कोपराला झालेल्या दुखापतीतून पूर्णपणे न सावरल्याने भारताच्या युकी भांब्रीने चेन्नई खुल्या टेनिस स्पर्धेतून माघार घेतली आहे. यंदाच्या हंगामात युकीने दोन चॅलेंजर स्पर्धाच्या जेतेपदासह जागतिक क्रमवारीत अव्वल शंभर खेळाडूंमध्ये स्थान पटकावले होते. चांगला फॉर्म असताना चेन्नई स्पर्धेत सहभागी व्हायचे होते. परंतु फिजिओने विश्रांतीचा सल्ला दिल्याने माघारीचा निर्णय घ्यावा लागला असे युकीने स्पष्ट केले.
