे मत खासदार राजू शेट्टी यांनी पत्रकार परिषदेत व्यक्त केले.

सध्या शासन जी कर्जमाफी करण्याचा दावा करत आहे. पण ती निव्वळ फसवाफसवी असून, शेतकऱ्याच्या डोळ्यात धूळफेक करण्याचा प्रयत्न शासन करत आहे, असा आरोप करून शेट्टी म्हणाले,  जे शेतकरी वेळेवर कर्जफेड करत आहे, त्यांनी उर्वरित कर्ज ३० जून अखेर भरल्यानंतरच त्यांना अनुदानाची रक्कम मिळणार आहे.

असा अध्यादेश जारी करताना त्यासाठी केवळ दोन दिवसांची मुदत कर्जफेडीसाठी आहे. अशावेळी वेळेवर कर्ज भरणारा शेतकरीसुद्धा अचानक उर्वरित कर्जाची थकबाकी भरू शकणार नाही. याचाच अर्थ शासनाला अनुदान द्यायचेच नाही, असा होतो. म्हणूनच शासन केवळ शेतकऱ्याच्या प्रश्नाबाबत धूळफेक करीत आहेत. त्यामुळे आम्ही रस्त्यावरची लढाई लढणारे कार्यकत्रे असून शेतकऱ्यासाठी शेवटपर्यंत लढत राहू, असा निर्धार त्यांनी व्यक्त केला.

शेतकरी आंदोलनाविषयी पत्रकारांनी विचारले असता, मी शेतकऱ्यांच्या प्रश्नांसोबत राहणार आहे. माझ्यासाठी शेतकरी महत्त्वाचे आहेत. यासाठी कुणाशीही दोन हात करण्याची माझी तयारी आहे. असा टोला त्यांनी कृषिमंत्री सदाभाऊ खोत यांचे नाव न घेता लगावला.

बांबवडे शहीद जवान श्रावण माने यांच्या स्मरणार्थ त्या ठिकाणी सांकृतिक हॉल मंजूर करण्यात येणार असून सुमारे साडेसात कोटींची कामे मंजूर करण्यात आली आहेत, अशी माहिती शेट्टी यांनी  दिली. शाहूवाडी तालुक्यातील विकासकामाबाबत शेट्टी म्हणाले, की ग्रामसडक योजनेंतर्गत संशोधन आणि विकास या अंतर्गत अतिवृष्टी निधीतून सुमारे चार कोटींची रस्त्यांची कामे मंजूर केली आहेत.

First Published on July 1, 2017 4:03 am

Web Title: mp raju shetty to organise kisan jagriti yatra
  1. R
    ravi
    Jul 1, 2017 at 11:03 am
    अतृप्त आत्मा । यांच्यासाठी एवढेच पुरे
    Reply
  2. S
    surekha
    Jul 1, 2017 at 10:49 am
    प्रतिक्रिया गायब आहे
    Reply
  3. N
    Nitin Deolekar
    Jul 1, 2017 at 10:48 am
    महात्मा?गांधी-नेहरू-आंबेडकर यांचे थोर स-"माज"-वादी विचारमुळेच शेतकऱ्याची आज अशी वाट लागली आहे?? हुशार नरसिंहराव-मनमोहनसिंग यांची खुला अर्थ-व्यवस्थेची तत्वे जर शेती-साठी वापरली तरच भारतीय शेती खरी पुढे जाईल.!! त्यांची शेती सरकारने ताब्यात घेऊन त्यांना जन्मभर पेन्शन द्यावी!! ती शेती सरकारी / सार्वजनिक / कारी कंपन्यांना द्या. IOC , RCF , BPCL याना द्या !! शेती उत्पादन ज दुप्पट होईल !! त्याच कंपन्यात शेतकरी कुटुंबातील एकाला नोकरी द्या !! त्या कंपन्या वीज आणि पाण्याचे पैसे भरतील !! तेही औद्योगिक दराने.!! शेतीचे आधुनिक करण होईल !! शेती मालाला राष्ट्रीय सँम्पत्ती घोषित करा !! त्याचे नुकसान करणारांना सक्त-मजुरी जन्म-ठेप द्या-च !! हिरवे बाजार चे अनुकरण करा !! दुष्काळी मराठवाड्यातली फुक्कटचं पाणी पिणारी आणि मोफत वीज खाणारी ऊस-शेती बंद करा !! १९९१ मधेच हे केले असते तर अन लाखो आत्म-हत्या वाचल्या असत्या? आता तरी करा..हि विनम्र विंनती.. महान??गांधी-नेहरू-आंबेडकर सायबाच्या गंभीर घोड-चुका मान्य करा आणि दुरुस्त करा..(दुसरे उदाहरण: समान नागरी कायदा करा आणि मुस्लिम भगिनींना माणसासारखे कायदे करा..)
    Reply
  4. S
    surekha
    Jul 1, 2017 at 6:31 am
    ह्या नेत्याला शेतीचा व सर्वंकर्ष आर्थिक स्थितीचा काहीही अभ्यास नाही. आपली नेतेगिरी कशी टिकून राहील ह्याचाच विचार ह्यांच्या डोक्यात हवा गेल्या प्रमाणे सतत वावरत असतो. आता ह्यांना सर्व खर्च वजा जाऊन दीडपट बाजार मूल्य मिळाला पाहिजे हे अतीच झाले स्वामिनाथन समितीच्या शिफारसी प्रमाणे आजच ५० निव्वळ नफा शेतकऱयांच्या पदरी पडत आहे. आंदोलन व अशांतता चालू ठेवण्या करीता काही कार्यक्रम शेतकर्याना देणे आवश्यक असल्या मुळ्ये व आपले नांव सतत झळकत ठेवण्याच्या ह्या युक्त्या अन्य नेत्यानं प्रमाणेच आहेत. शेतकऱ्याला आपला माल बाजारात कसा व काय भावात विकावा ह्याची त्याला स्वतः ची अक्कल असावी लागते ती हे तथाकथित नेते रोजचा रोज प्रत्येक शेतकऱ्याला देणार आहेत कां?
    Reply