चॅम्पियन्स टेनिस लीग स्पर्धेत बॉलीवूडचा प्रवेश झाला आहे. अभिनेता अजय देवगण उद्योजक संजीव कसाल यांच्याबरोबरीने दिल्ली ड्रीम्स संघाचा मालक असणार आहे. ‘‘या स्पर्धेचा भाग होण्याची संधी मिळाली याचा अभिमान वाटतो. आमचा संघ स्पर्धेतील अन्य संघांसाठी कर्दनकाळ ठरेल,’’ अशी प्रतिक्रिया अजय देवगणने व्यक्त केली. पुणे संघात फिलीप कोहलश्रायबर याच्याऐवजी मार्कोस बघदातीस यांचा समावेश करण्यात आला आहे.
