कानपूर कसोटीत तिसऱया दिवशी भारतीय संघाने पुनरागमन केले असून, न्यूझीलंडवर २१५ धावांची भक्कम आघाडी मिळवली आहे. तिसऱया दिवसाचा खेळ संपला तेव्हा भारतीय संघाची दुसऱया डावात १ बाद १५९ अशी धावसंख्या आहे. चेतेश्वर पुजारा आणि मुरली विजय यांनी शतकी भागीदारी रचून भारताच्या धावसंख्येला भक्कम आघाडी मिळवून देण्याचे काम केले आहे. आजच्या दिवसाअखेरीस पुजारा नाबाद ५० , तर मुरली विजय नाबाद ६५ धावांवर खेळत आहेत. लोकेश राहुल ३२ धावांवर झेलबाद झाला. त्यानंतर पुजारा आणि विजय यांनी डाव सावरला. आजच्या दिवसाच्या पहिल्या सत्रात फिरकीला पोषक असणाऱ्या कानपूरच्या खेळपट्टीवर भारतीय गोलंदाजांनी शनिवारी आपली जादू दाखविली. न्यूझीलंडचे फलंदाज आर. अश्विन व जडेजाच्या फिरकीच्या सापळ्यात अडकताना दिसले. न्यूझीलंडचा पहिला डाव २६२ धावांतच संपुष्टात आला. आर.अश्विनने चार, रवींद्र जडेजाने सामन्यात पाच विकेट्स घेतल्या. तिसऱया दिवसाच्या पहिल्या सत्राची सुरूवात चांगली झाली. अश्विनने टॉम लॅथमला ५८ धावांवर पायचीत बाद करून लॅथम-विल्यमसन जोडी फोडली. आर. त्यानंतर पुढच्याच षटकात जडेजाने रॉस टेलरला शून्यावर बाद करत न्यूझीलंडला तिसरा धक्का दिला. अश्विनने पुढे विल्यमसनला (७५) त्रिफळाचीत केले आणि भारतीय संघाला चौथे यश मिळवून दिले. यापुढे सामन्यात भारतीय संघाने फिरकीपटूंच्या जोरावर पुनरागमन केले. रवींद्र जडेजाने एकाच षटकात तीन विकेट्स घेऊन न्यूझीलंडला गारद केले. किवींचा पहिला डाव २६२ धावांत संपुष्टात आला, त्यामुळे भारतीय संघाला ५६ धावांची आघाडी मिळाली. कालचा दिवस भारतीय संघासाठी फारसा आश्वासक ठरला नव्हता. कर्णधार केन विल्यम्सन आणि टॉम लॅथम यांनी भारतीय गोलंदाजांचा समाचार घेत शतकी भागीदारी रचली होती. पण दुसऱया दिवसाच्या तिसरा सत्राचा खेळ पावसामुळे रद्द करण्यात आला. दुसऱ्या सत्रापर्यंत न्यूझीलंडला १ बाद १५२ अशी मजल मारला आली. भारतीय संघाचा ३१८ धावांचा पाठलाग करणारा न्यूजीलंडचा संघ दुसऱया दिवसाचा खेळ थांबला तेव्हा केवळ १६६ धावांनी पिछाडीवर होता. न्यूझीलंडचा कर्णधार केन विल्यमसन आणि सलामीवर टॉम लॅथम यांनी मैदानात चांगलाच जम बसवला होता. दोघांनीही अर्धशतकी खेळी साकारली असून, दुसऱया दिवसाचा खेळ थांबविण्यात आला तेव्हा विल्यमसन ६५ धावांवर, तर लॅथम ५६ धावांवर खेळत होते. India vs New Zealand: दिवसभरातील अपडेट्स -
