भारताचा ग्रँडमास्टर पी. हरिकृष्ण याने आपलाच ज्येष्ठ सहकारी व विश्वविजेत्या विश्वनाथन आनंदला बरोबरीत रोखले आमि टाटा स्टील करंडक आंतरराष्ट्रीय बुद्धिबळ स्पर्धेत अनपेक्षित धक्का दिला. जागतिक क्रमवारीतील अग्रमानांकित खेळाडू मॅग्नुस कार्लसन याने साडेचार गुणांसह आघाडी स्थान घेतले. कार्लसन याने नेदरलँड्सच्या इव्हान सोकोलोव्ह याच्यावर सहज विजय मिळविला. आनंद व रशियाचा सर्जी कर्झाकिन यांचे प्रत्येकी चार गुण झाले असून ते संयुक्त दुसऱ्या स्थानावर आहेत. हरिकृष्ण याचे साडेतीन गुण झाले आहेत. तो चौथ्या स्थानावर आहे.
