भारताच्या सर्जूबाला देवी (४८ किलो) व सीमा पुनिया (८१ किलोवर) यांनी महिलांच्या जागतिक बॉक्सिंग स्पर्धेतील उपांत्यपूर्व फेरीकडे वाटचाल केली.

Anant Radhika's Pre-Wedding Ceremony Updates in Marathi
MS Dhoni : माही साक्षीसह अनंत राधिकाच्या प्री-वेडिंग सोहळ्यासाठी जामनगरला रवाना, VIDEO होतोय व्हायरल
vladimir putin threatens nuclear war
युक्रेनमध्ये सैन्य पाठवल्यास जागतिक अण्वस्त्र संघर्षांचा पुतिन यांचा इशारा
Pakistani Singer Shazia Manzoor Slaps Co host on Live Show
पाकिस्तानी गायिकेला ‘हनिमून’ विषयी विचारला प्रश्न; लाइव्ह शोमध्येच होस्टच्या कानाखाली लगावली, पाहा धक्कादायक व्हिडीओ
massive fire broke out in a slum in Bhayanders Azad Nagar
भाईंदरच्या आझाद नगर मध्ये झोपडपट्टीला भीषण आग, अग्निशमन दलाकडून नियंत्रण मिळविण्याचे काम सुरू

भारताच्या एम.सी.मेरी कोम (५१ किलो), एल.सरिता देवी (६० किलो) व पूजा राणी (७५ किलो) यांचे आव्हान यापूर्वीच संपुष्टात आले होते. या पाश्र्वभूमीवर सर्जूबाला व सीमा यांचे यश उल्लेखनीय मानले जात आहे. सर्जूबालाने श्रीलंकेच्या एरांडी कालुनाथवर ३-० अशी मात केली. या लढतीत पहिल्या फेरीपासूनच सर्जूबालाने नियंत्रण राखले होते. २२ वर्षीय खेळाडू सर्जूबालाला पुढच्या फेरीत कझाकिस्तानच्या नझीम किझाबे हिच्याशी खेळावे लागणार आहे. किझाबेने स्वीडनच्या लिसी सँडबेजेरवर ३-० अशी मात केली.

सीमाने अझरबैजानच्या ऐनूर रिझायेवाला सहज हरविले. सुरुवातीपासूनच सीमाने केलेल्या आक्रमक चालींपुढे रिझायेवा हिचा बचाव निष्प्रभ ठरला. सीमाला चीनच्या शिजिन वाँगच्या आव्हानास सामोरे जावे लागणार आहे. शिजिनने उजबेकिस्तानच्या गुझाल इस्मातोवा हिचे आव्हान संपुष्टात आणले. भारताच्या पवित्राकुमारी (६४ किलो) हिला मात्र पराभवास सामोरे जावे लागले. ऑस्ट्रेलियाच्या स्केई निकोल्सन हिने तिला पराभूत केले.