दसरा चषक फुटबॉल स्पध्रेत बुधवारी दिलबहार स्पोर्ट्स क्लबने फुलेवाडी क्रीडा मंडळाचा ६-१ गोलने धुव्वा उडवून विजेतेपद पटकावले. परंतु, या विजयाला हाणामारीचे गालबोट लागले. अंतिम लढतीत गोल मारल्यानंतर झालेल्या जल्लोषातून प्रेक्षकांच्या दोन गटांत हाणामारी झाली. यामध्ये दोघे जण जखमी झाले असून त्यांच्यावर उपचार सुरू आहेत. सामना सुरू असताना बंदोबस्त ठेवण्याऐवजी पोलीस स्टेडियमबाहेर राहिल्याने प्रेक्षकांचा त्यांच्यावरील रोष दिसला.
