दिल्ली व्हेवरायडर्स संघाने पंजाब वॉरियर्सवर ३-० अशी मात करीत हॉकी इंडिया लीगमध्ये आघाडीस्थान कायम राखले. प्रारंभापासूनच आक्रमण खेळ करणाऱ्या दिल्लीने १४ व्या मिनिटाला गोल करीत पंजाबवर दडपण ठेवण्याचा प्रयत्न केला. त्यांचा हा गोल १४ व्या मिनिटाला आकाशदीपसिंग याने प्रतिस्पर्धी संघातील चारपाच खेळाडूंना चकवित नोंदविला. मध्यंतरापर्यंत दिल्लीने १-० अशी आघाडी घेतली होती. सामन्याच्या ५० व्या मिनिटाला अँड्रय़ु हेवर्ड याने दिल्लीस २-० असे अधिक्य मिळवून दिले. या स्पर्धेतील पहिलाच सामना खेळताना त्याने हा गोल करीत दिमाखदार सुरुवात केली.
