एकेकाळी बाईकच्या कंपन्यांमध्ये सर्वात आघाडीवर असणारी बाईक कंपनी कोणती असे कोणी विचारले तर यामाहा असे आपण अगदी सहज सांगतो. याच यामाहा गाडीचे कस्टमायझेशन करण्यात आले असून नवीन कस्टमाईझ बाईक बाजारात दाखल झाली आहे. यामाहा आरडी ३५० ही मागच्या पिढीतील पॉवरफुल गाडी मानली जायची. या गाडीने भारतीय बाईकप्रेमींना अक्षरशः वेड लावले होते. एका कस्टमायझेशन कंपनीने या गाडीला असा काही नवा लूक दिला आहे की तुम्ही पाहताच या गाडीच्या पुन्हा एकदा प्रेमात पडाल. मोटोएग्जॉटिका इंडिया या कंपनीने या बाईकला अतिशय युनिक असा लूक दिला आहे. या बाईकची डिझाईन आणि इंजिन यामुळे हा वेगळा लूक देणे शक्य झाल्याचे कंपनीचे म्हणणे आहे. मात्र इतक्या सगळ्या सुविधा आणि उत्तम लूक असणारी ही गाडी ऑन रोड किती रुपयांना मिळेल याबाबत अद्याप काही स्पष्ट करण्यात आलेले नाही. व्हॉटसअॅपची ‘ही’ नवीन फीचर्स माहितीयेत? ही कस्टमाईज करण्यात आलेली बाईक यामाहा एससीआर९५० सारखी दिसत आहे. या गाडीची लाल आणि पांढरी रंगसंगती लक्ष वेधून घेणारी आहे. यासोबतच बाईकमध्ये असणारे काळ्या रंगाचे स्पोक व्हीलमुळे या गाडीला चांगला लूक येत आहे. गाडीला कस्टमाईझ करणाऱ्या कंपनीने जुन्या मॉडेलमध्ये असणारा प्रत्येक अनावश्यक भाग काढून टाकला आहे. चाकांचा आकारही मोठा आहे ज्यामुळे चांगला रस्ता नसलेल्या ठिकाणी काही अडचण येणार नाही असा दावा करण्यात आला आहे. पुढच्या चाकासाठी मोठा डिस्क ब्रेकही देण्यात आला असून मागच्या चाकातही हा डिस्कब्रेक दिला आहे. त्यामुळे तुम्ही नवीन बाईक घेण्याचा विचार करत असाल तर या बाईकचा नक्की विचार करु शकता.
