महाराष्ट्राला राष्ट्रीय क्रीडा स्पर्धेतील पुरुष व महिला या दोन्ही गटांत अंतिम फेरी गाठण्यात अपयशास सामोरे जावे लागले. त्यामुळे त्यांना कांस्यपदकांवर समाधान मानावे लागले. या स्पर्धेतील पुरुष गटात तेलंगणा संघाने उपांत्य फेरीत महाराष्ट्रावर २-० अशी मात केली. त्या वेळी एकेरीच्या पहिल्या लढतीत ऑलिम्पिकपटू विष्णु वर्धन याने शहाबाज खान याचा ६-३, ७-६ (७-४) असा पराभव केला.साकेत मायनेनी या अनुभवी आंतरराष्ट्रीय खेळाडूने महाराष्ट्राच्या आकाश वाघ याला ७-६ (८-६), ६-३ असे पराभूत करीत तेलंगणास २-० असा विजय मिळवून दिला. महिलांमध्ये महाराष्ट्राला गुजरातने २-० असे हरविले. एकेरीच्या पहिल्या सामन्यात गुजरातच्या इती मेहता हिने रश्मी तेलतुंबडे हिचा ६-४, ७-६ असा पराभव केला. अंकिता रैना या राष्ट्रीय अग्रमानांकित खेळाडूपुढे प्रार्थना ठोंबरे हिचा निभाव लागला नाही. एकतर्फी झालेला हा सामना अंकिताने ६-०, ६-१ असा जिंकला.
