मा सर्वाना जाहीर करण्यात येते कीयापुढे येथे कोणत्याही प्रकारचीकोणत्याही जातीची, पातीची, रीतीची, भातीची, मातीची, तसेच संस्कृतीची फुले फुलवण्यास सक्त मनाई करणेत येत आहेफूल ना फुलाची पाकळी म्हणूनउमलू दे एखादी कळी म्हणणारांसहीकायद्याने सक्त मनाई करणेत येत आहे,आदेशावरून! तशी करण्यात आलीच आहेसगळ्याच बागांची नसबंदीघालण्यात आली आहेत कुंपणे इंचाइंचावर काटेरीकरण्यात येत आहेफवारणी विखारीकलमे करणारे हात तर केव्हाचकेले आहेत कलमवाटिकावाटिकांतून वाटण्यात आले आहेविशेष फुलरोधी मलमम्हणाल तर केलाच आहे कडेकोट बंदोबस्तडोहाडोहात एकेक कालियादाही तोंडाने फूत्कारतो आहे विखारमुळांच्या जावळापाशीच थेट द्वेषाची ठिबक धारआता तर म्हणे पानापानांतून सुरू केलेय काळोखाचे संश्लेषणकी फुलांनाही काटेच यावेतपाकळ्यांऐवजीप्रयोगशाळांमध्ये तर कधीचे सुरू आहे संशोधनतसा तर हाही प्रयोग सुरूच आहे, की काटय़ाने काढावा काटातशी फुलांनी काढता येतील का फुले?गोळ्या घालून टिपल्या जातील का कळ्यासमजा, फुलांच्याच हातात दिली पिस्तुलेविद्वेषाच्या नखांनी खुडून खुडून पाडले जातील का पाकळ्यांचे सडे?धडाधड कोसळतील का फुलांची धडे?समजा गेंदफुलास दिले झेंडूच्यावेगळेपणाचे धडे!तरीही सावधगिरीचा उपाय म्हणून यापुढे येथे कोणत्याही प्रकारचीकोणत्याही जातीची, पातीची, रीतीची, भातीची, मातीची, तसेच संस्कृतीची फुले फुलवण्यास सक्त मनाई करणेत येत आहेफूल ना फुलाची पाकळी म्हणूनउमलू दे एखादी कळी म्हणणारांसहीकायद्याने सक्त मनाई करणेत येत आहेतेव्हा समस्त लोकांस आमचे विनम्रआवाहनकी कृपया फुले फुलवू नकाकाय आहे,उघडय़ा डोळ्यांनी फुले गळताना पाहणेहे खूप अवघड असते मित्रहो,खूप अवघड!त्याहून या जगात निष्पुष्प असणे सोपे!! balwantappa@gmail,com
