भाजपचे नेते अमित शाह यांची गुजरात क्रिकेट असोसिएशनच्या अध्यक्षपदावर बिनविरोध निवड झाली आहे. पंतप्रधान नरेंद्र मोदी यांनी राजीनामा दिल्यामुळे हे पद रिक्त झाले होते. पंतप्रधान पदाची शपथ घेण्यापूर्वी मोदी यांनी आपले पद सोडले होते. ‘‘आधी उपाध्यक्ष असलेल्या अमित शाह यांची गुजरात क्रिकेट असोसिएशनच्या अध्यक्षपदावर बिनविरोध निवड झाली आहे,’’ अशी माहिती उपाध्यक्ष आणि राज्यसभेचे खासदार परिमल नाथवानी यांनी दिली.
