आपल्या कारकिर्दीचा ३०० वा वन-डे सामना खेळत असलेल्या महेंद्रसिंह धोनीच्या नावावर आज आणखी एका विक्रमाची नोंद करण्यात आलेली आहे. वन-डे सामन्यात सर्वाधीक नाबाद राहण्याचा विक्रम धोनीच्या नावे झाला आहे. धोनीने दक्षिण आफ्रिकेच्या शॉन पोलॉक आणि श्रीलंकेच्या चमिंडा वास या खेळाडूंना मागे टाकलं आहे. चौथ्या वन-डे सामन्यात धोनीने अखेरपर्यंत मैदानात तळ ठोकून ४९ धावांची नाबाद खेळी केली. त्याच्या या खेळीमुळे भारताने ३०० धावांची धावसंख्या ओलांडली. ३०० वा वन-डे सामना खेळणारा महेंद्रसिंह धोनी हा सहावा भारतीय खेळाडू ठरलेला आहे. याआधी सचिन तेंडुलकर, मोहम्मद अझरुद्दीन, राहुल द्रविड, सौरव गांगुली आणि युवराज सिंहच्या नावे हा विक्रम जमा आहे. अवश्य वाचा - धोनीच्या जिद्दीचे एमएसके प्रसाद यांच्याकडून कौतुक वन-डे सामन्यात सर्वाधिक वेळा नाबाद राहणाऱ्या फलंदाजांची यादी - १) महेंद्रसिंह धोनी - ३०० सामने - ७३ वेळा नाबाद २) शॉन पोलॉक - ३०३ सामने - ७२ वेळा नाबाद ३) चमिंडा वास - ३२२ सामने - ७२ वेळा नाबाद ४) मायकल बेवन - २३२ सामने - ६७ वेळा नाबाद ५) मुथय्या मुरलीधरन - ३५० सामने - ६३ वेळा नाबाद ६) ख्रिस हॅरिस - २५० सामने - ६२ वेळा नाबाद ७) स्टिव्ह वॉ - ३२५ सामने - ५८ वेळा नाबाद ८) अब्दुल रझ्झाक - २६५ सामने - ५७ वेळा नाबाद ९) मार्क बाऊचर - २९५ सामने - ५७ वेळा नाबाद १०) डॅनियल व्हिटोरी - २९५ सामने - ५७ वेळा नाबाद अवश्य वाचा - एका सेल्फीसाठी ‘त्या’ व्यक्तीने धोनीचा सराव थांबवला