21 October 2017

News Flash

श्रीलंकेच्या भारत दौऱ्याचं वेळापत्रक जाहीर

१६ नोव्हेंबरपासून दौऱ्याला होणार सुरुवात

लोकसत्ता टीम | Updated: October 4, 2017 12:33 PM

भारत विरुद्ध श्रीलंका कसोटी सामन्यातला एक संग्रहीत क्षण

घरच्या मैदानावर भारतीय संघाकडून सपाटून मार खाल्ल्यानंतर श्रीलंकेच्या संघाने पाकिस्तानविरुद्ध कसोटीत चांगलं पुनरागमन केलं. मात्र भारताकडून स्वीकाराव्या लागलेल्या पराभवाचा वचपा काढण्याची सुवर्णसंधी श्रीलंकेच्या संघासमोर आहे. नोव्हेंबर महिन्यात श्रीलंकेचा संघ भारतीय दौऱ्यावर येणार आहे. या दौऱ्याचं वेळापत्रक जाहीर करण्यात आलेलं आहे.

या दौऱ्यात श्रीलंका भारताविरुद्ध प्रत्येकी ३ कसोटी, वन-डे आणि टी-२० सामने खेळणार आहे. १६ नोव्हेंबरपासून श्रीलंकेच्या भारत दौऱ्याला सुरुवात होणार आहे.

असा असेल भारताचा श्रीलंका दौरा –

पहिली कसोटी – १६ ते २० नोव्हेंबर – ईडन गार्डन्स (कोलकाता)
दुसरी कसोटी – २४ ते २८ नोव्हेंबर – व्हीसीए स्टेडीयम (नागपूर)
तिसरी कसोटी – २ ते ६ डिसेंबर – फिरोज शहा कोटला मैदान (दिल्ली)

पहिली वन-डे – १० डिसेंबर – धर्मशाळा
दुसरी वन-डे – १३ डिसेंबर – मोहाली
तिसरी वन-डे – १७ डिसेंबर – विशाखापट्टणम

पहिली टी-२० – २० डिसेंबर – कटक
दुसरी टी-२० – २२ डिसेंबर – इंदूर
तिसरी टी-२० – २४ डिसेंबर – मुंबई

सध्या भारत ऑस्ट्रेलियाविरुद्ध टी-२० मालिका खेळणार आहे. त्यानंतर घरच्या मैदानावर भारताला न्यूझीलंडचा सामना करावा लागणार आहे. श्रीलंकेत झालेल्या मालिकेत भारताने कसोटी, वन-डे आणि टी-२० सामने लागोपाठ जिंकत मालिकेतले सर्व सामने जिंकले होते. त्यामुळे आपल्या घरच्या मैदानावर झालेल्या पराभवाचा वचपा श्रीलंकेचा संघ घेतो का हे पहावं लागणार आहे.

First Published on October 4, 2017 12:23 pm

Web Title: sri lanka tour of india 2017 entire schedule of sri lanka tour of india watch complete schedule here
टॅग Bcci,India,Sri Lanka