25 September 2017

News Flash

मुख्यमंत्र्यांचे पद दिल्लीच्या बोलवण्यावर – पृथ्वीराज चव्हाण

सनातन संस्थेबद्दलची भूमिका काय हे सरकारने स्पष्ट करण्याचे  आवाहन चव्हाण यांनी केले.

प्रतिनिधी, कोल्हापूर | Updated: August 22, 2017 2:57 AM

माजी मुख्यमंत्री पृथ्वीराज चव्हाण

भाजपाच्या कार्यकारिणी बठकीत मीच मुख्यमंत्री राहणार असे विधान करणाऱ्या देवेंद्र फडणवीस यांना दिल्लीतून बोलावणे आले तर त्यांची त्याला नाही म्हणायची हिंमत आहे का, असा प्रश्न उपस्थित करत माजी मुख्यमंत्री पृथ्वीराज चव्हाण यांनी फडणवीस यांच्या राजकीय मर्यादांवर टीका केली. येथे पत्रकारांशी बोलताना चव्हाण यांनी फडणवीस  सरकारने जाहीर केलेली कर्जमाफी ही फसवी असून त्यांनी शेतकऱ्यांना रांगेत उभे केल्याबद्दल संताप व्यक्त करत मुख्यमंत्र्यांवर विविध मुद्दय़ांवरून टीकेची झोड उठवली.

माजी पंतप्रधान राजीव गांधी यांच्या जयंती निमित्त सद्भावना दौड आणि शेतकरी मेळाव्याचे आयोजन करण्यात आले होते. या कार्यक्रमाच्या निमित्ताने कोल्हापुरात आलेल्या चव्हाण यांनी पत्रकारांशी संवाद साधला. यावेळी सरकारच्या धोरणावर त्यांनी टीकास्त्र सोडले.

भाजप कार्यकारिणी बठकीत फडणवीस यांनी कर्जमाफीसाठी स्थापन झालेल्या सुकाणू समितीवर हल्ला चढवला होता. चव्हाण यांनी मुख्यमंत्र्यांच्या वक्तव्यांचा समाचार घेताना मुख्यमंत्र्यांच्या  त्या भाषणामधून सरकारच्या अपयशाचा तणाव स्पष्टपणे जाणवत होता, असा उल्लेख केला. राज्य सरकारने आता केलेली कर्जमाफी फसवी असून आपण त्यावर समाधानी नसल्याचे नमूद करून चव्हाण म्हणाले, स्वामिनाथन आयोगाच्या शिफारशी कोणत्याही अटी शिवाय लागू करण्याचे आश्वासन भाजपन दिले असल्याने त्याबाबत आता शेतकरी आणि विरोधकांनी विचारणा केली तर  चुकले कोठे , असा खोचक सवाल त्यांनी केला.

कर्जमाफी जाहीर झाल्यानंतरही राज्यात चारशेवर शेतकऱ्यांनी आत्महत्या केल्या आहेत, तर ऑनलाईन अर्ज भरण्याच्या कालावधीत गेल्या सात दिवसात ३४ शेतकऱ्यांच्या  आत्महत्या झाल्या आहेत. त्यामुळे भाजपा सरकारबद्दल  शेतकऱ्याच्या मनात भरोसा नाही, हे उघड झाले असून फडणवीस यांच्या विषयी शेतकऱ्यांत संताप व्यक्त होत आहे. हे सरकार बिनबुडाचे आरोप करून विरोधकांना बदमान करत आहे. रोजगार निर्मितीबाबत सरकारकडून केला जाणारा दावाही खोटा असल्याचे ते म्हणाले.  मराठा समाजाच्या तोंडालाही या सरकारने पाने पुसली असून फक्त फसव्या जाहिरातींवर सरकारचा भर असल्याची टीकाही त्यांनी केली. फडणवीस सरकारच्या काळात मलईदार पोिस्टगसाठी सुपर बाजार सुरू असल्याचा गंभीर आरोपही चव्हाण यांनी केला. सनातन संस्थेबद्दलची भूमिका काय हे सरकारने स्पष्ट करण्याचे  आवाहन चव्हाण यांनी केले.

First Published on August 22, 2017 2:57 am

Web Title: prithviraj chavan devendra fadnavis central government
  1. D
    Diwakar Godbole
    Aug 22, 2017 at 9:25 am
    विधान सभा/परिषद ह्यापैकी कोणत्याही संस्थेचे सभासदत्व नसताना दिल्लीतूनच मुख्यमंत्री म्हणून रवानगी झाली होती हे कसे काय विसरलात? ह्यापूर्वी हिमालयाच्या मदतीला ्याद्री धावून गेला हा वाक्प्रचार का वापरला जात होता हे स्पष्ट कराल काय?
    Reply
    1. P
      Prasad
      Aug 22, 2017 at 9:01 am
      डोळ्यात काजळ घालून सोनियाचरणी निष्ठा अर्पण करण्यार्यानी असे बोलावे म्हणजे कमाल आहे .
      Reply
      1. रानी
        Aug 22, 2017 at 9:00 am
        हा तोंडाची वेडीवाकडी हालचाल करून काय बोलतो तेच कळत नाही
        Reply
        1. S
          Somnath
          Aug 22, 2017 at 8:45 am
          बाबा कशाला स्वतःची उरली सुरली घालून घेता.सगळ्या दुनियाला माहित आहे काँग्रेसचा वारसा आणि त्यांचे निर्णय.दिल्लीवरून थोपणे हा मार्ग ज्यांनी अवलंबून सत्ता भोगली निदान त्यांनी आपण केलेल्या कर्माची फळे भोगत असताना आणखीन त्याची आठवण करून देऊ नये. बाबा एकच उत्तर द्या मौनी बाबाची निवड (निवडून न येता) निवडून आलेल्या काँग्रेसच्या खासदारांनी केली कि सोनिया बाईंनी केली? तुम्हाला स्वतःला तरी महाराष्ट्राच्या काँग्रेसच्या आमदारांनी निवडले होते का? चव्हाण घराणेशाहीचे आदर्श पुरुष पायउतार झाले आणि नाईलाजाने तुम्हाला थोपले तेही तुमच्या घराण्याचा वारसा बघनूच.जे इतके नखशिकांत बर लेले आहेत निदान त्यांनी दुसऱ्यावर डाग दिसतात असल्याचा भास निर्माण करावा याचे आचर्य वाटते.
          Reply
          1. A
            Anil Gudhekar
            Aug 22, 2017 at 7:47 am
            स्वतःचा अनुभव हे कथित करीत असावेत .....कारण हे पण दिल्लीवरून लादलेले मुख्यमंत्री होते ...आणि सोनिया काँग्रेस सारी पदे हि तो किती लाचार आहे त्यानुसार देत होती ..हे सर्व जाणतात
            Reply
            1. Load More Comments