घरच्या मैदानावर खेळणाऱ्या दबंग दिल्लीचा निराशाजनक खेळ सलग तिसऱ्या दिवशीही सुरु राहिला आहे. हरियाणा स्टिलर्सने यजमान दबंग दिल्ली संघाला ४२-२४ अशी मात करत आपलं दुसरं स्थान कायम राखलं आहे. दबंग दिल्लीच्या एकाही खेळाडूने आज हरियाणाच्या खेळाडूंना टक्कर दिली नाही. त्यामुळे हरियाणाच्या संघाला विजय मिळवणं सोपं होऊन गेलं.

दबंग दिल्लीकडून चढाईत रोहीत बलियान आणि मिराज शेख यांनी आपल्या संघाचं पुनरागमन करण्याचा प्रयत्न केला. मात्र इतर खेळाडूंची न मिळालेली साथ यामुळे त्यांचे प्रयत्नही तोकडे पडले. चढाईत अबुफजल मग्शदुलू, बदली खेळाडू आनंद पाटील यांनीही आज निराशा केली. बचावफळीतल्या एकाही दिग्गज खेळाडूला आज गुण कमावता आले नाहीत. अनुभवी निलेश शिंदेच्या गुणाची पाटी आजही कोरीच राहिली. स्वप्नील शिंदे आणि विराज लांडगे या खेळाडूंनाही फारशी चमक दाखवता आली नाही.

Sourav Ganguly's Reaction to Rohit's Leadership
Sourav Ganguly : “…म्हणून मी रोहित शर्माला कर्णधार बनवलं होतं”, सौरव गांगुलीचा ‘हिटमॅन’बद्दल मोठा खुलासा
Sourav Ganguly Reacts After Sunil Gavaskar Called Dhruv Jurel The Second Rising MS Dhoni
Sourav Ganguly : ‘माही’भाईशी जुरेलची तुलना होताच ‘दादा’ची रोखठोक प्रतिक्रिया; म्हणाला, “धोनीला धोनी बनण्यासाठी…”
Who is Srivats Goswami
Shreevats Goswami : क्रिकेट जगतात खळबळ! बंगालच्या माजी क्रिकेटपटूने केला मॅच फिक्सिंगचा आरोप, वाचा नेमकं प्रकरण?
team india kl rahul bcci
IND Vs ENG : केएल राहुल पाचव्या कसोटीलाही मुकणार, संघात दिग्गज खेळाडूचं पुनरागमन; अशी असेल टीम इंडिया

हरियाणाने मात्र आजच्या सामन्यात चमकदार खेळाचं प्रदर्श केलं. चढाई आणि बचाव या दोन्ही क्षेत्रात हरियाणाच्या खेळाडूंनी अष्टपैलू खेळ केला. प्रशांत कुमार राय, दीपक दहिया, वझीर सिंह यांनी आपापल्या पद्धतीने खेळ करत गुणांची कमाई केली. बचावफळीत कर्णधार सुरिंदर नाडा, राकेश कुमार, मोहीत छिल्लर यांनी भरघोस गुणांची कमाई करत दिल्लीला सामन्यात परतण्याची संधी दिली नाही.